JEM 4:6 - Bawm Common Language Bible Version

⁶ Sikhawmsele, zângfahnâk tam khun Pathian nih a pêk tâwn, churuangah Pathian lasui thu nih, “Pathian nih mi â zûm mi tla a do le, â nâutir mi chu zângfahnâk a pêk,” a ti asi.

JEM 4:6 ပူးပေါင်းရင်းမြစ်များ

2 CHRONICLES 32:26

A nehnûn chun Hezekiah leh Jerusalem mi tla chu thinlung nâutak hen an um ruangah Hezekiah thih tiang hen rêpnâk an tlûnah a tlungtir lo.

2 CHRONICLES 33:12

Chu a tuarnâk ruangah chun thinlung ah nâunâk a nei le, LALPA Pathian lei hâwi hen a sinah ṭangpi a ngiar.

2 CHRONICLES 33:19

Lal thlachamnâk leh Pathian nih a sângnâk, a rim lânah thilsual a ti mi tla, lunglo pathiannu Aserah lem leh a sâwnhnâk mun siam mi tla zawzawng chu khuavâng thâwngthâng rînnâk bu ah rîn asi.

2 CHRONICLES 33:23

Sikhawmsele, a pa hâwi hen nâu tak hen LALPA leiah a kîr duh loh, a pa ngâk hen a sual zia a zual dauh.

2 CHRONICLES 34:27

Jerusalem leh a mi tla rêp ding hen thihnâk thu na theih rawh chun na nipuan thlêk hen leh ṭap hen ka mâika ah nâu tak hen na rim.

JOB LASUIBU 22:29

Pathian nih mi â zûm mi chu a niamh le, thinlung nâu mi tla chu ruang a suah na.

SAM 138:6

Na umnâk chu sâng ngâi khawmsele, nâutâ tla chu na zauhkhenh le, mi zûm tla chu na lakah mi anna thup kho lai lo.

SAM 9:12

Tuartu tla chu Pathian nih a theih; an âu hâu chu a philh lo le, chun, thil diklo titu tla chu a rêp na.

EXODUS 18:11

Tu chun LALPA chu pathian zawzawng tla ngâk hen a rokual dauh ti ka theih rawh. Aigupta mi tla nih Israel tla zauhnawmh hen an nehsawh na mi lakah hi hâwi hen thil a ti ruangah,” a ti.

THUFING LASUIBU 15:33

LALPA zah chu thiamnâk asi. Mi chawnglawmh hen na um lânah nâu tak hen na um ding asi.

THUFING LASUIBU 18:12

Mi â nautir lo chun âukhawm nih an zah lo. Siat leh râwk ding hen mi â zûm mi chu chu lampi ah an kal.

THUFING LASUIBU 22:4

LALPA lakah ê-aw ngâi le, nâu tak hen um rawh. Neih-le-siah hen zahkâi tak hen na um lai le, na san a sâu lai.

THUFING LASUIBU 29:23

Zauhnawmh mang chu mah niamtirtu asi. Sikhawmsele, na nâutir chun, mi zah hen na um lai.

THUFING LASUIBU 3:34

Mi perpê chu a mang na lo le, sikhawmsele, mi â nâutir mi tla chu a sunhsaknâk a langh.

ISAI 2:17

Minung khâwngnâk tla chu a dawng lai le, minung zumhnâk tla chu veih asi lai rawh. Milem tla chu veih phin asi lai le, LALPA amah cho chu, chu ni ah chungnungtir hen a um lai.

ISAI 54:7

“Sâwtlotê kar chu ka nan mâk le; dâwtnâk fâk tak hen ka nan lâk nawlh lai.

ISAI 57:15

“Kei chu Pathian thenhlimh leh sâng tak um kumza mi chu kasi. Mun sâng leh mun thenhlimh ah ka um le, sikhawmsele an lungnâk leh lungumnâk ka neitir nawlh kho na ding hen mi â nautir mi leh sual rim mi sinah khawm ka um ber.

DANIAL 4:37

“Tu chun, kei Nebukadnezar nih Vân Lalchem chu ka sawr hen ka zah hen ka chawnglawmh rawh. Thil a ti mi zawng chu a dik hen a rep, zûm tak hen thil titu tla chu âuzawng a nâutir kho,” a ti.

MATHAI 13:12

Âuzawng a neitu chu an pêk sap lai le, an nei thlo lai; sikhawmsele, âuzawng a neilotu chu a neihlem mi khawm lâk piak asi lai.

MATHAI 23:12

Âuzawng â sung-û tir mi vial an nâu lai le, âuzawng â nâutir mi vial chawnglawmh hen an um lai.

LUK 1:52

An laltophah thawk hen lal tla chu a thlâk na le, nâutâ tla chu a sangh na rawh.

LUK 14:11

 sung-û tir mi zawng an nâu lai le, â nâutir mi chu chawnglawmh hen an um lai,” an sinah a ti.

LUK 18:14

Ka nan simh na, a masa ngâk hen chu minung chu mawh lo dauh hen a in ah a lâwi rawh. A sung-û tir mi zawng an nâu lai le, â nâutir mi chu chawnglawmh hen an um lai,” a ti.

JEM 4:10

Lalpa mitmuh ah a nâutir u, chun a nan chawnglawmh na lai.

1 PETER 5:5

Chu hâwi ber hen, nannih seino tla, upa tla thu ngâi u. Nan ektê hen rian a ṭuan piak tawnh ule, thinlung nâunâk hen a thuam u. Pathian nih mizûm tla a do le, â nâutir mi tla lam chu zângfahnâk a pêk tâwn ruangah.

1 SAMUEL 2:3

Na puarsanhnâk kha bâng le, puar thâu tak hen thu na sim mi khawm bâng rawh. LALPA chu mi zawzawng thilti lakah lâirêltu leh theihtu Pathian asi ruangah.