JEM 5:19 - Bawm Common Language Bible Version

¹⁹ Ka unau tla, nan lakah âumawh, thudik thawk hen vâi sele, chun âunih mawh hawng kîrtir nawlh sele,

JEM 5:19 ပူးပေါင်းရင်းမြစ်များ

SAM 119:118

Na dân duhlotu tla zawng chu na hua na le, an perpet thiltum chu zeikhawm asi lo.

SAM 119:21

Mi â zûm mi chu na simhfâi le, na dân thupêk zûllotu tla chu siatbarh hen an um.

THUFING LASUIBU 19:27

Ka fapa, sîntirnâk na duh lo hen na thlawrhthlâu chun, na theih chia tla khawm na thlawrhthlâu lai.

ISAI 3:12

Tangka pûktirtu tla nih ka mi tla an nehsawh na le, lei anna batnâk tla nih an perpet na. Ka mi le tla, an rui natu tla nih a mahlo leiah an kalpi na le, churuangah zei lei lampi ah pial ding asi ti nan theih loh.

EZEKIEL 34:16

“A tlâu mi tla chu ka hâwl na lai le, a vâi mi tla chu ka va khawk na lai, a liam mi tla chu ka tuam piak na lai, a damlo mi chu ka damh lai le; sikhawmsele kei chu dawrâpu thil dik titu kasi ruangah a bit mi leh a chak mi tla ka veih na awt.

EZEKIEL 34:4

A chak lo mi khawm nan bulsân lo, a damlo mi khawm nan damh na lo, â liam mi tla khawm nan tuam piak lo, a vâi mi khawm nan va dawng na lo, a tlâu mi khawm nan hâwl na lo. Chu ngâk hen nan nehsawh na.

MATHAI 18:15

“Chun, na unau nih na tlûnah thilsual ti sele, kal le, amah leh nangmah cho theih hen a sualnâk chu simhfâi. A nan ngâi piak chun na unau chu na neh mi asi lai.

LUK 22:32

Sikhawmsele, na lungnâk a tlâu lonâk ding hen thla ka nan cham piak asi. Na sîr nawlh tikah nangmah nih na unau tla chaktir na,” a ti.

GALATIA 6:1

Unau tla, mi nih sual zeital a ti liauah tanh sut hen um sele, nannih Thlarau mi le tla, “Lêmnâk ka tawng sual bâk lai,” ti a vêng bû hen chu hâwi mi chu dawnhkho tak hen dirh nawlh u.

1 TIMOTHE 6:10

Tangka duhnâk hi sual kip bul asi le, chu chu mi zeimaw mi nih an ngarh le, lungnâk chu an kaltâk le, anmah leh anmah lawksawngnâk tam tak hen an thinlung an khuai.

1 TIMOTHE 6:21

Chu chu zeimaw mi nih nei hen anna ruat le, lungnâk lampi chu an pialtâk rawh. Pathian zângfahnâk nan ekte sinah um seh.

2 TIMOTHE 2:18

Chubang tla nih chun, “Thawknawlhnâk chu tu khawm ah asi ving rawh,” ti hen, thudik leikâng chu an pialtâk le, mi zeimaw mi lungnâk an veih tâwn.

HEBRAI 5:2

Amah khawm zeizawng ah mi chak lo asi ruangah zeikhawm theihlo tla leh mi diklo tla sinah â dawnhkho tâwn asi.

JEM 1:16

Ka unau duhtak tla, perpet hen um lah u.

JEM 1:19

Unau duhtak tla, hi hi theih u, mikip nih thu ngâi ding a chuh sele, thusim chu a chuh lah sele, thin sâu seh.

JEM 3:14

Sikhawmsele, nan thinlung ah ṭhatlonâk leh nahsuahnâk leh mah kawngkâ cho ruat mi nan si chun a zûm lah u, thudik do hen âwkrâwl sim lah u.

JEM 5:20

âuzawng misual lampi a vâinâk thawk hen kîrtir nawlhtu chu thihnâk ah thawk hen a thlarau ruang a suah lai le, sual tam tak ngaihdamnâk a siam piak asi ti a theih seh.

2 PETER 3:17

Chun, duhtak le tla, nannih nih chubang thu chu nan hawng theihkan ruangah a râlring u, chu lo chun misual diklonâk ah kalpi sual a um hen, bir tak hen nan um mi nan tlû sual lai.

JUD 1:11

An tlûn a pit! Kain lampi chu an zûl le, lawh uh hen Balaam sual lampi chu an zûl le, Kora a hel mi hâwi hen an hel le, amah hâwi hen veih hen an um rawh.