JEREMIA 10:22 - Bawm Common Language Bible Version

²² Ngâi u! Thâwngthâng a hawng tlung! Marlei mi phun lakah nawknâk rokual tak a tlung sut; a kawrsen tla nih Juda khuapi chu an râwk phin le, kâwlui umnâk mun asi rawh,” ka ti.

JEREMIA 10:22 ပူးပေါင်းရင်းမြစ်များ

ISAI 34:13

Ling leh bua tla chu lal in leh kulh mi khua tla lakah a kho lai le, kâwlui leh sûmbuh tla a sungah an um lai.

JEREMIA 1:14

Anih nih ka sinah, “Marlei ah mi phun zawzawng hawng ding hen ka kawh na awt ruangah,

JEREMIA 1:15

siatnâk a tlawk mi chu marlei thawk hen hi ram lakah a um mi tla tlûnah a hawng liam awt. An lalchem tla nih Jerusalem kulh kawtkâ tla ah leh a kulh kiangkam tla ah, Juda ram khuapi dang kiangkam tla khawm ah an laltophah an toh lai.

JEREMIA 2:15

Chakeibaknei hâwi hen an hûk rawh; a ram chu a karo hen an siam le, a khuapi tla chu râwk hen kaltâk phin hen a um.

JEREMIA 25:9

‘Marlei mi minung tla zawzawng leh ka to-aw Babulon lalchem Nebukadnezar ka fial na awt. Juda leh a ram sungah mi tla leh a kiangkam ah mi phun zawzawng tla do ding hen ka hawngpi na awt. Hi phun tla leh a kiangkam ah mi tla ka râwk na lai le, sia dep hen ka mâk na lai le, ṭihnungkâi leh lâu khit ding hen a um lai. Kei, LALPA nih ka sim asi.

JEREMIA 4:15

Dan khuapi leh Efraim tlâng ram khuapi thawk hen mifial hawng kal mi nih thâwng ṭhalo tak an sim.

JEREMIA 4:6

Zion leikâng fûk u! Him ding hen tek u! Fâwkfual lah u! LALPA nih marlei thawk hen siatnâk leh râwknâk tak a hawng tlungtir.

JEREMIA 49:33

Hazor chu kâwlui umnâk mun cho siding hen râwk dep hen ka siam pawt lai rawh. Chunah chun âukhawm an um lai lo rawh. Kei, LALPA nih ka sim asi,” a ti.

JEREMIA 5:15

Israel mi tla, nangmah do ding hen LALPA nih ram lât tak a thawk hen phun a hawng put. A lânah mi phun chak tak, an hawlh na theih lo mi phun asi.

JEREMIA 6:1

Benjamin mi tla, him ding hen tek u! Jerusalem lakah mi suak u! Tekoa ah tâwtawrâwt tum ule, Beth Hakerem ah theihtirnâk mei chêu u. Marlei thawk hen siat leh râwknâk a hawng tlung awt.

JEREMIA 6:22

LALPA nih, “Phun chak tak, râltuk ding hen a timhtuah mi marlei ram lât tak thawk hen an hawng kal.

JEREMIA 9:11

LALPA nih, “Jerusalem chu nâwmpawng ah ka siam lai le, chu mun ah kâwlui tla an um lai; Juda khuapi tla chu a karo hen a um lai le, chunah chun âukhawm an um lai lo,” a ti.

LUNGFÂKNÂK 1:4

Tu chu ni thenhlimh tla khawm ah âukhawm Pathian sawnh ding hen an hawng lo rawh. Nungâk lasaktu tla khawm nih an tuar le, Bâwlpu tla khawm an rûm mi ko rawh. Khuapi kulh kawtkâ tla chu a karo hen a um le, Zion chu ngaihsiatnâk ah a um rawh.

EZEKIEL 12:19

LALPA Zahkâi nih an ram Jerusalem ah um rih mi tla rangah thu a chah mi hi phun pumpi rangah simh na: Tî-râwl an ei tikah an thir lai, tî an din tikah lâu hen anna nîn lai. An ram ah mikip dân nei lo hen um mi an si ruangah an ram chu a karo hen a um lai.

MALAKI 1:3

Esau leh a thlâk tla lam chu ka hua na. Esau tlâng ram chu ka râwk le, ramsa rangah ram chu ka mâk rawh,” a ti.