JEREMIA 1:10 - Bawm Common Language Bible Version

¹⁰ Tusûn ni ah hin, phun tla leh, lalram phâwi leh siat ding hen, râwk leh lawnh ding hen, dirh leh phun ding hen thuneihnâk ka nan pêk asi,” a ti.

JEREMIA 1:10 ပူးပေါင်းရင်းမြစ်များ

1 Lal 17:1

Khuavâng pakhat a min Elija Gilead ram ah Tishbe khua mi nih lalchem Ahab sinah, “LALPA Israel Pathian, a rian ka ṭuan mi min hen ka nan simh asi, kum nih mawh kum thum sung chu sûr ding ka sim lânlo chu ruah leh dâm rerêng a sûr hen a tlâ lai lo,” a ti.

1 Lal 19:17

Hazael nih a thah awt mi ruang a suak mi zawng chu Jehu nih a thah lai. Jehu nih a thah awt mi lakah ruangsuaktu zawng chu Elisa nih a thah lai.

THUSIMTU 3:3

thah tik leh damh tik a ruat. Siat tik leh sak tik a ruat.

JEREMIA 1:5

“Nungnâk kan pêk lânah leh na suak lânah phun tla sinah khuavâng siding hen kan thîm rawh mi na si,” ati.

JEREMIA 24:6

Ka vêng na lai le, hi ram ah hin ka kîrpi nawlh na lai. Ka dirh nawlh na lai le, ka siat nawlh na lai lo; ka phun na lai le, ka phâwi na awtlo.

JEREMIA 25:13

Babulon mi tla chu hi lasuibu ah siatnâk zawzawng rîn mi Jeremia mang hen ka sim mi tla chu phun tla ka ṭhih na mi siatnâk zawzawng hen ka rêp na awt.

JEREMIA 31:28

Phâwi hen, siat phin hen, lawnh ving hen, veih ving hen, râwk dep na ding ka tum thlir na mi hâwi hen, anmah phun ding leh dirh ding ka tum thlir awt.

JEREMIA 31:40

Mithi ruak vûinâk leh nâwmtâm lawnhnâk tivakuam ram zawzawng leh Kidron tiva tlûnlei mi phâisen zawzawng saklei kângah rang kawtkâ tiang hen, ka rangah mun thenhlimh asi lai. Khuapi chu siat leh râwk hen a um lai lo rawh,” a ti.

JEREMIA 36:2

“Lasuibuzual lâk le, Israel leh Juda mi leh phun zawzawng thu ka nan simh mi zeizawng chu rîn rawh. A tîr ah, Josiah a lal liauah thil zeizawng ka nan simh mi thawk hen tu tiang mi thu ka nan simh mi chu rîn ver.

JEREMIA 44:27

Nanna dingchang lo ding mi leh siat leh râwk hen nan um ding mi ka nan zauh na awt ko. Pakhat khawm âk lo hen râltuknâk ah mawh râi lakah mawh nan thi hep lai.

JEREMIA 45:4

“Sikhawmsele, Kei, LALPA nih ka dîrh mi chu ka siat le, ka phun rawh mi chu ka phâwi. Hi hi tual pumpi lakah ka ti awt.

EZEKIEL 21:19

“Thikho mi minung, Babulon lalchem a nâmsâu put hen a hawng nâk ding lampi panih singsiah. Ram pakhat thawk hen an hawng suak vevê. Lamṭhuam ah singsiahnâk tung phun rawh.

EZEKIEL 23:36

LALPA nih ka sinah, “Thikho mi minung, Oholah leh Oholibah lâirêl piak ding hen na râlring rawh ma? Thil fihnungkâi an ti ruangah phiar na.

EZEKIEL 32:18

“Thikho mi minung, Aigupta ram ah mi tam tak ruangah lungfâk hen um rawh. Phundang thiltikho tak tla hen laikulh thihnâk ah kaltir na.

EZEKIEL 36:36

Chu tikah an kiangkam ah phun tla thibang tla nih, kei, LALPA nih khuapi râwk chia ka dirh nawlh mi leh phâisen râwk rawh mi ka phun nawlh mi asi ti an theih lai rawh. Kei, LALPA nih hi hi ti ding hen thu ka tiamh mi chu ka ti lai,” a ti.

EZEKIEL 43:3

Hi muhnâk hi Jerusalem râwk ding hen Pathian a hawng kal liauah ka muh mi leh Kebar tiva kap ah ka muh mi hen â bang. Churawhchun, bawkbukhup hen tual ah ka bawk rawh.

HOSEA 6:5

Churuangah asi ka khuavâng tla chu rêpnâk ding thuchah leh siatnâk lâirêl ding hen ka hawng fialnâk chu. Nan lakah ka duh mi chu fiang tak leh langker hen ka duh:

AMOS 3:7

LALPA Zahkâi nih a thiltum a to-aw khuavâng sinah langh tâ lo hen zei thil khawm a ti dahlo.

AMOS 9:11

LALPA nih, “David lalram, in a tlû le, â râwk mi hâwi chu dirhnawlhnâk ding ni chu a hawng tlung awt rawh. A kulh vâm tla chu ka remh nawlh lai le, a lânah mi hâwitê hen ka dirh nawlh lai. A lânah mi hâwitê hen ka sak hen ka siam nawlh lai.

ZEKARIA 1:6

Ka to-aw khuavâng tla mang hen an thlâk natu tla chu thu ka pêk hen ka simhkan na le, sikhawmsele zeikhawm an rêl lo le, chu lak chun an tuar phah. Ti ding ka duh mi hâwi hen kei, LALPA nih an sual mi ruangah ka rêp na,’ ” a ti.