JEM 3:6 - Bawm Common Language Bible Version

⁶ Chun, lei hi mei chî tê hâwi asi. Hi hi laikulh mei asi, chu nih chun taksa pum hi a nawmh le, kan nunchan a râwk le, rêpmun mei nih a khangh mi asi.

JEM 3:6 ပူးပေါင်းရင်းမြစ်များ

2 SAMUEL 16:20

Churawhchun, Absalom nih Ahithophel sinah, “Tuah hinah kan um ko, zei hâwi ti ding hen krai na kan pêk awt ne?” a ti.

2 SAMUEL 19:43

Israel tla nih an sâng le, “Lalchem David hi nanmah lakah mi pakhat sikhawmsele, nanmah tâ bîk a nanna ngaih mi ngâk hen a let râ hen kan nei dauh asi. Zei rangah hi tluk hen hawng kan zauhnawmh. Kîrpi ding hen sim masatu kha kanmah kan si ti nan philh rawh ma?” an ti. Sikhawmsele Juda tla thusim chu Israel tla ngâk hen a fâk dauh.

2 CHRONICLES 13:17

Abijah leh a kawrsen tla nih Israel tla chu an neh dep na le, Israel kawrsen zumhkâi maktaduai khingkhuai an thah na.

SAM 140:3

An lei chu rûl a thi mi hâwi an si. An thu chu sawkmuk tûr hâwi asi.

SAM 64:3

An lei chu nâmsâu hâwi hen an tât le, an lîthal hâwi hen thu ṭhalo hen an ka awt.

THUFING LASUIBU 15:1

Aw-ka nêm hen sângnâk nih thinthawk a rehtir le, sikhawmsele ro hen sângnâk nih thin a thawktir.

THUFING LASUIBU 16:27

Misual tla nih chun midang rangah nganfâk pêk ding lei karo an hâwl. An thusim khawm sual hep asi.

THUFING LASUIBU 7:5

Midang nupi lakah mi leh nunau nih an lêmnâk lakah mi an vêng lai.

ISAI 30:27

LALPA rokualnâk leh thiltikhonâk chu a râltlâng hen muh kho asi lai. Mei leh a khû nih a thinthawknâk a zauhtir. Thu a sim le a thu nih mei hâwi hen a khangh.

ISAI 50:11

Nannih midang tla veih ding hen phiartu zawzawng tla, nanmah phiarnâk nih a nan veih na lai. Hamh tak hen thihnâk nan tuar ding mi chu LALPA nih a hawng tlungtir lai.

JEREMIA 20:10

Mikip nih, “Mun kip ṭihnung a kâi rawh! Thuneitu tla sinah kan sim lai! ” ti hen thu thup an ruat mi ka theih. Ka hâwikawmh ṭha tla khawm nih, niamh hen ka um ding mi an ka bawh ko. “Perpet asi kho lai mawh,” asi kho chun, “Kan tleih lai le, phû kan lam lai,” an ti.

JEREMIA 28:16

Churuangah LALPA amah ngelchel nih a nan kaltâk awt ti a sim. Zapi minung tla chu LALPA lakah hel ding hen na simh na ruangah hi kum a vei lânah na thi lai,” ti hen thu dang a simh.

NUMBER 25:2

Chubang nunau tla nih chun anmah Moab pathian an sawnh mi bâwlnâk puai ah an sâwm na. Israel mi tla nih

NUMBER 31:16

Kha nunau tla kha Baal sîntirnâk zûltu leh Peor ah zapi tla LALPA lakah zumhkâilo ding hen râwktu an si ti theih u. Chu nih chun LALPA mi le tla tlûnah râi a tlungtir phah asi.

MATHAI 12:24

Sikhawmsele, Farisai tla nih chun chu chu an theih kâ hen, “Hi minung nih hin khuri lal Belzebul thiltikhonâk ruangah lo chun khuri tla a nar lai lo,” an ti.

MATHAI 5:22

Kei lam nih chun, ‘Âuzawng a unau tlûnah thinruntu vial chu lâirêlnâk ah dîr ṭihnungkâi tak hen a um lai le, âuzawng a unau sinah, ‘Nang, mido-tla-lo,’ titu vial chu lâirêltu tla rêl piak ding ṭihnungkâi tak hen a um lai; chun, âuzawng ‘Nang mi â’ titu vial chu Gehena mei ah lawnh ṭihnungkâi tak hen a um lai ti ka nan simh na.

MARK 7:15

Minung lênglei thawk hen a paw sungah lût mi nih amah nawmh kho zeikhawm a um lo; minung paw sung thawk hen hawng suak tla chu minung nawmhtu asi dauh.

LUK 16:24

Chun, a âu le, ‘Pu, Abraham, hawng ka zângfah le, Lazar kha hawng fial, a kutdawng pâr tî ah chinh sele, ka lei daihnâk ding hen; meialh ah hin thungâi ka hamh asi,! a ti.

THILTI 20:30

Nan lakah mi ngelchel khawm ṭhiruai le tla nih nan sinah kawptir ding hen thu dang sim hen nan hawng um lai.

THILTI 5:3

Sikhawmsele, Peter nih, “Anania, Thlarau Thenhlimh sinah âwkrâwl thu sim ding hen leh thil man zeimaw zat pheh ding hen zei rangah Setan nih na thinlung a khattir?

THILTI 6:13

Chun, theihtu telê an siam le, chu minung tla nih chun, “Hi minung nih hin hi Pathian Biakin thenhlimh leh Mosi Dân hi a simsiat nget tâwn;

DEUTERONOMY 13:6

“Na unau nih mawh, na fapa nih mawh, na fanu nih mawh, na nupi na dâwt tak mi nih mawh, na kâwi tak nih mawh, an thlâk natu nih an sawnh dahlo mi pathian sawnh ding hen an fawrh na kho.

TITA 1:11

Chubang tla kâ chu huh piak na ding asi, lêpnâk nâwmtam duh ruangah thu sîntir lo ding mi sîntir hen, mi tla a dâwngsungkhur khur hen an râwk na tâwn.

JEM 2:7

Pathian nih a nan pêk na mi min ṭha sâwitu an si.

JEM 3:7

Minung tla, ramsa tla, vâ tla, vâkrit tla leh ngâ chi kip tla ngamtir kho an si.

2 PETER 3:3

Hi hi a masa hen theih ule, ni dawnghlei ah chun, anmah duhnâk hâwi vima a um hen, mi mah kawngkâ cho ruattu tla an hawng um lai.

3 JOHAN 1:10

Churuangah, ka hawng kal tik chun a thilti tla kha kan theihtir na lai le, kan lakah thil ṭihnungkâi leh âwkrâwl thu a sim le, chu ko khawm chu tâwk ti lo hen, unau tla an hawng kal mi tla khawm chu a lawmh na lo le, anmah lawmhtu tla khawm a khap na le, pumhnâk in mi nar ding a tum na.

THUPHUANG 12:9

Chun, rûlrêu lianpi, Diabol mawh, Setan an ti mi, laikulh zawzawng perpettu chu tual ah an lawnh rawh, a mifial tla khawm an lawnh sih.

THUPHUANG 13:14

Chun, sarâng masa chem mitmuh ah thilchê a ti mi hen khan tual tlûnah mi zawzawng chu a perpet na rawh. Chun, sarâng nih chun nâmsâu hen thih khawp rê hen liamh hen a um le, a dam nawlh mi sarâng chawnglawmhnâk ding hen mi zawzawng chu sarâng masa chem lem tuah ding hen thu a pêk na.

THUPHUANG 18:23

khâwnvâr khawm na sungah a chêu lai lo rawh le, pasal leh mo hâu khawm na sungah an theih nawlh lai lo, na sawlehtu tla chu tual ah mi lian tla an si le, na dâwi hen phun zawzawng na perpet na kha.

THUPHUANG 19:20

Chun, sarâng chu an tleih le, khuavâng telê, sarâng singsiahnâk nei mi leh a lem maimûktu tla, an perpet na tâwnnâk thilchê a mitmuh ah titu tla kha an tleih sih le, an panih hen kât hen a kâng mi meizur ah a nung hen an lawnh na.