JEM 5:7 - Bawm Common Language Bible Version

⁷ Chun, ka unau tla, Lalpa hawng kal lânlo felfê tak hen um u, lo dâwngpu nih chun ruah masa leh madung chem chu a tawng lânlo felfê tak hen thlâi rah sung tak chu a ngâk tâwn.

JEM 5:7 ပူးပေါင်းရင်းမြစ်များ

JEREMIA 5:24

Fângzûn liau ruah leh fûr tlâk tîr ruah ka sûrtir le, kumsiar hen fângzûn tik ka nan pêk na khawm ah, hawng ka zah ding nan awt dahlo.

HOSEA 6:3

LALPA theih kanna tum lai. Ni tla a hawng suak mi hâwi hen, tifûr tla nih tual a chîntir mi hâwi hen kan sinah a hawng lai,” an ti.

JOEL 2:23

“Zion mi tla, a lâwm u, LALPA, nan Pathian nih nan rangah thil a ti mi ruangah a lâwrn u. Fângzûn liauah ruah tam tâwk ual hen an pêk na le, busik liau ruah khawm nan rangah a sûrtir hen tifûr tlâk tîr khawm a lân hâwi asi rawh.

ZEKARIA 10:1

Ṭhal ah ruah sûr ding hen LALPA rangah deih u. Mikip rangah ruah sûrtir hen phâisen ring dul tirtu chu LALPA asi.

MATHAI 16:27

Minung Fapa hi a vânmifial tla hen a Pa rokualnâk a thuam hen a hawng kal awt ruangah; chu tik chun mikip an thilti hâwi vima hen a rulh chiau lai.

MATHAI 16:28

Thungâi tak hen ka nan simh na, hinah dîr tla zeimaw mi hi Minung Fapa a Ram ah hawng mi an muh lânlo chu thihnâk tem lo thlo ding mi an um,” a ti.

MATHAI 24:27

Mîmthlâ saklei ah a hawng lek le, thlanglei tiang khawm hen a lang tâwn le, Minung Fapa a hawng kal nawlhnâk chu chu hâwi chu asi awt ruangah.

MATHAI 24:44

Churuangah, nannih khawm râlring kumza hen um u, nanna râlring lo tikah Minung Fapa a hawng kal awt ruangah.

LUK 18:8

Ka nan simh na, an phû a lam piak sawm lai. Sikhawmsele, Minung Fapa hi a hawng kal tikah chun laikulh ah hin lungnâk a hawng muh lai mazei?” a ti.

LUK 21:27

Chu tikah chun Minung Fapa hi thiltikhonâk leh rokualnâk fâk tak hen sûm lakah a hawng kal mi an muh lai.

LUK 8:15

Tual ṭha lakah chî a tlâ mi lam chu hi bang tla hi an si; thinlung rep leh ṭha hen thu an theih le, an chîng thlir le, felfê tak hen an rah tâwn.”

JOHAN 21:22

Jisu nih a sinah, “Ka hawng kal nawlh tiang um kumza ding hen duh châng sele, na rang zei me si? Nangmah nih hawng ka zûl ko,” a ti.

JOHAN 21:23

Chuvachun, chu ṭhiruai chu thi lo ding hen a thu chu unau tla lakah a thang rawh; sikhawmsele, Jisu nih a thi lai loh ti a sinah a sim lo. “Ka hawng kal nawlh tiang hen um kumza ding hen duh châng sele, na rangah zei me si?” a ti mi cho asi.

ROM 15:4

Pathian lasui thu ah felfênâk leh lungngamnâk tawng hen lungumnâk kan nei khonâk ding hen, tuan liauah rîn mi tla chu kanmah hawng kan sîntirnâk ding asi ruangah.

ROM 2:7

Thil ṭha ti rarâm hen, rokualnâk leh chawnglawmhnâk leh thi kho lo mi nungnâk hâwltu tla sinah chun zungzâl nungnâk a pêk lai.

1 KORIN 1:7

Chuvachun, kan Lalpa Jisu Krist langhnâk ngâk hen, thilpêk rerêng ah nan samphâng lo.

GALATIA 5:5

Kannih nih chun Thlarau zârah lungnâk hen repnâk lungumnâk kan ngâk ruangah.

GALATIA 6:9

Chun, thil ṭha ti neng lo ding; kanna dâithlanh lo chun a tikah kan ât awt ruangah.

DEUTERONOMY 11:14

Chu hâwi nan ti chun, nan ram ah a herh tik zawng ah ruah a hawng sûrtir lai le, fângzûn liau leh fûr tla khawm ah, churawhchun, fâng tla, uain tla, Oliv sariak tla leh

1 THESALONIKA 2:19

Kan lungumnâk mawh, kanna lâwmnâk mawh, kan lallukhuh putso mawh zei me asi ne? A hawng tikah kan Lalpa Jisu mâika ah chun nanmah ngelchel nan si awt mi asi lo ma?

1 THESALONIKA 3:13

Chun, kan Lalpa Jisu a mi thenhlimh zawzawng tla hen a hawng kal tikah, kan Pathian leh kan Pa mâika ah nan thinlung tla thenhlimhnâk leikângah simsâwi kawplo hen a nan birhtir kho na lai.

HEBRAI 6:15

Chun, felfê tak hen a tuar ver nûnah thutiam chu Abraham nih a tawng taktê.

JEM 4:11

Ka unau tla, pakhat leh pakhat a sâwi tawnh lah u. Âuzawng a unau sâwitu mawh, simsiattu chu Dân a simsiat hen a sâwi asi. Dân na simsiat chun Dân zâwttu na si lo le, a sâwitu na si dauh asi.

JEM 5:10

Unau tla, khuavâng, Lalpa min hen thusimtu tla theihkumza u, tuarkhonâk leh felfênâk thu ah zûnzauhnâk ah mang na u.

JEM 5:3

Nan ngûn leh tangka tla a êk ver rawh le, a êk mi chu nan mawh ti theihnâk asi lai le, nan taksa chu mei kâng hâwi hen a ei hep lai. Ni dawnghnâk leiah chun neih nan khawng asi.

2 PETER 3:4

“Ka hawng kal lai, a ti mi chu a hawng lo ne? A zei ah a um? Hawng kan thlâktu tla khawm an thi ver rawh, laikulh tuah tîr thawk hen thil zeizawng a mahmun kumza ko ne?” ti hen an nihsanh na lai.