JEREMIA 1:8 - Bawm Common Language Bible Version

⁸ Annih chu ṭih na lah, a nan hum ding hen na sinah ka um awt ruangah. Kei, LALPA nih ka sim mi asi!” a ti.

JEREMIA 1:8 ပူးပေါင်းရင်းမြစ်များ

EXODUS 3:12

Pathian nih, “Na sinah ka um lai le, Aigupta ram ah mi ka mi tla na hawngpi na tikah chun hi tlângah hin nan ka sawnh lai. Chu chu keimah nih ka nan fial asi ti theihnâk asi lai,” ti hen a sâng.

ISAI 43:2

Tî thûk tak na pal liau khawm na sinah ka um lai; na lawksawngnâk nih a nan khuh lai lo. Mei lakah na lan liau khawm ah na kâng lai lo; niknâk fâk tak hawng tlung mi khawm nih nganfâk a nan pêk lai lo.

ISAI 51:12

LALPA nih, “Kei hi a nan chaktir natu chu kasi. Belh tluk khawm a dam sâwt lo ding mi thi kho mi minung rangah zei rangah na ṭih awt?

ISAI 51:7

Nannih thil dik theihtu tla, nan thinlung ah ka nan sîntir na mi kiltu tla, ka thu ngâi u. Mi nih a nan nihsanh hen an siar na lo tikah chun tih lah u;

JEREMIA 1:17

Jeremia, a tîm rawh; kal le, sim ding hen thu ka nan pêk mi zeizawng va simh na. Tu chun anmah tla ṭih lah na, chu hâwi silo chun an sinah na um tikah anmah ṭih ding hen zer khun hen kan siam awt.

JEREMIA 20:11

Sikhawmsele, LALPA, nang chu keimah leiah ṭângṭawm mi na si, na chak hen na vak le, hawng ka nehsawhtu tla chu an tlawlh lai. Anna dingchang lo ruangah mualpho hen an um kumza lai. An ningzaknâk chu zeiliau khawm philh asi lai lo!

JEREMIA 30:11

Nan sinah ka hawng lai le, ruang ka nan suah na lai. Ka nan rekrâwitir na mi ram ah phun zawzawng tla ka veih na lai le, sikhawmsele nannih lam chu ka nan veih na lai lo. Rêp lo hen ka nan suah na ding asi lo. sikhawmsele ka nan rêp na tik chun, ṭhat ka lawh lai. Kei, LALPA nih ka sim asi,” a ti.

JEREMIA 39:11

Sikhawmsele, lalchem Nebukadnezar nih kawrsen hotu Nebuzaradan chu hi bang thupêk hi a pêk:

JEREMIA 42:11

Babulon lalchem chu ṭih lah u rawh. Nan sinah ka um, a thiltikhonâk lakah mi ka nan hum na lai.

DANIAL 3:17

A rian kan ṭuan mi Pathian nih meihum lakah mi leh na thiltikhonâk lakah mi hawng kan hum kho asi, amah nih a ti ko lai.

DANIAL 3:25

Lal nih, “Zei zia mesi, mei lakah minung pali zî lemang hen ka muh na ne? Phuar hen khawm an lang lo, nganfâk tuar hen khawm an lang lo, a palinâk chu pathian ko a bangh,” a ti.

MATHAI 10:26

“Chuvachun, annih tla chu ṭih lah u; langlo ding hen thuh zeikawm a um lo, theihlo ding hen pheh zeikhawm a um lo.

MATHAI 28:20

Chun, ngâinik u, kei zungzâl hen, laikulh dawngh tiang hen nan sinah ka um vima lai,” a ti.

THILTI 18:10

kei na sinah ka um asi, nganfâk pêk ding hen âukhawm na tlûnah kut an thlâk lai loh, hi khua ah hin minung cherkhet ka nei asi,” a ti.

THILTI 26:17

Mi zawzawng leh Phundang tla kut lakah ka nan hum lai;

THILTI 4:13

Chun, Peter leh Johan râlṭhat zia an muh hen lasui thiamlo mi leh mi narân an si ti an theih hen thungâi chê an ti. Jisu sinah an um ti an theih rawh.

THILTI 4:29

Chun, tuah, Lalpa, hawng kan ṭhih zia tla hi ngâinik, na to-aw tla hi râlṭha tak hen na thu simtir le,

EPHESI 6:20

Chu leikângah chun ka sim ding hâwi chu râlṭha tak a ka sim khonâk ding hen. Chu Thâwngthâng Ṭha rêl rêngkhimh kasi.

DEUTERONOMY 31:6

Zumh thlir le, tum thlir. Annih tla chu ṭih na lah u. Nan Pathian, LALPA amah tak chu nan sinah a um lai. A nan thlahthlamh hen a nan kaltâk na lai lo,” a ti.

DEUTERONOMY 31:8

LALPA amah tak chu na sinah um hen an rui lai. An thlawrhthlâu hen an kaltâk lai loh, churuangah na thinlung dâwk lo hen ṭih khawm ṭih lah,” a ti.

JOSUA 1:5

Josua, nang rangah neh khotu ding na dam karah âukhawm an um lai lo. Mosi sinah ka um hâwi ber hen na sinah ka um lai, na sinah ka um kumza lai le, zeiliau khawm kan kaltâk lai lo.

JOSUA 1:9

Tum thlir leh zumh thlir ding hen thu ka nan pêk asi ti theihkumza! ṭih lah le, dâwk lah, Kei, LALPA na Pathian, na kalnâk kip ah ka um vima lai,” a ti.