JEM 5:3 - Bawm Common Language Bible Version

³ Nan ngûn leh tangka tla a êk ver rawh le, a êk mi chu nan mawh ti theihnâk asi lai le, nan taksa chu mei kâng hâwi hen a ei hep lai. Ni dawnghnâk leiah chun neih nan khawng asi.

JEM 5:3 ပူးပေါင်းရင်းမြစ်များ

GENESIS 31:48

Laban nih Jakob sinah, “Hi lung tiang mi hi kan panih rangah theihnawlhnâk rang ding si seh,” a ti. Churuangah chu mun chu Galeed ti asi.

GENESIS 31:52

Hi lung phun mi leh tiang mi khawm hi theihpitu an si. Nangmah an do ding hen hi lung tiang mi lanh ving hen ka hawng dah lai loh. Keimah do ding hen nang khawm nih hi theihkumzanâk lung tiang hi lanh ving hen hawng rerêng lah bâk.

GENESIS 49:1

Jakob nih a fapa tla a kawh na le, “Ka mâika ah hawng a pûm ver u, mâilei ah thil a hawng um ding mi kan simh na lai:

JOB LASUIBU 16:8

Na hawng ka tleih rawh, nang chu ka mêlma na si. Kei chu ruh leh vun kasi. Mi nih ka sualnâk a fiang rawh mi hâwi hen an ruat.

ISAI 2:2

Ni a hawng tlung ding mi lakah Biakin umnâk tlâng chu tlâng dang zawzawng ngâk hen a sâng chem mi asi lai le, tlâng zawzawng tlûn leiah a fawng lai. Phun tam tak tla chu tî luang hâwi hen an hawng lût lai.

JEREMIA 19:9

Mêlma nih khuapi chu an kulh lai le, a mi tla thah ding an tum lai. Chu khua an hual mi chu ṭihnung a kâi tukah khuapi sungah mi tla chu anmah leh anmah anna ei lai le, an fa tla tiang an ei lai,” a ti.

MIKAH 3:3

Ka mi tla nan ei hep le, an vûn nan lîk na le, an ruh tla nan khiak piak na le, an sa tla bêl sungah suang ding mi hâwi hen nan chan dip.

MIKAH 4:1

Ni a hawng tlung ding mi lakah Biakin umnâk tlâng chu tlâng dang zawzawng a khûp ver lai. Phun tam tak tla chu chunah chun tî hâwi hen an hawng luang lai.

THILTI 2:17

‘Pathian nih ni madung tla ah chun, mi zawzawng tlûnah ka Thlarau ka tawih lai le, nan fapa tla leh nan fanu tla nih ka thu an sim lai, nan tlangvâl tla nih muhtirnâk an muh lai, chun tar tla nih mang tla an manh lai.

ROM 2:5

Thinlung lianhnâk leh thinlung khauhnâk nan nei. Churuangah Pathian thinrunhnâk leh lâirêlnâk dik tak a hawng lang tik Ni ah chun nanmah rêpnâk lian dauh nan siam asi.

2 TIMOTHE 2:17

an thu khawm nih masia hâwi hen a ei vima lai; an lakah chun Humenai leh Philepta anna tel asi.

JOSUA 24:27

Zapi zawzawng sinah, “Hi lung hi kan rangah theihpitu si seh. Kan sinah LALPA nih thu a sim mi zawzawng chu a theih hep. Churuang chun, LALPA lakah hel lo ding hen theihpitu leh a nan vêng natu asi lai,” a ti.

2 PETER 3:3

Hi hi a masa hen theih ule, ni dawnghlei ah chun, anmah duhnâk hâwi vima a um hen, mi mah kawngkâ cho ruattu tla an hawng um lai.

THUPHUANG 17:16

Chun, ki parâ leh sarâng na muh mi nih khan nunau â zuar mi chu an hua lai le, a thilneih tla an lâk piak lai le, takkaro hen an mâk lai le, a sa khawm an ei lai le, mei hen an duah hep lai.

THUPHUANG 20:15

Âuzawng nungnâk lasuibu ah a min rîn hen a um lo mi chu meizur ah an lawnh rawh.

THUPHUANG 21:8

Sikhawmsele, mi zer tla, lunglo tla, mi lêmtu tla, mi thahtu tla, mi hur tla, dâwithiam tla, milem sawnhtu tla leh âwkrâwl simtu tla tingvo mun chu mei leh kât hen a kâng mi zur asi, chu chu thih nihnâk chu asi.