JEREMIA 10:14 - Bawm Common Language Bible Version

¹⁴ Chu chu an muh ruangah zeikhawm theihnâk nei lo hen an â thlo; milem siamtu tla khawm nih an pathian siam tla chu diklo leh nungnâk nei lo mi an si ruangah theihthiamnâk an nei rawh.

JEREMIA 10:14 ပူးပေါင်းရင်းမြစ်များ

SAM 14:2

LALPA nih chun, vân thawk hen minung tla amah sawnhtu leh mifing an um rêng mawh ti hen a zauh na.

SAM 92:6

Hi hi mi â tla nih an theih kho lo mi leh mi mâwl tla nih an theihthiam lo mi thil chu asi.

SAM 94:8

Ka mi tla, chu hâwi tluk hen nan mâwl kho zia? Zei tikah nan theihthiam awt?

SAM 97:7

Mikip ruk sawnhtu chu ningzak saih hen a um; pathian zawzawng tla chu LALPA mâika ah an kûn.

THUFING LASUIBU 30:2

Minung ngâk hen ran ka bangh dauh. Minung nih theihnâk a nei mi hâwi ka nei lo.

ISAI 42:17

Milem ngauhsantu tla leh milem tla ka pathian titu tla chu nâutir hen ningzak saih an si lai,” a ti.

ISAI 44:11

Âuzawng chu sawnhtu chu nâutir hen a um lai. Milem siamtu chu minung ko asi, a zeipi khawm asi lo. Nik ding hen hawng kal na sele, an lâu lai le, ningzak an tuar lai.

ISAI 45:16

Milem siamtu zawzawng chu ningzak leh mualpho hen an um lai.

ISAI 57:12

Nan thilti tla chu dik hen nan ruat le, sikhawmsele nan umdân chu ka langh lai le, nan milem tla nih a nan ṭangpi kho na lai loh.

JEREMIA 10:5

Chubang hâwi milem tla chu chawngmazil phâisen ah langâk tla ṭih ding hen siam mi hâwi asi; an hawlh kho lo; an kal kho lo ruangah put an ngâi. Chubang tla chu ṭih na lah u: Zei nganfâk khawm an pêk na kho ding asi lo, ṭhat khawm an ṭhattir kho na ding asi lo,” a ti.

JEREMIA 10:8

An ektê hen an â hen ê-aw an ngâilo. Thing milem thawk hen zei me theihnâk an nei kho?

ROM 1:25

Pathian thutak chu âwkrâwl ah changtir hen a siamtu sawnh ngâk hen a siam mi chu sawnh hen a rian an ṭuan dauh dangâiah. A siamtu chu zungzâl hen sawr tlâk asi. Amen.

1 SAMUEL 5:4

A thâituan nawlh khawm ah chun milem chu Thudântuk Bâwm mâika ah a tlû fâwn. Chu tan chun a lû leh a bân khawm a kiak le; kawtkâ kiang ah a pum hen a rîl thlo.