JEM 4:8 - Bawm Common Language Bible Version

⁸ Pathian naih u, chun anih nih a nan naih na lai. Misual tla, nan kut tla ṭâwl u, mi perpê tla, nan thinlung thenhlimhtir u,

JEM 4:8 ပူးပေါင်းရင်းမြစ်များ

GENESIS 18:23

Abraham nih LALPA a fûk le, a deih, “Sual nei lo tla chu misual tla lakah na veih sih awt mazei?

1 CHRONICLES 28:9

Churawhchun, Solomon sinah, “Ka fapa, na pa Pathian chu thinlung lungkhat leh duhnâk nei hen a rianṭuan ding hen kan simh asi. Anih nih kan thinlung dawn leh kan duh mi zawzawng a theih hep. A sinah na kal chun a nan pawm lai. Sikhawmsele na hertâk chun a nan kaltâk pawt lai.

2 CHRONICLES 15:2

a sinah, “Lalchem Asa, nang leh Juda leh Benjamin mi zawzawng nih ka thu ngâi u, a lakah nan um kar zawng chu nan sinah LALPA a um. Amah nan hâwl chun nan tawng lai le, sikhawmsele nan her tâk chun anih khawm nih an kaltâk na lai.

JOB LASUIBU 16:17

Ka kut hen zângran hen zei thil khawm ka sual lo, Pathian sinah zumhkâi tak hen thla ka cham.

JOB LASUIBU 17:9

Mi zahkâi hen anna ruat mi tla chu, an dik hen anna ruat dadauh.

JOB LASUIBU 9:30

Zei sabung khawm nih ka sual chu a thiangtir kho lai lo.

SAM 119:113

Na lakah zumhkâilo tla chu ka hua na. Sikhawmsele kei lam nih chun na dân ka duh.

SAM 145:18

Amah kawhtu tla sinah nâi tek hen a um, zumhkâi tak hen amah kawhtu tla chu.

SAM 18:20

Thil dik ka ti ruangah LALPA nih lâwmman a ka pêk; mawhnâk ka nei lo ruangah mal hawng ka sâwm.

SAM 24:4

A thilti leh a dawnruatnâk thenhlimh mi, ruk mâimâk lotu leh âwkrâwl hen thutiamh mang lo mi chu;

SAM 26:6

Ka sual lo ti theihnâk ah ka kut ka ṭâwl le, a nan sawnh ding hen na mâichâm kiangah ka kal.

SAM 51:10

Pathian, ka lakah thinlung thenhlimh siam le, thlarau dik leh thar ka lakah siah.

SAM 73:13

Asi chun, thenhlimh tak hen kilkâwi mi leh sualnâk ka ti lo mi hi zeikhawm asi lo bei ne?

SAM 73:28

Kei lam chu, na kiangah um hi thungâi chê ka ti le, LALPA, Chungnungchem zauhkhenhnâk ting ding leh a thilti phuang ding hen.

ISAI 13:15

Tleih hen an um mi tla chu thi thlo hen sunh an si lai.

ISAI 29:13

LALPA nih, “Hi minung tla nih hin sawnh ding an ka tum le, sikhawmsele an thu chu zeikhawm asi lo le, an thinlung khawm kâng dang ving asi. An phung mang dân chu zeikhawm asi lo, minung dân leh anmah pipu dân an theih salam mi cho asi.

ISAI 58:2

Nisiar hen ka umdân theih ding leh ka dân tla zûl ding duh hen an sim le, an hawng ka sawnh. Dân dik tak pêk na ding an ka duh mi leh an hawng ka sawnh mi lakah nuam an ti mi thu an sim,” a ti.

JEREMIA 4:11

Ramkaro thawk hen thli lum anmah leikângah a hawng râng ding mi thu Jerusalem mi tla simh ding tik chu a tlung rawh. Fahî tla cho ranh ding mi thli salam asi awtlo.

JEREMIA 4:14

Jerusalem, na thinlung ah mi sualnâk chu ṭâwl rawh, na him khonâk ding hen. Zei tiang riamruam me sualnâk na dawn awt?

LUNGFÂKNÂK 3:57

Na ka sâng le, ṭih lo ding hen na ka simh.

EZEKIEL 18:31

Thilsual nan ti mi zawzawng lêt hep ule, dawnnâk leh thinlung thar a neih u. Israe1 mi tla, zei rangah thi ding nan duh êu?

ZEKARIA 1:3

Sikhawmsele tuah ka nan ti na, ‘Ka sinah hawng kîr ule, kei khawm nan sinah ka hawng kîr lai.

MALAKI 3:7

Nannih tla hi nanmah lânah an thlâk natu tla hâwi hen ka dân nan kaltâk hen nan zûl lo, ka leiah hawng a hawi ule, Kei khawm nanmah leiah Ka hawng hawi lai. Sikhawmsele nannih nih, Nangmah lei hawng a hawi ding hen zei kan ti awt? ‘ nan ti le,

MATHAI 12:33

“Thing chu a ṭha, a rah khawm a ṭha nan ti lo dâidua chun, thing chu a sia, a rah khawm a sia ti dâidua u; thing chu a rah lakah â theih ruangah.

MATHAI 15:2

“Zei rangah me na ṭhiruai tla nih thlâktu thurovuih chu an buar tâwn? Sang an ei chun an kut an ṭâwl lo,” an ti.

MATHAI 27:24

Chun, Pilat nih zeitin khawm a ti kho lo le, a nawk awt da dauh ti a theih le, tî a lâk le, mi zapi mâika ah chun a kut a ṭâwl le, “Hi mirep thahnâk lakah hin ka thiang; nannih nih nanmah ti hen va ti u,” a ti.

THILTI 15:9

Chun, kannih leh annih thliar leh dang lo hen an lungnâk hen an sual a ngaihdam na.

2 KORIN 7:1

Chun, duhtak le tla, chubang thutiam chu kan nei ruangah taksa leh thlarau nâwmnâk zawzawng lakah kanna thiangtir lai, Pathian ṭih bû hen thenhlimhnâk rangtlingtir hen.

1 TIMOTHE 2:8

Chun, mipa tla nih munkip ah kut thenhlimh phar hen thinrun lo leh a êl lo hen thlacham ule ka duh asi;

HEBRAI 10:22

Kan thinlung ah sia leh ṭha theihnâk sual thiang rawh hen, kan taksa tla tî fîm lakah ṭâwl hen lungnâk rangtling nei hen, thinlung tak put hen Pathian kan naih lai.

HEBRAI 7:19

Dân thu nih chun zeikhawm a rangtlingtir lo dangâiah. Lungumnâk ṭha dauh, Pathian kan naih tâwnnâk hi lûtpi hen a hawng um sek lehlam.

JEM 1:8

thinlung reprâi nei lo hen thil a tinâk zawng ah bir lo mi asi ruangah.

JEM 3:17

Sikhawmsele, tlûnlei thawk hen a hawng suak mi finghnâk lam chu, a masa chem hen a thenhlimh le, chu nûnah chun remnâk a duh, a nunnêm le, a kawmh a nuam le, zângfahnâk leh thil ṭha ti hen a khat le, thlei bîk a nei lo le, a perpê lo asi.

1 PETER 1:22

Unau tla hen a zângfah tawnh tatak ding hen, thudik zâwt hen nanna thenhlimhtir ruangah thinlung ah semsêngâi tak hen a dâwt tawnh u.

1 PETER 3:21

chu chu baptisma zauhtirnâk asi. Baptisma chu taksa lakah mi nâwmtâm thianhnâk chu asi loh, sia leh ṭha theihnâk hen Pathian lakah thutiam asi dauh. Chu nih chun tuah Jisu Krist thawknawlhnâk zârah ruang a nan suah na asi.

1 JOHAN 3:3

Âuzawng Jisu Krist ah lungnâk nei mi vial nih amah â thenhlimh hâwi hen a thenhlimhtir tâwn.

1 SAMUEL 14:35

Saul nih LALPA rangah mâichâm a siam le, chu chu a mâichâm siam masa chem asi.