JEREMIA 1:9 - Bawm Common Language Bible Version

⁹ Churawhchun, LALPA nih a kut a zo le, ka mûr a hawng tawngh le, ka sinah, “Ngâi rawh, na sim ding mi thu ka nan pêk hi.

JEREMIA 1:9 ပူးပေါင်းရင်းမြစ်များ

ISAI 49:2

Ka thu chu nâmsâu hâr mi hâwi hen a siam. Amah kut hen hawng ka hum. Chanhtiang thal zum hâr tak leh mang ding timhtuah zet mi hâwi hen hawng ka siam.

ISAI 50:4

Mi chaklo tla chu ka chaktir khonâk ding hen LALPA zahkâi nih sim ding mi chu a hawng ka sîntir. Zîng siar hen hawng ka sîntir mi lakah ngâi ding hen thinlung thawknâk hawng ka pêk.

ISAI 51:16

Vân tla ka pharh le, tual lungphûm tla ka phûm; Jerusalem sinah, ‘Nang chu ka mi tla na si! Ka sîntirnâk ka nan pêk hen ka kut hen ka nan hum,’ ” a ti.

ISAI 59:21

Nan sinah thudântuk ka siam asi: Nan tâ si kumza ding hen ka thiltikhonâk leh sîntirnâk ka nan pêk na, tu thawk hen ka thu tla nan zâwt hen, nan fa tla leh nan thlâk tla tik a hawng um ding mi zawzawng lakah zûl kumza ding hen sîntir na u,” a ti.

JEREMIA 15:19

Hi thu lakah LALPA nih a leh le, “Na hawng kîr mi asi chun, ka nan lâk nawlh lai le, ka to-aw na si nawlh lai. Thu âtkâi sim ngâk hen thuchah mang tlâk na phuang chun, ka khuavâng na si nawlh lai. Mi tla chu na sinah an hawng kîr nawlh lai le, an sinah nang va kal a herh lai lo.

JEREMIA 34:6

Churawhchun, Babulon lalchem kawrsen nih khuapi an do liau chirah lalchem Zedekiah Jerusalem mi sinah chu thuchah chu ka sim.

JEREMIA 36:2

“Lasuibuzual lâk le, Israel leh Juda mi leh phun zawzawng thu ka nan simh mi zeizawng chu rîn rawh. A tîr ah, Josiah a lal liauah thil zeizawng ka nan simh mi thawk hen tu tiang mi thu ka nan simh mi chu rîn ver.

EZEKIEL 3:10

Pathian nih a sim vima le, “Thikho mi minung, nâi tek hen hawng ngâi le, thil zeizawng ka nan simh mi theihkumza rawh.

DANIAL 10:10

Churawhchun, kut nih a ka tleih le, hawng ka thawh le, hawng ka dîrtir, chu khawm ah ka thir nget rih.

DANIAL 10:16

Churawhchun, vânmifial minung ko a bangh mi nih a bân a zangh le, ka mûr a tawngh. Kei nih a sinah, “Pu, hi langhnâk nih hin hawng ka dîttir tuktarâi le, ka thir mi ka bâng kho lo thlo.

NUMBER 23:5

LALPA nih Balaam chu a sim ding mi thu tla chu a simh le, Balak sinah a thuchah chu sim ding hen a kîrtir nawlh rawh.

MATHAI 10:19

Sikhawmsele, an tleihtir na tikah chun, “Zeitin me, zei thu me ka sim lai?” ti hen lawksawng lah u; nan sim ding mi chu a tik takah chun a nan theihtir na awt ruangah.

MARK 7:33

Chun, anih nih chun zapi nâwngah mi amah cho a dang hen a ruai le, a kutmar hen a nakua tla a tham le, chun chil a sâk le, a lei a tham piak le;

LUK 12:12

a tik takah chun nan sim ding mi chu Thlarau Thenhlimh nih a nan simh na lai,” a ti.

LUK 21:15

nan mêlma zawzawng an kham na hen an êl kho lo na nâk ding hen thu leh finghnâk ka nan pêk na awt ruangah.

DEUTERONOMY 18:16

“Sinai tlângah nanna pûm liauah LALPA thusim chu theihlo rawh ding hen leh ṭihnung a kâi zia muhlo rawh ding hen nan ngiar le, kan thi lebang lai ti nan ṭih ruangah.

DEUTERONOMY 18:17

Churuangah LALPA nih ka sinah, An deih mi chu deihnâk fing asi.

DEUTERONOMY 18:18

Anmah lakah mi nangmah hâwi mi khuavâng pakhat an sinah ka fial lai le; thusim ding mi tla chu ka simh lai le, thu ka pêk mi tla zawzawng chu zapi tla a simh na lai.