JEM 4:1 - Bawm Common Language Bible Version

¹ Nan lakah donâk leh elnâk tla hi a zei thawk hen a hawng suak mi me si? Nan taksa ṭeng lakah donâk siam tâwntu chu nan duhnâk thawk hen a hawng suak mi si lo mazei?

JEM 4:1 ပူးပေါင်းရင်းမြစ်များ

JEREMIA 17:9

“Âunih minung thinlung theih kho? Chu tluk hen perpet mang thil dang zeikhawm a um lo; damh ding hen a zual tuk rawh.

MATHAI 15:19

Thinlung ah hin dawnnâk sual tla, mi thahnâk tla, ṭângdang pawmnâk, duhnâk, fîrnâk, phiarnâk, simsiatnâk tla a hawng suak tâwn.

JOHAN 8:44

Nannih chu nan pa diabol sin thawk hen suak nan si le, nan pa duhzia ti nan duh. Anih chu a tîr thawk hen mi thahtu asi, thutak ah a um lo, a sung ah thutak a um lo ruangah. Âwkrâwl thu a sim chun amah lakah mi a sim tâwn; mi âwkrâwl asi, âwkrâwlpa khawm asi.

ROM 7:23

Sikhawmsele, ka taksa ṭeng tla lakah hin dân dang a um ti ka theih, chu nih chun ka thinlung dân a do le, ka taksa ṭeng tla lakah sualnâk dân a um mi sinah chun sal ah hawng ka ruai tâwn.

ROM 7:5

Taksa ah kan um liau khan Dân ruangah duhnâk sual a hawng suak mi tla nih chun, kan taksa ṭeng tla ah thihnâk rê a rah ding hen a ṭuan tâwn.

ROM 8:7

Taksa duhkâng chu Pathian donâk asi ruangah chu chu Pathian Dân hen a um lo le, um khawm a um kho lo asi.

GALATIA 5:17

“Taksa nih hin Thlarau lei donâk a duh tâwn, Thlarau khawm nih taksa lei donâk a duh tâwn; thilti nan tum mi tla chu nan ti kho lonâk ding hen chubang tla chu â kalh asi.

KOLOSA 3:5

Chun, nan taksa ṭeng tual a um tla hi thah u, duhnâk, nâwmtâmnâk, hurnâk, duhnâk sual, duhlei hamkah tla hi, hamkahnâk hi ruksawnhnâk asi;

2 TIMOTHE 2:23

Sikhawmsele, donâk tla a ring tâwn ti theih hen, elnâk âtkâi leh fing lo lakah chun tel ding duh lah.

TITA 3:3

Kannih khawm a lânah â tak leh ê-aw ngâilo leh perpet mi leh, duhnâk leh lawmhnâk kip leikângah pial mi leh sual leh nahsuah mang hen um mi leh fihnungkâi leh a huat tawnh mi tla kan si ruangah.

TITA 3:9

Sikhawmsele deihnâk âtkâi tla, thlâktu tla thu zâwt tla, êlnâk tla, dân thu ruangah a sualnâk tla chu hertâk vima rawh; chubang tla chu zeikhawm ṭhavak lo leh zeikhawm silo ruangah.

JEM 1:14

Mi kip mah duhnâk sual ah kuaih leh khih hen an um chun, lêmnâk an tawng mi asi dauh.

JEM 4:3

Chun, nan deih le, nan deih diklo ruangah nan tawng lo, mah nuamsabut rangah mang ding hen nan awt.

1 PETER 1:14

Pathian lakah ê-aw ngâi u, nan ât liauah duhnâk nan nei mi hâwi a um ding hen nan nungnâk tla chu siang lah u.

1 PETER 2:11

Duhtak le tla, khual leh khualtlâwng mi nan si ruangah thlarau do tâwntu taksa duhnâk tla bângtâk ding hen ka nan ngiar na asi.

2 PETER 2:18

Diklonâk ah an um mi tla thawk hen an suak rawh mi tla chu tlûktir na ding hen taksa duhnâk sual leh hurnâk an mang tâwn.

2 PETER 3:3

Hi hi a masa hen theih ule, ni dawnghlei ah chun, anmah duhnâk hâwi vima a um hen, mi mah kawngkâ cho ruattu tla an hawng um lai.