JEREMIA 10:10 - Bawm Common Language Bible Version

¹⁰ Sikhawmsele, LALPA, nang lam chu Pathian dik tak, Pathian nung, Zungzâl lalchem na si. Na thin a thawk liauah laikulh a thir, phun tla nih na thinthawknâk an tuar lo.

JEREMIA 10:10 ပူးပေါင်းရင်းမြစ်များ

GENESIS 21:33

Chun, Abraham nih Bersheba ah Tamarik thing a phun le, LALPA, Zungzâl Pathian chu a sawnh.

1 Lal 18:39

Chubang chu mi zapi minung nih an muh rawh chun tual ah anna lawnh ro le, “LALPA chu Pathian asi, LALPA cho chu Pathian asi!” ti hen an âu.

1 Lal 8:60

Churawhchun, laikulh phun zawzawng nih LALPA Pathian cho lo chu a dang âukhawm an um lo ti an theih lai.

1 CHRONICLES 29:11

Nang chu na rokual hen thil na tikho, na rokual hen na chêu hen na lal. Tual leh vân ah mi thil zeizawng na tâ asi, nang chu lal zeizawng tlûnah lâirêltu sâng chem na si.

2 CHRONICLES 15:3

Hun sâwt tak Israel mi tla chu Pathian dik nei lo hen bâwlpu anmah sîntirtu nei lo hen, dân nei lo hen an um.

JOB LASUIBU 9:6

Pathian nih lî a nîntir le, tual tla â nîn; tual dirhkalhtu ding ah lungpi tla a siah.

SAM 10:16

LALPA chu zungzâl lalchem asi. A ram ah mi Pathian dang tla sawnhtu chu a veih hep na lai.

SAM 100:3

LALPA chu Pathian asi ti philh râlmâl lah u. Hawng kan siam le, amah tâ kan si. A mi tla kan si, a ranrual kan si.

SAM 100:5

LALPA chu a ṭha; a dâwtnâk chu zungzâl hen a um, zumh a kâinâk chu zungzâl tiang asi.

SAM 104:32

Tual a zauh le, tual chu a thir; tlâng sâng tla a tawngh le, meikhû an suah.

SAM 114:7

Jakob Pathian, lungpi tili ah changtirtu leh tual kak lakah tinung luangtirtu LALPA mâika ah chun a hawng tikah thir u.

SAM 145:13

Na dân chu zungzâl asi le, nang khawm zungzâl lal na si. LALPA chu a thutiam ah zumh a kâi le, thil a ti mi zawng chu a ṭha.

SAM 146:6

Tual, vân, tisumsumriat, lakah a um mi zawzawng siamtu ngauhsantu chu a thaw a suak. A thutiam chu a kil kumza le;

SAM 18:7

Pathian a thinrun ruangah tual chu a thir le, â nîn; tlâng tla chu â vâm le, â ṭhen.

SAM 29:10

LALPA nih chun tî thûk tak tlûnah Lalchem si hen zungzâl hen lâi a rêl.

SAM 31:5

Nangmah zauhkhenh ding hen ka pêk. LALPA, nang chu Pathian zumhkâi na si ruangah na ka hum lai.

SAM 42:2

Nangmah Pathian duh hen ka tî a hâl; zei tikah na mâika ah hawng hen ka nan sawnh kho lai?

SAM 68:11

LALPA nih dân a pêk le, nunau tam tak nih thâwngthâng an put:

SAM 68:8

tual chu â nîn le, vân nih ruah a sûrtir, Sinai Tlâng mi Israel Pathian na hawng ruangah.

SAM 74:12

Sikhawmsele, Pathian, nang chu a tîr thawk hen kan lal na si le, vei tam tak ruang na kan suah.

SAM 76:7

Sikhawmsele, LALPA, mikip nih nang chu an ṭih. Na thinthawk liau chun na mâika ah âukhawm an dîr kho lo.

SAM 76:8

Vân thawk hen na lâirêlnâk chu na theihtir le;

SAM 77:18

Na khuarît nih chun a ṭawl le, mîmthlalek nih laikûlh a cherh; tual a thir le, â nîn.

SAM 84:2

Chunah um chu ka duh a! LALPA Biakin ah um ka ngâi. Pathian nung sinah ka pumpiluk hen la ka sak.

SAM 9:8

Repnâk hen laikulh chu lâi a rêl le; diknâk hen phun tla lâi a rêl.

SAM 90:11

Na thinthawknâk thiltikho zia âunih theih? Na thinrunhnâk nih zei ṭihnungkâi a hawng tlungtir kho mi âunih theih?

SAM 90:2

Laikulh leh tlâng tla na siam lân khawm ah nang chu zungzâl Pathian leh um kumza mi Pathian na si.

SAM 93:2

LALPA, na laltophah chu a tîr thawk hen birhtir asi le, tik dawmh asi lânah nang chu na um chia rawh asi.

SAM 97:4

A mîmthlalek nih laikulh chu a cherh le; tual nih a muh le, a thir.

ISAI 37:17

Tuah LALPA, hawng kan ngâi le, kan lakah thil a tlung mi tla hi zauhnik. Senakerib nih nang Pathian nung zauhnawmh hen thu a sim mi zawng hi ngâi rawh.

ISAI 37:4

Asiria lal lianchem nih a milian chu Pathian nung simsiat ding hen a hawng fial. LALPA na Pathian nih hi bang simsiatnâk hi theih sele, chu hâwi hen thusimtu tla chu rêp na seh. Churuangah a thibang kan mi le tla rangah Pathian sinah thlacham rawh,” an ti.

ISAI 40:15

Phun tla chu LALPA lakah zeikhawm an si lo, tî a zut mi tluk khawm an si lo le, tlâwn lât tak tla khawm phildip hâwi hen a zâng.

ISAI 40:28

Na theih lo ma? Na nâ nih a theih lo ma? LALPA chu zungzâl Pathian asi; laikulh zawzawng amah tuah mi asi. Anih chu a dî hen a uai dahlo. A thinlung ah a dawn mi khawm âukhawm nih an theih lo.

ISAI 57:15

“Kei chu Pathian thenhlimh leh sâng tak um kumza mi chu kasi. Mun sâng leh mun thenhlimh ah ka um le, sikhawmsele an lungnâk leh lungumnâk ka neitir nawlh kho na ding hen mi â nautir mi leh sual rim mi sinah khawm ka um ber.

ISAI 65:16

Âuzawng nih ram lakah malsâwmnâk deihtu nih chun Pathian Zumhkâi nih mal a sâwm ding hen a deih lai. Âuzawng siat tleihtu chu Pathian zumhkâi min hen a tiam ding asi. A lânah nawknâk tla chu a lan rawh le, philh asi lai rawh,” a ti.

JEREMIA 23:36

Churuangah ‘LALPA thilrit’ ti thu an mang ding asi lo rawh, a san chu âuzawng nih a ti mi asi chun ka thuchah chu a sinah thilrit takah ka siam lai. Mi nih an Pathian, Pathian nung, LALPA Zeizawng tikho thu chu an râwk.

JEREMIA 4:2

ka min hen thutiam nan rangah a dik lai. Chu tikah phun zawzawng tla nih anmah malsâwm na ding hen an ka deih lai le, an ka sawr lai,” a ti.

JEREMIA 4:24

Tlâng sâng tla ka zauh le, anna nîn le, Tlâng tênâu tla chu khatlei khatlei ah anna ṭhen.

JEREMIA 50:46

Babulon a tlûk tik chun an hâu nih tual pumpi a tlirh lai le, ṭap hâu chu phun dang tla nih an theih lai,” a ti.

JEREMIA 51:29

Babulon ram chu âukhawm umlo ding hen LALPA nih a karo hen siam a tum ruangah tual chu â nîn hen a thir rawh.

DANIAL 4:3

“Pathian nih thilchê hawng kan muhtir mi chu a rokaul châwk a! A thilchê ti tla chu a fâk a! Pathian chu lal asi kumza lai le, zeiliau zawng ah lâi a rêl kumza lai.”

DANIAL 4:34

Lal nih, “Kum sarih a hawng vei rawh chun, vân lei ka zauh le, ka thinlung ah theihnâk a hawng kîr nawlh. Pathian rokual chu ka sawr le, zungzâl um kumza mi sinah zahnâk leh rokualnâk ka pêk. “Anih nih lâi a rêl kumza lai le, a lalram chu zeiliau zawng ah a um kumza lai.

DANIAL 6:26

Ka ram pumpi sungah mikip nih Danial Pathian ṭih leh zah ding hen thu kan pêk na. “Anih chu Pathian nung asi le, lâi a rêl kumza lai. A ram chu a vei lai lo le, a thiltikhonâk nih dawngh a nei lai lo.

DANIAL 6:27

A hum hen ruang a suah, vân ah leh tual tlûnah a thilchê rokual a ti. Danial khawm chakeibaknei nih thah lo hen a hum,” a ti.

DANIAL 7:14

Phun zawzawng leh chi zawzawng leh hawlh zawzawng nih a rian an ṭuannâk ding hen a sinah thuneihnâk leh lal thiltikhonâk an pêk, a thuneihnâk leh a ram chu zungzâl tiang hen dawngh a nei lai lo.

JOEL 2:11

LALPA nih a kawrsen tla chu khuarît hâu hâwi hen thu a pêk na. Chu kawrsen ê-aw ngâitu tla chu an tam hen thungâi an chak. LALPA ni chu ṭihnung a kâi a! Âu me âwl kho lai!

MIKAH 1:4

A tangah mi tlâng tla chu mei lakah khuailul a zawr mi hâwi hen an zawr lai, tlâng tla tî tawih hâwi hen tivakuam tla a tawih lai.

NAHUM 1:5

LALPA mâika ah tlâng tla a thir le, Tlângtê tla chu a mâika ah an zawr. LALPA a hawng lang liauah tual chu a thir, Laikulh leh a minung tla chu an thir.

NAHUM 1:6

A thinthawk tikah âu me him kho lai? A thinrunhnâk ṭihnungkâi lakah âu a âwl kho lai? A thinthawknâk meialh chu a thlêt le, lungpi tla a mâika ah valeidip hâwi hen an nek dip.

HABAKUK 3:10

Tlâng tla nih an muh chun an thir; Vân lei thawk hen tî a hawng tlê. Tual tangah mi tî tla chu an rûm le, tî tlingtlawk tla chu an hawng lian le, an sâng.

HABAKUK 3:6

 dîn chun tual â nîn, a zauh na nâk ko ah phun tla an thir. Zungzâl tlâng tla chu a kuai le; zungzâl tlângtê tla chu a pil ving a lânah a kalnâk tlâng tla khawm.

MALAKI 3:2

Sikhawmsele a hawng kal ni ah chun âunih tuar kho lai? A hawng lang tikah âu a him kho lai? Anih chu sabung chak tak hâwi leh thîr zawrtirnâk mei hâwi asi lai.

MATHAI 16:16

Chun, Simon Peter nih, “Mesia, Pathian nung Fapa chu na si, ” a ti le, a sâng.

MATHAI 26:63

Jisu lam chu a dâisip. Chun, Bâwlpu Lalchem nih chun a sinah, “Pathian nung min hen ka nan fâi. Mesia, Pathian Fapa chu na si ma? Hawng kan simh,” a ti.

JOHAN 17:3

Hi hi zungzâl nungnâk asi, nang Pathian tak cho leh na fial mi Jisu Krist theih hi.

THILTI 14:15

“Pu le tla, hi bang thil hi zei rangah nan ti? Kannih khawm nan thinlung hâwi put minung kan si; hi bang thil mang tlâklo tla nan hertâk hen vân le, tual le, tisumsumriat le, an sungah um mi zawzawng siamtu Pathian nung sinah chun nan hawng a her khonâk ding hen Thâwngthâng Ṭha kan tlunh na asi.

DEUTERONOMY 32:4

“LALPA chu nangmah vêngtu chak tak asi, a lampi zawzawngah rangtling leh rep tak asi; Na Pathian chu zumh a kâi hen a dik asi; A dik mi leh a ṭha mi vial a ti.

DEUTERONOMY 5:26

Pathian nung nih mei thawk hen thu a sim mi theihtu minung a dam mi âu me um?

1 THESALONIKA 1:9

Anmah tla ngelchel nih nan lakah zei hâwi sunhsaknâk me kan tawng kan thâwngthâng chu an theihtir na tâwn; Pathian nung leh dik tak rianṭuan ding leh a Fapa Jisu thihnâk lakah mi a thawh mi leh Pathian thinrunhnâk hawng tlung ding lakah hawng kan ruangsuahtu Jisu kha vân a mi ngâk ding hen, ruk tla chu, Pathian leiah nan hawitâk zia khawm kha an theihtir na ber tâwn asi.

1 TIMOTHE 1:17

Lalchem, zungzâl hen um mi, râwk kho lo, muh kho lo, Pathian tak cho chu zungzâl chawnglawmh leh rokual hen um seh! Amen.

1 TIMOTHE 6:17

Hi laikulh minei tla hi a zûm lo ding leh neihnâk zumhkâilo ah an lungumnâk ngauh lo hen, thil zawzawng lâwmnâk ding ah hawng kan pêktu Pathian sinah ngauh ding hen nunsimh na rawh.

HEBRAI 10:31

Pathian nung kut ah tlûk chu thil ṭihnungkâi tak asi!

JOSUA 3:10

Nan kalnâk zawng ah Kanaan mi tla, Hit mi tla, Hiv mi tla, Periz mi tla, Girgasit mi tla, Amor leh Jebus mi tla Kanaan ram ah mi a nar na lai.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.

THUPHUANG 20:11

Chun, laltophah lianpi vâr tak leh a tlûnah a to mi ka muh le, a mâika mi tual leh vân an tek ving le, muh kho an si lo rawh.

LÂIRÊL 5:4

LALPA, Seir tlâng na hawng kaltâk hen Edom ram thawk hen na hawng suak liauah tual â nîn le, vân thawk hen ruah a sûr rawh. Asi, vândâwm thawk hen tî a hawng tlê.

1 SAMUEL 17:26

David nih a kiangah mi tla sinah, “Hi bang hâwi Israel ningzak saihtu Philistia mi thahtu nih zei a tawng awt? Chu lo khawm ah hi Pathian nung kawrsen tla zuamtu Philistia minung lunglotu hi âu mesi?” ti hen a deih na.

1 SAMUEL 17:36

Chakeibaknei khawm vawm khawm ka thah, chu hâwitê hen hi Philistia lunglo mi lak khawm ka ti awt. Pathian nung kawrsen tla zuamtu hi.