JEM 3:8 - Bawm Common Language Bible Version

⁸ Sikhawmsele, lei hi âukhawm nih an vêng kho lo asi, thihnâk tûr hen khat, sual vêng kho lo mi chu asi,

JEM 3:8 ပူးပေါင်းရင်းမြစ်များ

SAM 140:3

An lei chu rûl a thi mi hâwi an si. An thu chu sawkmuk tûr hâwi asi.

SAM 55:21

A thu chu chawpê nûk thâu ngâk hen a tlawr, sikhawmsele a thinlung ah huatnâk a um, a thu chu sariak hâwi hen a nâl, khawmsele nâm hâr hâwi hen mi a tuk.

SAM 57:4

Minung eitu chakeibaknei hâwi si mi tla nih an ka kulh. An hâ chu fei leh thalzum hâwi asi; an lei tla chu nâmsâu a hâr mi hâwi asi.

SAM 58:4

Rûl hâwi hen tûr hen an khat. Sawkmuk nasêt hâwi hen an nâ ah theih ding an duh lo.

SAM 59:7

Mi an ṭhih dân leh an zauhnawmh dân hi ngâinik, an kâ mi an lei chu nâmsâu hâwi asi. âukhawm nih an theih na lo hen an ruat.

THUFING LASUIBU 17:20

Sualnâk lei dawn hen thusimtu chu siatnâk cho lo chu thil ṭha tawng ding zeikhawm lungum kho asi lo.

THUSIMTU 10:11

Rûl dâwithiam ko na hen a chuk masa rawh chun zeikhawm a ṭhavak lo rawh.

ROM 3:13

An kâ suak nâwmtâm nih chun thihnâk a tlunh tâwn, an lei nih perpetnâk thu a sim. An kâ sung chu rûl tûr hen a khat.

DEUTERONOMY 32:33

Rûl tûr thawk hen uain hâng siam mi hâwi asi.

JEM 3:6

Chun, lei hi mei chî tê hâwi asi. Hi hi laikulh mei asi, chu nih chun taksa pum hi a nawmh le, kan nunchan a râwk le, rêpmun mei nih a khangh mi asi.

JEM 3:7

Minung tla, ramsa tla, vâ tla, vâkrit tla leh ngâ chi kip tla ngamtir kho an si.

THUPHUANG 12:9

Chun, rûlrêu lianpi, Diabol mawh, Setan an ti mi, laikulh zawzawng perpettu chu tual ah an lawnh rawh, a mifial tla khawm an lawnh sih.