JEM 5:1 - Bawm Common Language Bible Version

¹ Chun, tuah nannih mi nei tla, ngâi u! Nan tlûnah hamhnâk a hawng tlung ding mi ruangah chun ṭap ule, râk chiam u!

JEM 5:1 ပူးပေါင်းရင်းမြစ်များ

SAM 17:14

hi bang zawzawng duhtu nungnâk lakah mi hi ruang hawng ka suah rawh. An rangah tuarnâk na khawng piak na mi hen rêp na; an fa le rangah tam tâwk rang ding hen leh an fa le tla fa nawlh rang khawm ah mâk piak na ding hen.

THUFING LASUIBU 11:28

A neihnâk ngauhsantu chu busik pâr ah nah a tlawng mi hâwi hen a um lai le, sikhawmsele mirep lam chu ṭhâlpini thing nah a chawrh mi hâwi asi lai.

THUFING LASUIBU 11:4

Na thih ni ah neihnâk chu zeikhawm asi lo. Sikhawmsele zumhkâinâk nih na nungnâk chu a hum kho.

ISAI 13:6

Nganfâk ruangah râk u! Zeizawng tikho nih siat leh râwknâk a hawng tlungtir awt mi ni LALPA ni chu a nâi rawh.

ISAI 15:3

Tual lâi ah zapi tla nih salâpuan anna aih le; khuapi kulh leh in tlûnah mi zapi tla chu an lungfâk le an ṭap.

JEREMIA 4:8

Churuangah LALPA thinthawknâk fâk tak Juda lakah mi a reh lo ruangah salâpuan aih ule; ṭap leh thinlung fâk hen um u.

JEREMIA 9:23

LALPA nih, “Mifing khawm an finghnâk zumh lah seh, mi chak tla khawm nih an chaknâk zumh lah seh, minei khawm nih an neihnâk zumh lah seh.

EZEKIEL 19:2

Na nu chu chakeibaknei nunau asi! Chakeibaknei mipa râng tak nâwngah a fa tla a châwm.

EZEKIEL 30:2

“Thikho mi minung, kei LALPA Zahkâi nih ka sim mi hi simkan le, phuang rawh. Hi bang thu tla hi sim rawh: Ni ṭihnungkâi a hawng tlung awt!

JOEL 1:11

Nannih phâisen tuahtu tla, ngaihsia tak hen um u. Nannih grep dûm zauhtu tla, wheat leh barley tla, thlâi zawzawng â râwk ver ruangah ṭap u.

JOEL 1:13

Nannih bâwlpu, mâichâm rianṭuantu tla, salâpuan a aih ule, ṭap u. Nan Pathian sinah ap ding hen fâng leh uain a um lo rawh.

JOEL 1:5

Nannih zurî tla leh uain rî tla, meng ule, ṭap hen âu u; uain thar suahtu ding grep chu a râwk rawh.

MIKAH 6:12

Nan minei tla nih mipâm tla an mang na le, nan ektê hen mi âwkrâwl ver nan si.

ZEPHANIAH 1:18

LALPA nih a thinthawknâk a hawng langhtir ni ah chun, an tangka leh ngûn tla nih a hum kho na ding asi lo. Tual pumpi chu a thinthawknâk mei nih a râwk lai. Tual tlûnah um mi zawzawng lakah dawngh sawmnâk a hawng tlungtir lai.

DEUTERONOMY 32:15

“LALPA mi tla chu an nei dadauh le, sikhawmsele hel mang an si; An bit hen an khawp asi. An Siamtu Pathian chu an kaltâk le, an Ruangsuahtu chak chu an duh lo.

JEM 1:11

Nî chu a suak le, a linhnâk nih chun chawmpâr chu a uaitir le, a pâr chu a tlawng le, a dawhnâk chu a vei rawh; chu hâwi ber hen minei chu a rianṭuan ah a vei lai.

JEM 2:6

Nannih lam nih chun mi ngâkṭah chu nan mualphotir dauh le, mi nei tla chu an nehsawh natu leh lâirêlnâk ah an nûk natu an silo ma?

JEM 4:13

Tuah ngâinik u, ‘Tusûn ah mawh thâi ah mawh, zei khuapi ah mawh kan va kal lai le, chunah chun kum khat kan va râu lai le, tangka cherkhet tawng ding hen saw kan va leh lai,” titu tla,

JEM 4:9

ngaihsia u, râk u, ṭap u, nan nihnâk chu ṭapnâk ah a chang seh, nan lâwptlonâk chu zûrnâk ah a chang seh.