JEREMIA 10:13 - Bawm Common Language Bible Version

¹³ A thupêk hen chung vân ah mi tî nih hâu a suah; tual dawnghnâk thawk hen vândâwm tla a hawng tir. ruah lakah mîmthlâ a lektir le, a siahnâk thawk hen thli tla a hawng fial.

JEREMIA 10:13 ပူးပေါင်းရင်းမြစ်များ

GENESIS 2:5

tual tlûnah zei keuh khawm a um lo, zei thlâi chî khawm a um lo, ruah a sûrtir lo ruangah, chun âukhawm nih phâisen a nâwn lo.

1 Lal 18:41

Churawhchun, Elija nih lalchem Ahab sinah, “Tuah kal le, buh ei rawh. Ruah a hawng mi hâu ka theih,” a ti.

JOB LASUIBU 38:22

Rial leh vûr ka siahnâk mun ah na kal tâwn ma?

SAM 104:13

Vân thawk hen tlâng tlûnah ruah na sûrtir le, tual chu na malsâwmnâk hen a khat.

SAM 135:17

Nâ an nei le, sikhawmsele an theih kho lo; thawsuah khonâk an nei lo.

SAM 135:7

Tual dawnghnâk thawk hen thlipi vândâwm chu a hawng put le; thlipi lakah mîmthlâ a lektir le, a kilnâk in thawk hen thli tla a hawng put.

SAM 147:8

Sûm tla chu chung vân leiah a zâr le, tual rangah ruah a ruat. Churawhchun, tlâng mi belh tla chu a ṭhangtir.

SAM 18:13

LALPA nih vân thawk hen hâu a suah le, Chungnungchem hâu chu theih hen a um.

SAM 68:33

LALPA, vân a lânah mi vân ah to mi chu la sak hen sawr u. Amah thu ngâi ule, hâu fâk tak hen âu u.

EXODUS 9:23

Churawhchun, Mosi nih vân leiah a ṭhianṭhunh a zangh le, LALPA nih khuarît leh rial a hawng fial le, ṭêk tla tual ah a tlâ.

JEREMIA 14:22

Phun tla milem pakhat khawm nih ruah a sûrtir kho lo, vân khawm nih a mah thu hen a sûrtir kho lo. LALPA, kan Pathian nangmah lakah lungumnâk kan nei, hi bang thil tla titu chu nangmah lâwng na si ruangah.

JEREMIA 19:12

Hi khuapi leh a sungah luahtu tla chu Tophet hâwi hen siam na ding hen thu ka tiamh.

JEREMIA 5:24

Fângzûn liau ruah leh fûr tlâk tîr ruah ka sûrtir le, kumsiar hen fângzûn tik ka nan pêk na khawm ah, hawng ka zah ding nan awt dahlo.

JEREMIA 51:16

A thupêk hen chung vân lei mi tî tla chu hâu a suaktir; tual dawnghnâk thawk hen sûm tla a pumh. Ruah lakah mîmthlâ a lektir le, siahnâk mun thawk hen thli tla a fial.

AMOS 4:13

Pathian chu tlâng tla leh thli siamtu asi. A thinlung tum chu minung rang a theihtir le, sûn chu zân ah a changtir. Tual mun sâng tlûnah a kâi. Hi hi a min chu: LALPA Pathian, Zeizawng tikho chu asi!

ZEKARIA 10:1

Ṭhal ah ruah sûr ding hen LALPA rangah deih u. Mikip rangah ruah sûrtir hen phâisen ring dul tirtu chu LALPA asi.