JEM 4:3 - Bawm Common Language Bible Version

³ Chun, nan deih le, nan deih diklo ruangah nan tawng lo, mah nuamsabut rangah mang ding hen nan awt.

JEM 4:3 ပူးပေါင်းရင်းမြစ်များ

1 Lal 3:11

churuangah chun a sinah, “Na rangah san sâunâk mawh neihnâk mawh, na mêlma tla rangah thihnâk mawh deih lo hen, dik tak hen lâirêl khonâk finghnâk na ka deih ruangah,

JOB LASUIBU 35:12

Ṭangpitu ding ah Pathian an auh le, mi zûm leh misual an si ruangah Pathian nih a sâng na lo.

SAM 18:41

Ṭangpitu an auh le, âukhawm nih an hum na lo; LALPA an auh le, sikhawmsele a sâng na lo.

THUFING LASUIBU 1:28

Chu tikah finghnâk na auh lai le, sikhawmsele kei nih kan sâng ding asi lo. Mun kip ah hawng ka hâwl khawm le, na ka tawng ding asi lo.

THUFING LASUIBU 15:8

Mi ṭha thlachamnâk ah LALPA â lâwm le, sikhawmsele misual tla nih bâwlnâk an hawng put mi chu a hua.

THUFING LASUIBU 21:13

Mipâm tla ṭap hâu ngâi ding na duh lo mi asi chun, na âu hâu mi âukhawm nih an ngâi piak lai lo.

THUFING LASUIBU 21:27

Misual nih thilsual an tinâk ah mi mang hen bâwlnâk an pêk mi chu LALPA nih a hua.

JEREMIA 11:11

Churuang chun, tuah, Kei, LALPA nih, an lakah siatnâk ka tlungtir awt mi ka simhkan na le, an âwl rîlmâl lai lo. Ka sinah ṭangpi hawng ngiar na khawmsele, ka ngâi piak na ding asi lo.

JEREMIA 11:14

Jeremia, hi bang minung tla ruangah hin ka sinah thlacham hen hawng ka ngiar lah. An lawksawng ni ah ṭangpi hawng ka ngiar na khawmsele ka ngâi piak na awtlo,” a ti.

JEREMIA 14:12

Buh ngei na menza khawmsele, ṭangpi deih hen an âu mi ka ngâi piak na awtlo; duahphung thil ap leh fâng thil ap ka sinah hawng ap na khawmsele, an lakah ka lâwm awtlo. Chu ngâk chun, râltuknâk leh sungvângnâk leh râi hen ka thah na awt,” a ti.

MIKAH 3:4

LALPA nan auh ding mi tik a tlung awt, sikhawmsele a nan sâng na lai lo. Thilsual nan ti ruangah nan thlachamnâk khawm an sâng na lai lo.

ZEKARIA 7:13

An sinah thu ka sim mi an ngâilo ruangah thla an cham mi khawm ka ngâilo.

MATHAI 20:22

Jisu nih, “Nan deih mi chu nan theih lo asi. Ka hâi din ding mi chu nan din kho lai mazei,” a ti le, a sâng. Annih nih a sinah, “Ti kho e,” an ti.

MARK 10:38

Jisu lam nih chun, an sinah, “Nan deih mi chu nan theih lo asi. Ka hâi din ding mi chu nan din kho mazei? Baptis ka sinâk ah khawm nanna baptis kho mazei?” a ti.

LUK 11:10

Âuzawng a deihtu vial nih chun an tawng tâwn le, âuzawng a hâwltu nih chun an tawng tâwn le, âuzawng a kiktu chu an awng piak awt asi.

LUK 15:13

Chun, ni sâwtlotê ah â fapa a ngâksia dauh mi nih chun a tingvo a khawmh hep le, ram lât takah a kal. Chunah chun nuam tuktarâi hen a um le, a sum chu a veih salam rawh.

LUK 15:30

Sikhawmsele, hi na fapa â zuar mi nunau sinah na sum veih heptu hi a hawng kâ hen amah rangah chawpê fa bit tak kha na va thah piak rih,’ a ti le, a sâng.

JEM 4:1

Nan lakah donâk leh elnâk tla hi a zei thawk hen a hawng suak mi me si? Nan taksa ṭeng lakah donâk siam tâwntu chu nan duhnâk thawk hen a hawng suak mi si lo mazei?

1 JOHAN 3:22

Chun, a thupêk tla kan zûl le, a mitmuh ah thil lawmhkâi kan ti tâwn ruangah, kan ngiar mi zawng kan tawng tâwn.

1 JOHAN 5:14

Hi hi Pathian lakah kan râlṭhatnâk chu asi, zeizawng amah duhzia hâwi hen kan deih chun anih nih a hawng kan ngâi piak lai ti kan theih.