JEREMIA 10:16 - Bawm Common Language Bible Version

¹⁶ Jakob Pathian lam chu anmah hâwi asi lo; zeizawng siamtu asi le, Israel mi tla chu amah mi tak siding hen a thîm na. A min chu LALPA Zeizawng tikho asi.

JEREMIA 10:16 ပူးပေါင်းရင်းမြစ်များ

SAM 119:57

LALPA, ka duh mi zawzawng chu nangmah na si, na dân zûl ding hen thu ka tiam.

SAM 135:4

Jakob chu amah rang bîk ah a thîm le, Israel tla chu amah tâ ding hen a thîm.

SAM 142:5

LALPA, ṭangpi ngiar hen ka hawng âu; LALPA, nang chu, hawng ka humtu, ka dam sungah ka herhnâk zawzawng chu na si.

SAM 33:6

LALPA nih a thupêk hen vân chu a siam le; nî, thlâ leh ârfi tla chu a thu hen a siam.

SAM 73:26

Ka thinlung leh ka taksa hi chak lo khawmsele, Pathian chu ka chaknâk asi; zeiliau zawng ah ka herh kumza mi chu.

SAM 74:2

Hun sâwt tak na tâ siding hen na thîm na mi tla leh nangmah mi siding hen sal na suah na mi chu theihkumza. Veikhat na umnâk Zion Tlâng chu theihkumza.

EXODUS 19:5

Tuah ka thu nan lung hen ka dân thu tla nan zûl chun keimah mi tak nan si lai. Tual pumpi hi ka tâ asi, nannih lam chu ka mi thîm nan si lai.

EXODUS 34:9

“LALPA nangmah lawmhkâng mi kasi chun kan sinah hawng ding hen ka nan ngiar, hi minung tla hi an lung a khung le, sikhawmsele, kan palhnâk leh kan sual tla hawng kan ngaihdam le, nangmah mi takah hawng kan ruat rawh,” a ti.

THUFING LASUIBU 16:4

LALPA nih thil a siam mi zawzawng hi dawnghnâk a nei le, misual tla dawnghnâk chu siatnâk asi.

ISAI 19:25

LALPA Zeizawng tikho nih mal a sâwm na lai le, “Ka mi Aigupta ram mi tla; nannih ka nan siam na mi Asiria mi tla; nannih ka mi thîm Israel tla, mal ka nan sâwm na lai,” a ti lai.

ISAI 45:7

Chêu leh mûi khawm ka siam vevê; malsâwmnâk leh siatnâk khawm ka tlungtir mi an si vevê. Kei LALPA nih chubang thil zawzawng ka ti mi asi.

ISAI 47:4

Israel Pathian Thenhlimh nih hawng kan suah le, a min chu LALPA Zeizawng tikho asi.

ISAI 47:6

Ka mi tla lakah ka ro a thawk le; ka tâ silo rawh mi hâwi hen ka ti na. Na thu thu hen ka siah na le, an lakah khuaruatnâk na langhtir lo le; upa tiang khawm fâk tak hen na ti na.

ISAI 51:15

“Kei, LALPA nan Pathian tipi tla tlingtlawktirtu leh tîlian rihâu suahtirtu chu kasi. Ka min chu LALPA Zeizawng tikhotu kasi!

ISAI 54:5

Nangmah a nan siamtu a min LALPA Zeizawng tikho chu na rangah pasal hâwi asi lai. Israel Pathian thenhlimh laikulh zawzawng lâirêltu nih ruang a nan suah lai.

JEREMIA 10:12

LALPA nih tual chu a thiltikhonâk hen a siam le; a finghnâk hen laikulh a siam le, vân tla a pharh.

JEREMIA 10:6

LALPA, nang hâwi mi âukhawm an um lo; nang chu na chak le, na min chu a rokual hen thil a tikho.

JEREMIA 31:35

LALPA nih sûn ah cherhtu rang ding ah nî a pêk le, zân cherhtu rangah thlâ leh ârfi a pêk. Tipi tla a chawk le, hâu a suaktir; a min chu LALPA Zeizawng tikho asi.

JEREMIA 32:18

Sâng tam tak tla sinah na dâwtnâk dawnglo na zauhtir le, sikhawmsele an nu leh an pa sualnâk ruangah mi tla na rêp na. Nang chu Pathian rokual leh thiltikho tak na si; nang chu LALPA Zeizawng tikho na si.

JEREMIA 33:2

LALPA, tual siamtu; tuahtu leh a mun ah siahtu nih ka sinah thu a sim. A min LALPA si mi nih chun,

JEREMIA 46:18

Kei, LALPA Zeizawng tikho chu lalchem kasi. Pathian nung kasi. Tabor tlângah insâng tla nih tlâng sâng tla a lanh mi leh Karmel tlâng tla chu tipi ngâk hen a sâng mi hâwi hen a nan dotu chaknâk chu asi lai.

JEREMIA 50:34

Sikhawmsele, anmah tla ruangsuahtu chu a chak asi, a min chu LALPA Zeizawng tikhotu asi. Amah nih an tuar ding mi chu tuar hen tual ah thlangamnâk a tlungtir lai le, sikhawmsele Babulon mi tla rang chun lawksawngnâk asi lai,” a ti.

JEREMIA 51:19

Jakob Pathian chu annih hâwi asi lo; thil zeizawng siamtu asi le, Israel tla chu a mi tak siding hen a thîm na. A min chu LALPA Zeizawng tikho asi.

LUNGFÂKNÂK 3:24

LALPA chu ka neih zeizawng asi le churuangah amah lakah lungumnâk ka nei.

AMOS 4:13

Pathian chu tlâng tla leh thli siamtu asi. A thinlung tum chu minung rang a theihtir le, sûn chu zân ah a changtir. Tual mun sâng tlûnah a kâi. Hi hi a min chu: LALPA Pathian, Zeizawng tikho chu asi!

ZEKARIA 2:12

Juda chu LALPA ram thenhlimh ah a bîk hen amah tâ an si nawlh lai le, Jerusalem chu khuapi dang zawzawng ngâk hen a dâwt chem mi asi lai.

DEUTERONOMY 32:9

Sikhawmsele, Jakob thlâk tla lam chu amah rang ê ah a thîm na.