JEREMIA 1:5 - Bawm Common Language Bible Version

⁵ “Nungnâk kan pêk lânah leh na suak lânah phun tla sinah khuavâng siding hen kan thîm rawh mi na si,” ati.

JEREMIA 1:5 ပူးပေါင်းရင်းမြစ်များ

SAM 139:15

Ka ruh tla hi na siam liauah, ka nu paw sungah a tlâi ver hen na siam. Chunah chun âu theih loh hen ka ṭhang liauah, chunah ka um mi chu na ka theih le;

SAM 139:16

ka suak lân khawm ah na ka muh ving rawh. Zeikhawm dawmh asi lân khawm ah ka damsung ni tla chu na lasuibu ah na singsiah hep rawh.

EXODUS 33:12

Mosi nih LALPA sinah, “Hi zapi minung tla hi ram tiamh ah kalpi na, na ka ti mi hi a dik asi, sikhawmsele, ka sinah na hawng fial awt mi minung âu asi na hawng ka simh lo. Nan ka theih thlo ko, ka lakah nanna lâwm ko na ti.

EXODUS 33:17

LALPA nih Mosi sinah, “Nan ka deih mi hâwi hen ka ti lai, nang rang chun kan theih hen, na lakah ka lâwm ruangah,” a ti.

ISAI 44:2

Kei, LALPA a nan siamtu chu kasi; na suak liau thawk hen ka nan ṭangpi. Nang chu ka to-aw, ka mi thîm ka dâwt mi na si; ṭih lah.

ISAI 49:1

Nannih ram lât takah um mi phun tla, Ka thu ngâi u! Ka suak lânah, LALPA nih a to-aw rangah hawng ka thîm ving rawh.

ISAI 49:5

Ka suak lânah LALPA nih hawng ka ruat ving rawh; a mi tla kîrpi na ding hen a to-aw ah hawng ka siam le, Israel mi rekrâwi tla kîrpi na ding hen. LALPA nih zahkâinâk hawng ka pêk; anih chu ka chaknâk bulpi asi.

JEREMIA 1:10

Tusûn ni ah hin, phun tla leh, lalram phâwi leh siat ding hen, râwk leh lawnh ding hen, dirh leh phun ding hen thuneihnâk ka nan pêk asi,” a ti.

JEREMIA 1:4

LALPA nih ka sinah,

JEREMIA 20:15

Mipa ngâksia asi! Mipa fa na nei rawh! ti thâwng ka pa rangah simh hen lawmhtirtu chu siatbarh hen um seh.

JEREMIA 25:13

Babulon mi tla chu hi lasuibu ah siatnâk zawzawng rîn mi Jeremia mang hen ka sim mi tla chu phun tla ka ṭhih na mi siatnâk zawzawng hen ka rêp na awt.

JEREMIA 36:2

“Lasuibuzual lâk le, Israel leh Juda mi leh phun zawzawng thu ka nan simh mi zeizawng chu rîn rawh. A tîr ah, Josiah a lal liauah thil zeizawng ka nan simh mi thawk hen tu tiang mi thu ka nan simh mi chu rîn ver.

JEREMIA 50:34

Sikhawmsele, anmah tla ruangsuahtu chu a chak asi, a min chu LALPA Zeizawng tikhotu asi. Amah nih an tuar ding mi chu tuar hen tual ah thlangamnâk a tlungtir lai le, sikhawmsele Babulon mi tla rang chun lawksawngnâk asi lai,” a ti.

LUK 1:15

Lalpa mitmuh hen milian asi lai le, uain leh zû rerêng a din lai loh, a suaknâk thawk hen Thlarau Thenhlimh hen a khat lai.

LUK 1:41

Chun, hi hâwi hi asi le, Elizabet nih Mari chibai bûk chu a theih kâ hen a paw sungah mi nautê chu a châng le, chun Elizabet chu Thlarau Thenhlimh hen a khat rawh.

LUK 1:76

Asi, ka fa, nang hi Chungnung chem khuavâng a nan ti lai. Lampi tla siam ding hen Lalpa mâika ah na kal awt dangâiah.

JOHAN 10:36

Kei rangah chun, Pa nih a hawng ka thîm le, chun laikulh ah a hawng ka fial. Churuangah zeitin zia hen, ‘Pathian Fapa kasi,’ ka ti ruangah, Pathian na simsiat, nan ti kho zia?

ROM 1:1

Pawl, Jisu Krist to-aw, mifial siding hen kawh mi, a Thâwngthâng Ṭha sim ding hen Pathian nih a kawh mi nih chun:

ROM 8:29

A theihkan mi tla chu amah Fapa hâwi tak hen um ding hen a ruatkan asi, a Fapa chu unau tam tak tla lakah fa tîr a hawng si khonâk ding hen.

1 KORIN 8:3

Sikhawmsele, âuzawng nih Pathian a dâwt chun, chu tak chu amah theih asi.

EPHESI 1:22

Chun, thil zeizawng a kê tangah a siah le, amah chu zeizawng tlûnah lû rang ding ah kawhmi tla sinah a pêk.