JEM 5:11 - Bawm Common Language Bible Version

¹¹ Tuar khotu tla chu mi thawsuak kan ti na. Job felfê zia chu nan theih, Lalpa nih a dawnghnâk ah a ti zia khawm kha nan theih, Lalpa chu siherhnâk leh khuaruatnâk hen a khat zia khawm kha.

JEM 5:11 ပူးပေါင်းရင်းမြစ်များ

1 CHRONICLES 21:13

David nih Gad chu a sâng le, “Lawksawng kâi tak mun ah ka um rawh! Sikhawmsele, minung rêp hen um ding lam chu ka duh loh. LALPA chu mi khuaruat kho mi asi ruangah amah ngelchel nih hawng ka rêp ko seh,” a ti.

2 CHRONICLES 30:9

LALPA sinah nan hawng kîr chun nan unau sal ah put hen an um mi tla khawm anmah a lungkham na lai le, in leiah a tlungtir nawlh na lai, LALPA nan Pathian chu mi vêlnei leh khuaruat kho mi tak asi, a sinah nan kîr chun anih nih a nan pawm na lai,” ti hen.

NEHEMIAH 9:17

Thu an ngâilo le; na thilti tla khawm an philh ver; anna zûmnâk ruangah Aigupta ram lîlâ ah sal tângpitu ding ah ruitu an thîm. Sikhawmsele, nang chu ngaihdamtu Pathian na si le; an lakah vêl na nei hen, na dâwt na, na thinthawk duh loh, Na khuaruatnâk a rokual le, na kaltâk na lo.

NEHEMIAH 9:31

Chu khawm ah khua na ruat nget rih le, na kaltâk hen na veih dep na lo, nang chu Pathian vêlnei leh khuaruat mi na si!

JOB LASUIBU 1:1

Uz ram ah minung pakhat a um le, a min chu Job asi, amah chu Pathian sawnhtu leh mi zumhkâi tak asi. Mi ṭha tak asi le, thilsual lakah â thiamthih.

JOB LASUIBU 1:2

Fapa pasarih leh fanu pathum a nei.

JOB LASUIBU 2:10

Job nih a sâng le, “Nang hi zeikhawm theihlo pet hen thu na sim,” a ti. Pathian nih zei thil ṭha mawh hawng kan pêk chun kan a lâwm, thil sia a hawng tlung liauah kan simsiat kho lai mazei? Hi bang zawng tuar khawmsele Job nih Pathian a simsiat lo thlo.

JOB LASUIBU 23:10

Sikhawmsele, Pathian nih kê ka kâr mi kip hi a theih. Hawng ka nik khawmsele, thenhlimh tak hen hawng ka muh lai.

SAM 103:13

Pa nih a fa tla lakah thinlung a nei hâwi hen, LALPA nih amah zahtu tla lakah thinlung a nei.

SAM 103:8

LALPA chu khua a ruat hen mi a dâwt, a nunfual hen dâwtnâk dawnglo hen a khat.

SAM 116:5

LALPA chu a ṭha hen khua a ruat le; kan Pathian chu zângfahnâk nei mi asi.

SAM 119:132

Nangmah a nan duhtu tla zawzawng sinah na ti hâwi hen ka leiah hawng a her le, khuaruat rawh.

SAM 145:8

LALPA chu dâwttu leh khuaruattu asi, mi nunfual leh dâwtnâk dawnglo hen khat mi asi.

SAM 37:37

Mi ṭha chu zauh le, mirep chu singsiah rawh; Remnâk duhtu nih thlâk a nei,

SAM 51:1

Pathian, na dâwtnâk dawnglo ruangah ka lakah khua ruat. Na khuaruatnâk rokual ruangah ka sualnâk chu nâwt dep!

SAM 78:38

Sikhawmsele Pathian nih a mi le tla tlûnah khua a ruat. An sual a ngaihdam le, a veih na loh. Vei tam tak a thinthawknâk a lêt hen â sûm.

SAM 86:15

Sikhawmsele, LALPA nang lam chu, khuaruat mang leh dâwttu Pathian na si; dawnh kho kumza leh vâlnei leh zumhkâi na si.

SAM 86:5

Nang chu kan lakah na ṭha hen na kan ngaihdam, na sinah thlachamtu chu dâwtnâk dawnglo na pêk.

SAM 94:12

LALPA, na sîntir na mi chu an thaw a suak hen na dân na sîntir mi chu an thaw a suak!

EXODUS 34:6

LALPA chu a kiangah a hawng le, Mosi rangah a kawh, “Kei, LALPA Pathian, lungkham leh siherhnâk nei mi kasi, mi nunfual leh dâwttu rokual zumhkâi kasi.

THUSIMTU 7:8

Zei thil tal a dawmh tir ngâk hen a dawnghnâk a ṭha dauh. Dawnhkhonâk chu khâwngnâk ngâk hen a ṭha dauh.

ISAI 63:7

LALPA dâwtnâk tlawlh dahlo ka sim lai le; Kan rangah thil a ti mi zawzawng ruangah amah chu ka sawr lai. A dâwtnâk leh khuaruatnâk dawnglo ruangah Israel mi tla chu cherkhet hen mal a sâwm na.

ISAI 63:9

Anmah ruangsuah natu chu vânmifial asi lo, amah LALPA tak asi. A dâwtnâk leh a lungkhamnâk ruangah ruang a suah na mi asi. A lân khawm ah a zauhkhenh kumza na le,

LUNGFÂKNÂK 3:22

LALPA dâwtnâk leh khuaruatnâk chu tlawlh dahlo hen a um vima.

DANIAL 9:9

Na lakah hel menza khawmsele, kan lakah khua na ruat hen na kan ngaihdam.

JOEL 2:13

Nan nipuan thlêk cho â tâwk lo, nan thinlung a kuai mi chu nan ngaihsiat zia lang rê seh,” a ti. LALPA nan Pathian sinah hawng kîr u. Anih chu vêlnei leh khuaruatnâk hen khat mi asi. A dawnh kho hen thutiam bir tak hen a kil le; rêp ding tum lo hen ngaihdam ding a tum kumza.

JONA 4:2

Churawhchun, thla a cham le, “LALPA, in thawk hen ka suak lânah chu hâwi hen na ti lai kan ti mi hâwi kha asi taktê lo ma? Hi ruangah asi Spain ram ah tek ding ka tum mi kha. Nang chu mi dâwttu leh khuaruattu Pathian na si ti ka theih, na dawnh kho kumza, vêl na nei kumza, rêplo hen thinlung lêt tum kumza mi na si ti ka theih.

MIKAH 7:18

LALPA, nang hâwi mi pathian dang âukhawm an um lo; a thibang um rih mi sualnâk tla na ngaihdam na, nang chu na thin a thawk kumza lo le, sikhawmsele chu hâwi ngâk hen na lâwm hen zângfah dawnglo na kan muhtir.

NUMBER 14:18

‘Kei, LALPA mi nunfual kasi, mi hel tla lakah zângfahnâk rokual leh sual ngaihdamtu ding hen mi zumhkâi kasi, na ti asi lo ma?’ An nu leh an pa sual ruangah an tu leh an fa tla san thum leh san linâk tiang hen ka rêp na awt ti rawh khawm le;

MATHAI 10:22

Keimah min ruangah mi zawzawng huat nan si lai; sikhawmsele, a dawngh tiang hen tuar huamtu zawng chu, chu tak chu ruangsuah hen a um lai.

LUK 1:50

A ṭihtu tla chu san nûnah san nawlh tiang hen, khua a ruat vima tâwn.

LUK 11:10

Âuzawng a deihtu vial nih chun an tawng tâwn le, âuzawng a hâwltu nih chun an tawng tâwn le, âuzawng a kiktu chu an awng piak awt asi.

LUK 6:36

Nan pa nih mi a zângfah hâwi hen zângfah bâk u.”

ROM 2:4

Asi lo leh, Pathian ṭhatnâk nih rimnâk ding hen a nan ruai na tâwn ti theihlo hen, a ṭhatnâk neih tam zia leh â zauh kho zia leh â dawnhkho zia chu nêp dîk hen ma nan ruat?

EPHESI 2:4

Sikhawmsele, Pathian nih chun zângfahnâk a chawng hen a zângfahnâk fâk tak ruangah khan,

HEBRAI 10:39

Sikhawmsele, kannih lam chu vei ding hen dunglei kîr mi kan silo le, lungnâk nei hen ruangsuak mi kan si dauh.

HEBRAI 3:14

A bul ah lungnâk kan nei mi kha a dawngh tiang hen tleih thlirtu kan si chun Krist tingpitu tla kan hawng si.

HEBRAI 3:6

Krist chu Pathian in ah thuneitu fapa asi hâwi hen zumh a kâi asi, kan lungum mi lakah kan râlṭhatnâk leh kan lungnâk bir tak hen kan tleih thlir chun Pathian in kan si.

JEM 1:12

Niknâk lakah zumhkâi tak hen um kumzatu chu a thaw a suak! Niknak chu a tuar kho tikah chun, nungnâk lallukhuh pêk asi lai; chu chu Pathian nih amah dâwttu tla rangah pêk ding hen a tiamh na mi lâwmman chu asi.

JEM 1:2

Ka unau le tla, nan lakah niknâk zeital hawng um khawmsele, vânṭhatnâk ah ruat u.

1 PETER 1:13

Churawhchun, rianṭuan ding hen nan thinlung ah a tîm u. A ringrâwn ule, Jisu Krist a hawng a langh tikah malsâwmnâk a nan pêk na ding mi lakah nan lungumnâk zawzawng chu ngauh u.

1 PETER 3:14

Thil dik ti ruangah tuartu ding nan si chun nan thaw a suak. Minung tla khawm ṭih lah ule, lungdawng lah u.

2 PETER 2:9

Lalpa nih chun amah sunhsaktu tla chu lêmnâk thawk hen suah na ding leh misual tla chu Lâirêl Ni rang ding ah siah rih ding dân a theih.