JEM 5:5 - Bawm Common Language Bible Version

⁵ Tual ah hin nuamchên hen nan um le, lâwptlo tak hen nanna siam le, thah ni ding rangah bit tak hen nanna châwm rawh.

JEM 5:5 ပူးပေါင်းရင်းမြစ်များ

SAM 17:14

hi bang zawzawng duhtu nungnâk lakah mi hi ruang hawng ka suah rawh. An rangah tuarnâk na khawng piak na mi hen rêp na; an fa le rangah tam tâwk rang ding hen leh an fa le tla fa nawlh rang khawm ah mâk piak na ding hen.

SAM 73:7

an thinlung nih sualnâk a suah, an thinlung chu sual thilti tumnâk hen a khat.

THUFING LASUIBU 17:1

Nawknâk puai va ei ngâk hen, thlangam tak hen sang rêu ût mi ei a ṭha dauh.

THUFING LASUIBU 7:14

“Tusûn ah thil ap ding ka timhtuah le, bâwlnâk lakah mi sa chu.

THUSIMTU 11:9

Seino tla, Seino nan si liauah a lâwm u. Seino na si liauah a lâwm rawh. Ti ding na duh mi chu ti le, na thinlung duh thu hâwi hen um rawh. Sikhawmsele, na thilti zawzawng chu Pathian nih lâi a rêl awt ti theihkumza rawh.

ISAI 22:13

Chu hâwi um ding ngangâk hen nan ni le, lâwmnâk nan tuah. Dawrâ leh ran ei ding hen nan thah le, uain tla nan din. “Ṭha tak hen kan din hen kan ei kho! Thâituan ah chun kan thi lai rawh,” nan ti.

ISAI 3:16

LALPA nih, “Zauhnik u, Jerusalem nunau zumh zia khi! An vântâu bû hen an kal. Pherh tak hen an um. Dînpei hen an kê an kâr le, an kêreng ah mi kekhâng âwn sisir hen.

ISAI 47:8

“Nuamnâk duhtu tla, nannih him ding leh ruangsuah ding hen a ruat mi tla, hi hi ngâi u. Pathian tluk a rokual leh nang banghtu umlo mi hâwi hen na sim. Numei silo thlo ding leh tê-le-fa thlâunâk tuar lo thlo ding hen na ruat.

ISAI 56:12

Chubang zurî tla nih chun, ‘Uain kan hâwl lai le, kan din kho rirî hen kan din lai! Thâituan ding mi chu tusûn ngâk hen a ṭha dauh lai! an ti,’ ” a ti.

JEREMIA 12:3

Sikhawmsele; LALPA, ka thilti leh ka nan dâwt zia chu na theih hen na ka muh. Dawrâ thah ding hen an ruai mi hâwi hen hi misual tla hi nûk na le; thah ding tik a tlung tiang hen vêng rêt na.

JEREMIA 25:34

Nannih ruitu tla, ṭap u, nannih ka mi vêngtu tla, hâu fâk hen ṭap u! Ulh ule, valei lakah rîl u. Nanmah an thah na ding mi tik a tlung rawh, dawrâ chal tla hâwi hen thah nan si lai.

EZEKIEL 16:49

Ei ding tam tak nei hen thlangam tak hen dâi riang an um ruangah amah leh a fanu tla chu anna zûm phah, sikhawmsele mipâm tla an zauhkhenh lo hen thawsuak hen an siam na lo.

EZEKIEL 39:17

LALPA Zahkâi nih ka sinah, “Thikho mi minung, bâwlnâk an rangah ka timhtuah mi ei ding hen va zawzawng leh ramsa tla a kiangkam ah mi hawng ding hen kawh na. Israel tlâng tlûnah sa an einâk leh thisen an dinnâk puai rokual tak asi lai.

AMOS 6:1

Nannih Zion ah nuamchenhtu tla leh Samaria ah him tak a um ding hen ruattu Israel phun lakah mi rokual rangah ṭihnung a kâi awt chiam e, nannih chubang tla sinah ṭangpi deih hen kaltu tla!

LUK 16:19

“Chun, minei âumawh a um. Puan senduk leh puan mangṭhia â aih le, nisiar nuam ti tak hen a um tâwn.

LUK 16:25

“Sikhawmsele, Abraham nih, ‘Ka fapa, nangnih na dam liau khan thil ṭha na ting le, chu hâwi ber hen Lazar nih thil ṭhalo â ting mi kha theih rawh; sikhawmsele, tuah anih chu hinah lungngam tak hen a um le, nang lam chu na hamh makha.

ROM 13:13

Sûn ah um hâwi hen dawh tak hen kan um lai, zû din nawk leh zû rî a um lo hen, hur leh a duh a um lo hen, sual leh a nahsuah a um lo hen.

1 TIMOTHE 5:6

Sikhawmsele, numei mah nuamhnâk leikâng ah â mang mi chu a dam liau khawm ah a thi chia asi.

2 TIMOTHE 3:4

mi perpê tla, dung le mâi dawn lo tla, â sung-û tir mi tla, Pathian zângfah ngâk hen mah lawmhnâk cho zângfah dauhtu tla an si awt;

2 PETER 2:13

Tuarnâk siamtu tla chu tuarnâk ber hen rulh an si lai, an rangah din leh ei nuamchên chu sûn nî tangah asi le, nan sinah an ei bâk khawm ah, bumnâk ah um hen anna lâwm kar vial chu an rangah ningzaknâk leh mualphonâk cho asi.

JUD 1:12

Buh nan einâk ah annih tla chu nâwmtâm â buaih mi hâwi an si le, an zû rîtnâk ningzak theihlonâk hen, mah kawngkâ cho ruattu an si; vândâwm ruahtî a um lo mi thli nih a ranh mi hâwi an si, thing, tharvâng liau khawm ah a rah lo mi hâwi leh thing a ram hen â phâwi zek le, a thi thlo mi hâwi an si.

THUPHUANG 18:7

A rokualtir hen nuam a chenh zia hâwitê hen, tuarnâk leh lawksawngnâk pêkrûl bâk u. A thinlung hen chun, Lalnu kasi, numei kasi lo, lawksawngnâk rerêng ka tawng lai lo, a ti asi.

1 SAMUEL 25:36

Abigail chu Nabal sinah a kîr le, Nabal lam chu lal hâwi hen puai a tuah le, zû a rî le, nuam but hen a um. Churuang chun a thâizîng khua a dei lânlo chu zeikhawm a simh lo.

1 SAMUEL 25:6

Nabal sinah thusim ding a chah na le: “David nih ka hâwipa, a dâwngsung tla leh a sinah um mi zawzawng chibai ka bûk a nan ti,” an ti.