JEM 4:12 - Bawm Common Language Bible Version

¹² Dân pêktu leh lâirêltu chu Pathian pakhat cho asi. Amah cho nih ruang a suah kho hen, râwk khawm a râwk kho asi. Na unau tla lâirêl piaktu ding hen âu me na rêl?

JEM 4:12 ပူးပေါင်းရင်းမြစ်များ

JOB LASUIBU 38:2

Na theihlonâk leh thu salam hen ka finghnâk hawng ka deihtu ding mi chu âume na si?

ISAI 33:22

Chubang meilawng tla lakah ri rêngnâk tung chu zeikhawm asi lai lo; a zawhtu tla khawm nih puanzâr an pharh kho lai lo! Mêlma kawrsen neihnâk zawzawng chu kan tleih lai le, a tam dân chu mi khêng tla men nih tingvo an nei kho lai. LALPA amah tak chu kan lalchem asi lai le; kan tlûnah lâi a rêl lai le, hawng kan hum lai,

MATHAI 10:28

Chun, taksa thah kho hen thlarau thah kholotu tla chu ṭih lah u; Gehena ah thlarau leh taksa veih khotu lam chu ṭih lehlam u.

LUK 12:5

Sikhawmsele, nan ṭih ding mi chu âu me si ka nan simh na lai; thah nûn khawm ah Gehena ah lawnh khonâk thuneitu Pathian chu ṭih u; asi, ka nan simh na, amah tak chu ṭih u.

ROM 14:13

Churuangah, kanna sâwi lai lo rawh. Chu ngâk chun, âukhawm nih mah unau khamnâk mawh tlûknâk mawh siam lo a tum dauh u.

ROM 14:4

Midang to-aw simsâwitu chu âu me na si? A dîr leh a tlûk chu amah hotu rang asi. Sikhawmsele, anih khawm dîrtir hen a um lai, Lalpa nih chun a dîrtir kho asi.

ROM 2:1

Churuangah, ka hâwi tla, midang tla tlûnah lâi nan rêl mu? Mi âutal si khawm ule, ngaihdamnâk rerêng nan nei lo. Midang lâi nan rêl liauah chu hâwi thil an ti mi tla hâwi nan ti bâk tâwn ruangah nanmah leh nanmah nanna mawhtir asi.

ROM 9:20

Asi, sikhawmsele, aw minung, Pathian êltu chu âu me na si le? Thilsiam nih chun a siamtu sinah, ‘Zei rangah me hi hâwi hen na hawng ka siam?” a ti lai ma?

HEBRAI 7:25

Chun, amah lakah Pathian sinah hawng kal mi tla chu a dawngh tiang hen ruang a suah kho asi, anmah tla rangah thlacham piak hen zungzâl hen a nung kumza ruangah.

JEM 5:9

Unau tla, Pathian nih lâi an rêl piak na lo ding hen pakhat leh pakhat a sâwi tawnh lah u. Lâirêltu chu a nâi le, hawng kal ding hen tîm chia hen a um.

1 SAMUEL 25:10

Nabal nih a nehnûnah a sâng le, “David chu âu mesi? Chu minung chu ka theih dah loh! Tu liauah ram lakah sal a tek mi thungâi an tam.