JEREMIA 1:16 - Bawm Common Language Bible Version

¹⁶ Ka mi tla chu an sual hen an ka kaltâk le, pathian dang tla sinah bâwlnâk ap hen milem tla an siam le, an sawnh ruangah ka rêp na awt.

JEREMIA 1:16 ပူးပေါင်းရင်းမြစ်များ

2 Lal 22:17

Kei chu an hawng ka duh lo le, pathian dang tla sinah bâwlnâk an ap, churuangah an thilti zawzawng tla nih ka thin an thawktir. Jerusalem tlûnah ka thinthawknâk chu a reh ding asi lo.

2 CHRONICLES 15:2

a sinah, “Lalchem Asa, nang leh Juda leh Benjamin mi zawzawng nih ka thu ngâi u, a lakah nan um kar zawng chu nan sinah LALPA a um. Amah nan hâwl chun nan tawng lai le, sikhawmsele nan her tâk chun anih khawm nih an kaltâk na lai.

2 CHRONICLES 28:2

Chu hâwi ding ngâk hen, Israel lal tla zia châwng hen LALPA lawmh lo kâng hen thil a ti.

2 CHRONICLES 34:25

An hawng ka duh lo le, pathian dang tla sinah bâwlnâk ap hen thil an ti mi zawzawng nih ka thin an runhtir. Jerusalem tlûnah ka thinthawknâk chu a reh ding asi lo.

2 CHRONICLES 7:19

Sikhawmsele nang leh na mi tla nih ka dân thu leh ka thupêk tla nan zûl lo hen, pathian dang tla nan sawnh mi asi chun,

ISAI 2:8

An ram chu milem hen a khat le, anmah kut ngelchel hen an siam mi thil tla chu an sawnh.

ISAI 37:19

thing leh lung hen an kut hen an siam mi pathian lem tla chu a duah piak ti khawm kan theih.

ISAI 44:15

Mi nih a tan chu tih ding ah a mang le, a dang chu milem rangah a mang. A khingkhuai chu amah lumtir ding hen mei tihnâk ah a mang le, sang a em; a dang tan hen pathian a siam le, a sawnh.

ISAI 65:3

Ningzak theih lo tak hen ka thin an ka runhtir kumza. Dûm thenhlimh ah lunglo tla bâwlnâk an ap le, lunglo tla mâichâm ah rimthâw tla an duah.

JEREMIA 10:15

Mangtlâklo leh zauhnawmh ding mi an si le; LALPA, anmah do ding hen a hawng tik chun an vei lai.

JEREMIA 10:3

Hi bang minung tla phung veih hi zeikhawm si lo. Thing mun ah mi thing chu hâu hen thing kertu nih a ruakhâu hen a ker le,

JEREMIA 11:12

Churawhchun, Juda mi leh Jerusalem mi tla chu bâwlnâk an pêk mi pathian tla sinah kal hen ṭangpi an deih lai. Sikhawmsele hi siatnâk a hawng tlung tik chun chubang pathian tla nih a hum kho na ding asi lo.

JEREMIA 11:17

“Kei, LALPA Zeizawng tikho nih, Juda leh Israel chu ka phun na le; sikhawmsele tu chun siatnâk hen ka lauh na. Thil diklo an ti ruang chun hi bang hi anmah nih an lakah an tlungtir le, Baal sinah bâwlnâk pêk hen ka thin an ka thawktir,” a ti.

JEREMIA 15:6

Nannih zapi tla nih nan ka duh lo hen dunglei nan hawng ka sît. Churuangah ka thinthawknâk ka sûm châwklo le, ka bân ka phar le, ka nan veih na rawh.

JEREMIA 16:11

LALPA nih, ‘Nan thlâktu nih an hawng ka hertâk le, pathian dang tla an sawnh hen a rian an ṭuan. An hawng ka kaltâk le, ka sîntir na mi an zûl duh lo.

JEREMIA 17:13

LALPA, nang chu Israel lungumnâk na si le; nang rangah an kaltâktu zawng chu ningzak saih hen an um lai. Nang, LALPA tinungva thar a nan kaltâk ruangah phildip lakah min rîn hâwi hen an vei lai.

JEREMIA 18:15

Sikhawmsele ka mi tla nih an ka philh le; milem tla sinah rimthâw an duah. An kalnâk ding mi lampi ah an tlû le, lampi li tla ah kal lo rawh hen singsiahnâk umlo mi lampi ah an kal rawh.

JEREMIA 19:4

Mi nih hawng ka kaltâk hen pathian dang tla, an thlâktu tla leh Juda lalchem tla khawm nih an theih lo thlo mi pathian tla sinah bâwlnâk ap hen hi mun hi an nawmh ruangah hi hi ka ti awt mi asi. Hi mun hi sual nei lo mi minung thisen hen an khattir le,

JEREMIA 2:17

Israel, nangmah tak nih hi hi na lakah na tlungtir mi asi! Lampi tluan hen ka nan rui liauah, LALPA na Pathian na ka kaltâk.

JEREMIA 2:19

Nangmah sualnâk nih a nan rêp lai le, na ka kaltâk ruangah mawh hen na um lai. LALPA, na Pathian na ka kaltâk mi leh ka lakah zumhkâi hen na um lo rawh ruangah, a diklo zia leh a khât zia na theih lai. Kei, LALPA Zahkâi zeizawng tikho nih ka sim mi asi,” a ti.

JEREMIA 2:28

“Nan rangah nan siam mi pathian tla zeiah an um? An tikho mi asi chun, nan lawksawng liauah ruang a nan suah na seh! Juda, khuapi tam tak na nei mi hâwi hen pathian tam tak na nei.

JEREMIA 4:12

LALPA thupêk hen a hawng ding mi thli chu, chu ngâk chun a chawp dauh awt! LALPA amah tak nih a mi le tla tlûnah lâirêlnâk a sim mi asi.

JEREMIA 4:28

Tual chu a lungfâk lai le, vân a mûi lai. LALPA nih chun a sim rawh le, a thinlung a lêt lai lo. Thu a thlûk rawh mi chu a lêt nawlh lai lo rawh.

JEREMIA 44:17

Thi1 zeizawng ti ding hen kan sim mi chu kan ti awt. Kan pathiannu, vân lalnu sinah bâwlnâk kan ap hen a sinah uain ap mi tla kan tawih awt, kanmah leh hawng kan thlâktu tla, kan lalchem leh hawng kan ruitu tla nih Juda khuapi tla leh Jerusalem zâwllâi ah kan ti mi hâwi hen. Churawhchun, tî-râwl tam tak kan nei, sul-le-lam tluang tak hen kan um le, nawknâk zeikhawm a um lo.

JEREMIA 5:29

Sikhawmsele, Kei, LALPA nih hi bang thil ruangah kan rêp na lai le; hi phun lakah lehrûl ka sam lai.

JEREMIA 5:9

Hi bang thil tla ruangah hin ka rêp na hen chubang tla ruangah chun phun tla tlûnah phû ka lam awtlo ma?

JEREMIA 51:17

Hi bang muhnâk lakah mi tla nih a ngaihtawnh dân an theih lo le, theihnâk an nei lo; Pathian diklo leh nungnâk nei lo an siam ruangah milem siamtu tla chu nawng hen an um ver.

JEREMIA 7:17

Juda khuapi tla leh Jerusalem khua lâi ah an thilti tla na muh lo ma?

JEREMIA 7:18

Ngâksia tla nih tih ding mi thing an khawmh le, mipa tla nih mei an tih le, nunau tla nih Vân Lalnu an ti mi pathiannu rangah sang em ding mi an chawmh. Keimah lungfâktir ding hen pathian dang tla sinah uain ap mi tla khawm an tawih.

JEREMIA 7:9

Thil nan fîr, mi nan thah, ṭângdang nan pawmtâk, âwkrâwl sim hen siat nan tleih, Baal sinah bâwlnâk nan ap le, a lânah nan theih dahlo mi pathian tla nan sawnh.

EZEKIEL 16:18

Thuamh mi nipuan ka nan pêk mi chu na lâk le milem tla na aihtir le, oliv sariak leh rimthâw ka nan pêk mi khawm milem tla sinah na ap.

EZEKIEL 24:14

Kei, LALPA Zahkâi nih ka sim asi. Ti ding hen ka tik a tlung rawh. Na sualnâk chu theih lo hen mawh pawi ti hen khuaruatnâk ka nei awtlo. Na thilti ruangah rêp hen na um lai,” a ti. LALPA Zahkâi nih a sim asi.

HOSEA 11:2

Sikhawmsele ka kawh bilik leh a ka pialtâk dauh. Ka mi tla chu Baal sinah anna bâwl le; milem sinah rimthâw an duah.

HOSEA 8:6

Israel lakah mi zungthiam tla milem an siam mi chu pathian asi lêm lo! Samaria ah ngûn chawchal lem chu mântir dip asi lai.

JOEL 2:11

LALPA nih a kawrsen tla chu khuarît hâu hâwi hen thu a pêk na. Chu kawrsen ê-aw ngâitu tla chu an tam hen thungâi an chak. LALPA ni chu ṭihnung a kâi a! Âu me âwl kho lai!

THILTI 7:41

Chun, chubang ni ah chun chawpê fa ruk an siam le, a ruk chu ran thah hen an sawnh, anmah tla kut suak lakah chun anna lâwm rawh.

DEUTERONOMY 28:20

“Thilsual nan ti hen LALPA chu nan duh lo asi chun nan tlûnah vânduainâk, nawknâk, lawksawngnâk nan thilti zeizawng ah nan vei dep tiang hen a hawng tlungtir lai.

DEUTERONOMY 31:16

LALPA nih Mosi sinah, “Na thihnâk a nâi rawh, na thih nûnah mi le tla chu zumhkâilo tak hen ka lakah an um lai le, an sinah thudân ka tuk mi tla khawm an buar lai. An ka kaltâk lai le, an va lûtnâk ding mi ram ah lunglotu pathian tla an sawnh lai.

JOSUA 24:20

Ramdang mi pathian sawnh ding hen amah nan thlawrhthlâu chun a nan do na lai le, a nan rêp na lai, a lânah ṭha ngâi khawmsele a nan veih hep na lai,” a ti.

THUPHUANG 9:20

Chun, chubang rêpnâk nih a thah bang minung tla nih chun, an thil siam sawnhnâk tla chu bângtâk lo hen, khuri tla leh ngûn milem tla, tangka milem tla, dâr milem tla, lung milem tla, thing milem tla, zeikhawm muh kho lo, theih kho lo, kal kho lo tla chu an sawnh le an rim lêm lo.