JEREMIA 1:18 - Bawm Common Language Bible Version

^18-19 Jeremia, ngâi rawh! Hi ram ah mi mikip Juda lalchem tla, rianṭuantu tla, bâwlpu tla leh mi zapi tla chu nangmah dotu an si lai. Sikhawmsele tusûn ni ah anmah do na ding hen chaknâk ka nan pêk asi; nang chu kulhnei khuapi hâwi leh thîrtung leh dâr kulh hâwi na si lai. Nangmah an hum ding hen na sinah ka um awt ruangah an neh ding asi lo. Kei, LALPA, nih ka sim asi,” a ti.

JEREMIA 1:18 ပူးပေါင်းရင်းမြစ်များ

ISAI 50:7

LALPA zahkâi nih a hawng ka ṭangpi ruangah an hawng ka zauhnawmhnâk chu ka rangah a fâk lo. Tuar kho rarâm ding hen ka tum.

JEREMIA 1:17

Jeremia, a tîm rawh; kal le, sim ding hen thu ka nan pêk mi zeizawng va simh na. Tu chun anmah tla ṭih lah na, chu hâwi silo chun an sinah na um tikah anmah ṭih ding hen zer khun hen kan siam awt.

JEREMIA 15:10

Ka lawk a sawng a! Zei rangah ka nu nih laikulh ah hawng ka ring êu? Ram lakah minung hen tawh leh thu êl ding mi cho kasi rawh. Âu sin khawm tangka ka pûk hen ka lâng lo; sikhawmsele mikip nih siat an hawng ka barh.

JEREMIA 15:20

An theih kho ding hen dâr kulh vâm hâwi hen ka nan siam lai. An do lai le, sikhawmsele an neh lai lo. Na sinah an vêng ding leh hum ding hen ka um lai.

JEREMIA 20:11

Sikhawmsele, LALPA, nang chu keimah leiah ṭângṭawm mi na si, na chak hen na vak le, hawng ka nehsawhtu tla chu an tlawlh lai. Anna dingchang lo ruangah mualpho hen an um kumza lai. An ningzaknâk chu zeiliau khawm philh asi lai lo!

JEREMIA 21:4

“Zedekiah, Babulon lal leh a kawrsen tla dotu na kawrsen chu keimah nih ka neh awt. Na kawrsen tla râlthuam chu khuapi lâi ah ka pawng lai.

JEREMIA 26:24

Sikhawmsele, ṭangpitu Saphan fapa Ahikam ka nei ruangah zapi tla sinah pêk hen thah hen ka um lo.

JEREMIA 34:3

Nan suak lai lo; tleih nan si lai le, a sinah pêk nan si lai. Mêl leh mêl nanna muh lai le, amah chu na sawnh lai le, chu tikah Babulon ah na kal lai.

JEREMIA 37:7

“Aigupta kawrsen tla chu nangmah ṭangpi ding hen an hawng le, sikhawmsele in leiah an kîr nawlh lai.

JEREMIA 38:18

Sikhawmsele, nâ pêk lo mi asi chun, khuapi chu Babulon mi tla kut ah pêk asi lai le, annih nih an duah lai le, an kut lakah mi na suak lai lo,” a ti.

JEREMIA 38:2

“Âuzawng hi khuapi lakah umtu chu râltuknâk ah mawh, pâmnâk ah mawh, râi lakah mawh an thi lai. Sikhawmsele âuzawng suak hen Babulon mi tla sinah â pêk mi chu thah asi lai lo le, a nungnâk chu zuah asi lai,” LALPA nih a ti mi mi zapi tla sinah ka sim mi chu an theih.

JEREMIA 42:22

Churuang chun hi hi theih u: um ding duh hen nan va kalnâk ram ah, râltuknâk ah mawh, pâmnâk ah mawh, râi lakah mawh nan thi lai,” a ti.

JEREMIA 6:27

Jeremia, thîr zei hâwi asi rêng ti na nik ding mi hâwi hen, ka mi tla chu nik na.

JOHAN 1:42

churawhchun Simon chu Jisu sinah a hawngpi. Jisu nih anih chu a zauh le, “Johan fapa Simon na si, Kipha an sak lai,” a ti le, (chu chu Peter tinâk asi, Peter chu lungpi tinâk asi.)

THUPHUANG 3:12

A nehtu vial chu ka Pathian Biakin ah chun intung ah ka siam lai le, chu thawk chun an suak lai lo rawh. Chun, anmah lakah chun, ka Pathian min leh, ka Pathian khuapi Jerusalem thar, ka Pathian sinah mi vân thawk hen a hawng ṭum ding mi min chu ka rîn lai le, ka min thar khawm ka rîn lai.