JEM 4:5 - Bawm Common Language Bible Version

⁵ Asi lo leh, Thlarau kanmah lakah a um chun thîk rê hen hawng kan duh asi ti hi, Pathian lasui thu nih sim salam hen ma nan ruat?

JEM 4:5 ပူးပေါင်းရင်းမြစ်များ

GENESIS 26:14

Dawrâ rual tla leh ranrual tla leh to-aw tla tam tak a nei ruangah Philistia mi nih amah chu an nahsuah rawh.

GENESIS 30:1

Jakob rangah Rakel nih fa a ring piak lo. Churawhchun, a unu rangah a nahsuah le, Jakob sinah, “Fa hawng ka pêk, chu hâwi asi lo chun ka thi ving awt,” a ti.

GENESIS 37:11

Josef chu a unau tla nih thungâi an nahsuah le, a pa lam nih chun zei zia me asi aw ti hen a thinlung ah a kil ziar.

GENESIS 38:9

Sikhawmsele, Onan nih chun fa nei khawmsele kei fa ding asi lêm lo a ti le, a ihpi kip ah anna pâwl mi thisen chu lênglei ah a zut tir vima, a unaupa rangah chi a thlâk kho lonâk ding hen.

GENESIS 6:5

LALPA nih tual ah mikip zeiliau zawng ah an sual zia leh an thinlung dawn a ṭhat lo zia a muh le,

GENESIS 8:21

Bâwlnâk rim nih LALPA chu a lawmhtir le, a thinlung hen, “Minung chu an thilti leh an ngâksiatê thawk hen an thinlung dawn a sual zia ka theih mi asi ruangah tual chu siat ka barh lai lo rawh. Tutan ah ka ti mi hâwi hen zeiliau khawm ah thil nung zawzawng tla ka veih lai lo rawh.

SAM 106:16

Chu ramkaro ah chun LALPA to-aw thenhlimh Mosi leh Aron chu an nahsuah na.

SAM 37:1

Misual ruangah na lawksawngtir lah; diklo tak hen thil titu khawm ngarh lah.

THUFING LASUIBU 21:10

Misual tla nih thilsual ti an duh kumza, âu tlûn khawm ah khua an ruat lo.

THUSIMTU 4:4

Zei rangah dingchangnâk ding hen mi nih titi hamh hen rian an ṭuan ti ka ruat fâwn; an zâwlbâwm tla thil an ngarh na ruangah asi. Sikhawmsele zeikhawm asi lêm lo, thli ṭhâwl mi hâwi asi.

ISAI 11:13

Israel lalram chu Juda nih a nahsuah lai lo rawh le, Juda khawm Israel mêlma asi lai lo rawh.

NUMBER 11:29

Mosi nih a sâng le, “Ka duh mi hi na duhzia ma? LALPA nih hi mi zapi tla hi khuavâng hâwi hen âu ding hen a thlarau pêk chiau na sele ka duh asi,” a ti.

NUMBER 23:19

Pathian chu minung hâwi hen âwkrâwl thusim mi asi lo; Minung hâwi hen thinlung dang lemang mi asi lo. Thu a tiamh rawh mi chu a ti vima; A sim mi chu a ti ngelchel.

JOHAN 10:35

Pathian lasui thu nih a sim mi chu zungzâl rangah a dik asi ti kan theih; chun Pathian thupêk hen an um mi tla chu Pathian nih pathian tla a ti na.

JOHAN 19:37

Chun, Pathian lasui thudang nih, “An sunhnâk chu an zauh lai,” a ti nawlh.

JOHAN 7:42

Mesia chu David thlâk lakah, David umnâk khua Bethlehem ah a suak ding asi ti Pathian lasui thu nih a sim lo mazei?” an ti.

THILTI 7:9

“Chun, chi thlâktu tla nih khan Josef an nahsuah le, Aigupta ram leiah an zuar. Sikhawmsele, Pathian chu a sinah a um.

ROM 1:29

Chun, replonâk zawzawng, sualnâk zawzawng tla, hamkahnâk zawzawng tla, ṭhatlonâk zawzawng hen an khat le, nahsuahnâk tla, mi thahnâk tla, tawhnâk tla, perpetnâk tla, nunchan ṭhalonâk tla hen an khat.

ROM 9:17

Pathian lasui thu nih Pharoa sinah chun, “Hi ruang hin ka nan dirh le, nangmah lakah chun ka thiltikhonâk ka zauhtir khonâk ding hen leh laikulh zawzawngah ka min a thang khonâk ding hen,” a ti asi.

1 KORIN 6:19

Asi chun, nan taksa chu nan sungah um Pathian sinah mi nan tawng mi Thlarau Thenhlimh in asi ti nan theih lo masi? Mah tâ khawm nan si lo le, man hen châwk nan si rawh asi.

2 KORIN 6:16

Pathian Biakin leh ruk khawm nih zei me remnâk an nei? Kannih lam chu Pathian nung Biakin kan si; Pathian nih, “Anmah lakah ka um lai le, anmah lakah ka tâwi ber lai; chun, an Pathian kasi lai le, annih khawm ka mi tla an si lai,” a ti hâwi khan.

GALATIA 3:8

Chun, Pathian lasui thu nih chun Pathian nih lungnâk ruangah Phundang tla a mawhtir na awtlo ti theihkan hen, “Na lakah phun kip malsâwm piak hen an um lai,” ti hen Abraham sinah Thâwngthâng Ṭha chu a simhkan kha.

TITA 3:3

Kannih khawm a lânah â tak leh ê-aw ngâilo leh perpet mi leh, duhnâk leh lawmhnâk kip leikângah pial mi leh sual leh nahsuah mang hen um mi leh fihnungkâi leh a huat tawnh mi tla kan si ruangah.