JEM 4:9 - Bawm Common Language Bible Version

⁹ ngaihsia u, râk u, ṭap u, nan nihnâk chu ṭapnâk ah a chang seh, nan lâwptlonâk chu zûrnâk ah a chang seh.

JEM 4:9 ပူးပေါင်းရင်းမြစ်များ

NEHEMIAH 8:9

Zapi tla nih dân a herh zia an theih rawh chun an thinlung a purh le, an ṭap rawh; Churawhchun, Nehemiah lâirêltu, Dân theihtu Ezra, bâwlpu leh Dân theihtu leh Levi tla Dân simhfiangtu tla nih zapi minung tla chu, “Tusûn hi LALPA nan Pathian lakah ni thenhlimh asi, lungfâk hen nan ṭap ding asi loh.

JOB LASUIBU 30:31

Tuah lungfâknâk leh ṭapnâk lâwng ka theih mi hi, lâwmnâk rihâu zei tikah ka theih nawlh lai aw!

SAM 119:136

Tî a luang mi hâwi hen ka mitthli a zut le, mi nih na dân an zûl duh lo ruangah.

SAM 119:67

Na ka rêp lânah, thil diklo leiah ka kal le, tu lam chun na thu ka ngâi.

SAM 119:71

Rêp hen ka um mi kei rangah chun a ṭha, na dân thu zûl ding hen lungfiang a ka suah ruangah.

THUFING LASUIBU 14:13

Nihnâk lakah a thup hen ngaihsiatnâk a um kho. Lâwmhnâk a vei rawh chun, ngaihsiatnâk a um kumza.

THUSIMTU 2:2

Nih khawm hi mi âtkâi tak asi, nuamchênnâk khawm nih an ṭhattir lo ti ka theih.

JEREMIA 31:13

Churawhchun, nungâk tla chu lâwm hen an lâm lai le, upa, ngâksia leh tar anna lâwm lai. Annih tla chu thla ka ngamh na lai le, an ngaihsiatnâk chu lâwmnâk ah ka changtir lai le, an thinlung fâknâk chu lâwmnâk ah ka changtir lai.

JEREMIA 31:9

Ka mi tla chu ṭap bû leh thlacham bû hen ka kîrpi na lai. Tinungva leiah suih bah umlonâk lam tluang ah ka kalpi na lai. Israel tla lakah chun pa hâwi kasi le, Efraim lam chu ka fa upachem asi,” a ti.

LUNGFÂKNÂK 5:15

Kan lakah mi lâwmnâk a vei ving rawh; kan lâmnâk chu ngaihsiatnâk lam asi rawh.

EZEKIEL 16:63

Thilsual na ti mi zawzawng ka nan ngaihdam lai le, sikhawmsele nang khawm nih na theihkumza na lai le, na ningzak tuk ruangah hawlh khawm na hawlh lai lo,” a ti. LALPA Zahkâi nih a sim asi.

EZEKIEL 7:16

A zeimaw mi chu tivakuam ah mi vaṭhu tla an lâu mi hâwi hen tlâng leiah an tek lai. An ektê hen anmah sual ruangah an rûm lai.

MATHAI 21:41

Annih nih chun a sinah, “Chubang misual tla chu hamh tak hen a tlâutir na lai le, grep dûm bultu dang, a kawih tik kip ah a rah tla chu a sinah pêk vimatu ding tla sinah a thlawh a lawh ding hen a pêk na lai,” an ti.

MATHAI 5:4

“Ngaihsia tla chu an thaw a suak, Pathian thlangamh hen an um awt ruangah!

LUK 16:25

“Sikhawmsele, Abraham nih, ‘Ka fapa, nangnih na dam liau khan thil ṭha na ting le, chu hâwi ber hen Lazar nih thil ṭhalo â ting mi kha theih rawh; sikhawmsele, tuah anih chu hinah lungngam tak hen a um le, nang lam chu na hamh makha.

LUK 6:21

“Nannih tu ah sungvâng tla, nan thaw a suak, nan khim awt ruangah! “Nannih ṭap le tla, nan thaw a suak, nan ni awt ruangah!

LUK 6:25

“Nannih tuah khim mi tla, nan tlûn a pit! Nan sung a vâng awt ruangah. “Nannih tuah nih-le-khêk mi le tla, nan tlûn a pit! Ngaihsia hen nan ṭap awt ruangah.