JEM 5:16 - Bawm Common Language Bible Version

¹⁶ Chun, damh hen nan um khonâk ding hen, nan sual tla thutluang a vawr tawnh ule, thla a cham piak tawnh u, mirep thlachamnâk nih chun thil fâk tak ati tâwn.

JEM 5:16 ပူးပေါင်းရင်းမြစ်များ

GENESIS 19:29

Pathian nih chu khuapi tla tivakuam mi Lot umnâk a râwk liau chun, Abraham chu a theihkumza le, Lot khawm nung dam a um hen a suaktir.

GENESIS 20:17

Abraham nupi Sari ruangah, LALPA nih Abimelek umnâk ah mi nunau tla zawzawng chu fa nei lo ding hen a siam na. Churuangah Abraham nih Abimelek rangah thla a cham piak le, Pathian nih a lentir rawh. A nupi leh a sal nunau tla zawzawng khawm nih fa an ring kho rawh.

GENESIS 20:7

Sikhawmsele, tuah nunau chu a pasal sinah khirh nawlh; anih chu khuavâng asi, thla an cham piak lai le, na thih lonâk ding hen. Sikhawmsele, na khirh lo asi chun, nang leh na mi tla an thi ver awt tih kan theihtir,” a ti.

GENESIS 32:28

Chu pa nih chun, “Na min chu Jakob asi lai lo rawh,” a ti. Minung leh Pathian na paihpi le, na neh rawh; churuangah na min ah “Israel” ti asi lai.

2 SAMUEL 19:19

“Bâwipa, Jerusalem na mâk awt liauah ka thilsual ti tla kha zângfahtê hen hawng ka philh piak le, ka lakah huatnâk nei hen thinlung ah siah lo rawh ding hen kan ngiar.

1 Lal 13:6

Lalchem Jeroboam nih khuavâng sinah, “Zângfahtê hen LALPA na Pathian sinah thlacham le, ka bân a dam khonâk ding hen hawng ka ngiar piak râu rawh,” a ti. Khuavâng nih LALPA sinah thla a cham piak le, lal kut chu a dam rawh.

2 CHRONICLES 30:20

LALPA nih Hezekiah thlachamnâk chu a sâng le, mi zapi tla chu a ngaihdam na le, nganfâk zeikhawm a pêk na lo.

JOB LASUIBU 42:8

Tuah nanmah rang ding ah chawchal pasarih leh dawrâ chal pasarih Job sinah kalpi ule, bâwlnâk rangah ap u. Job nih thla an cham piak na lai le, kei nih a thlachamnâk ka sâng lai le, nan ti mi hâwi hen nan rangah ningzak a kâi lai loh. Anih nih a ti mi hâwi hen ka thu hi dik hen nan sim lo,” a ti.

SAM 34:15

LALPA nih mirep tla chu a vêng na le, an âu hâu a ngâi piak na.

EXODUS 17:11

Mosi nih a bân a phar kar vial chu Israel mi tla nih an neh na. Sikhawmsele, a bân a thlâi chun Amalek mi tla nih an neh na.

EXODUS 9:33

Mosi nih lalchem chu a kaltâk rawh chun, khuapi a suaktâk le, bân phar bû hen LALPA sinah thla a cham rawh; khuarît, rial, ruah zawzawng a bâng hep.

THUFING LASUIBU 15:29

Mi ṭha nih thla a cham chun LALPA nih a ngâi le, sikhawmsele misual tla chu ngaihlo lêm a thlâk na.

THUFING LASUIBU 15:8

Mi ṭha thlachamnâk ah LALPA â lâwm le, sikhawmsele misual tla nih bâwlnâk an hawng put mi chu a hua.

THUFING LASUIBU 28:9

Dân zûltu na si lo chun, na thlachamnâk chu Pathian nih ngâi ding a duh lai lo.

JEREMIA 15:1

Churawhchun, LALPA nih ka sinah, “Mosi leh Samuel men hinah dîr hen hawng ka ngiar na khawmsele, hi minung tla lakah khua ka ruat kho awtlo. Kaltir ving na le; ka mitmuh ah mi suah ving na.

JEREMIA 33:3

“Hawng ka auh ule, ka nan sâng na lai, nan theih dahlo mi thilchê tak ka nan simh na lai.

JEREMIA 42:2

“Zângfahtê hen kan deih mi chu hawng kan ti piak! LALPA, kan Pathian sinah thla hawng kan cham piak. A vei bang tla zawzawng rangah thla hawng kan cham piak. Na kan muh mi hâwi hen veikhat rangah chun tam tak kan si le, tu lam chu tâwmtê cho kan si rawh.

NUMBER 11:2

Mi zapi tla chu ṭangpi deih hen Mosi an auh le, Mosi nih LALPA sinah thla a cham le, mei chu a mit rawh.

MATHAI 21:22

Chun, zeizawng lung bû hen nan deih mi zawng chu nan tawng lai,” a ti le, a sâng.

MATHAI 3:6

an sual tla thutluang vâwr hen Jordan Va ah chun amah sinah baptis an si rawh.

MARK 1:5

Chun, Judai ram mi zawzawng leh Jerusalem mi zawzawng tla an suak le, a sinah an kal le, an sual tla thutluang vâwr hen Jordan Va ah chun a sinah baptis an si rawh.

LUK 9:6

Chun, an kal le, khua an ṭawl vima le, ram kip ah Thâwngthâng Ṭha an sim le, mi an damh vima.

JOHAN 9:31

Pathian nih misual thu a ngâi tâwn lo ti kan theih; sikhawmsele, âuzawng nih Pathian sawnhtu asi hen, a duhzia thil a ti chun, anih chu Pathian nih a ngâi piak tâwn.

THILTI 10:38

nannih nih nan theih bâk khateh; Nazaret Jisu kha, kha hâwi hen Pathian nih anih chu Thlarau Thenhlimh leh thiltikhonâk hen a vurh zia kha; anih nih chun mi tlûnah ṭhattir leh diabol nehsawh zawzawng damh hen a ṭawl tâwn le, Pathian a sinah a um.

THILTI 19:18

Chun lungtu tam tak an hawng kal le, an thilti tla chu thutluang an vâwr le, anna phuang rawh.

THILTI 8:24

Chun, Simon nih, “Nan sim mi hi zeikhawm ka tlûnah a tlung lonâk ding hen Lalpa sinah thla hawng ka cham piak u,” a ti le, a sâng.

ROM 3:10

Pathian lasui thu nih: ‘Âukhawm mirep tak rerêng an um lo, pakhat khawm an um lo;

ROM 5:19

Mi pakhat ê-aw ngâilonâk ruangah khan mi tam tak chu misual an hawng si rawh: chu hâwi ber hen mi pakkat ê-aw ngâinâk ruangah khan mi tam tak chu mirep an hawng si lai.

KOLOSA 1:9

Churuang chun, Thlarau finghnâk leh theihkhonâk zawzawng leikângah amah duhzia theih rangtlingnâk ah chun nan hawng khat khonâk ding hen, kan theih ni thawk hen chun kannih khawm nih thlacham hen kan deih piak na mi kan bâng lo.

1 THESALONIKA 5:17

bâng lo hen thlacham ule,

1 THESALONIKA 5:23

Chun remnâk Pathian tak nih nan pum hen an thenhlimhtir na seh; chun, nan thlarau leh nan thinlung leh nan taksa chu kan Lalpa Jisu Krist a hawng kal tik chun simsâwi kawplo hen a pum hen hum hen um seh.

1 THESALONIKA 5:25

Unau tla, thla hawng kan cham piak u. Unau zawzawng tla kha châwchawk thenhlimh hen chibai hawng ka bûk piak u.

HEBRAI 11:4

Lungnâk hen Abel nih chun Kain ngâk chun bâwlnâk ṭha dauh Pathian sinah a pêk; lungnâk ruangah Pathian nih a thilpêk tla a pawm piak le, mirep asi phah. Chun, chu lungnâk ruang chun Abel nih thih nûnah thu a sim nget rih asi.

HEBRAI 11:7

Lungnâk hen Noa chu thil a lang lo rih mi leikâng thu ah Pathian simhkannâk thu a ngâi le, Pathian thu zâwt hen a dâwngsung tla ruangsuaknâk ding hen lawng a sâi; chu nih chun laikulh chu a mawhtir rawh. Churuang chun, lungnâk ruangah repnâk chu Pathian thawk hen â ting rawh.

HEBRAI 12:13

Kê a khêng mi chu kal kho lo asi ngâk hen damh asi lehlam ding hen lampi ding ah kal u.

HEBRAI 13:18

Kan rangah thlacham u, zeizawng ah rep tak a um ding tum hen, sia leh ṭha theihnâk thiang tak kan nei ti dik tak hen kanna theih.

JOSUA 10:12

Israel tla rangah LALPA nih Amor tla a nehtir na ni ah chun Josua nih Israel tla mâika ah LALPA chu a sawnh le, “Nî, Gibeon khua tlûnah dîr ko: Thlâ, Aijalon Kuam tlûnah a dîn rawh,” a ti.

1 PETER 2:24

Sual leikângah thi rawh hen, repnâk leikângah kan nung khonâk ding hen Krist ngelchel nih kraws ah khan a taksa hen kan sual tla a phurh le, amah liamnâk tla hen damtir hen nan um rawh.

1 JOHAN 3:22

Chun, a thupêk tla kan zûl le, a mitmuh ah thil lawmhkâi kan ti tâwn ruangah, kan ngiar mi zawng kan tawng tâwn.

1 SAMUEL 1:12

Hanah nih LALPA sinah thla a cham vima le, Eli nih a mûr a châng mi chu a zauh ko.

1 SAMUEL 12:17

Khua rumro liau asi, asi lo mazei? Sikhawmsele, thla ka cham lai le, LALPA nih khuarît leh ruah a hawng fial lai. Chu hâwi hen a hawng tlung tikah chun LALPA rangah lalchem nan deih mi hi sualnâk rokual tak LALPA lakah nan ti mi asi ti nan theih lai,” a ti.

1 SAMUEL 12:18

Churawhchun, Samuel nih thla a cham le, chu ni lîlâ ah chun LALPA nih khuarît leh ruah a hawng fial. Churawhchun, LALPA leh Samuel chu mi tla nih an ṭih le, Samuel sinah,