JEM 3:5 - Bawm Common Language Bible Version

⁵ Chu hâwi ber hen lei khawm hi taksa ṭeng mêtê asi le, thungâi â khâwng tâwn. Mei chî tê nih thingmun a khangh fâk zia hi ruat nik u!

JEM 3:5 ပူးပေါင်းရင်းမြစ်များ

JOB LASUIBU 22:17

Chubang minung tla chu asi, Pathian duhlotu, an rangah zeitin khawm ti kho lo ding hen ruattu tla chu.

SAM 10:3

Misual nih a duhnâk sual â putso; mi hamkah nih LALPA chu siat a barh le, a nawng.

SAM 17:10

pawi tinâk nei lo hen puar tak hen an hawlh.

SAM 39:1

“Ka thilti lakah ka thiamthih lai le, ka lei nih thilsual hawng ka titir lai loh; misual tla nih an ka naih liauah zei thu khawm ka sim awtlo,” ka ti.

EXODUS 15:9

Mêlma tla nih, ‘Ka ṭhâwl na lai le, ka tleih na lai; an neih tla chu ka ṭhen zâr lai le, ka duh mi vial ka lâk lai; ka nâmsâu ka phâwi lai le, an neih zawzawng ka lâk hep lai,’ an ti.

EXODUS 5:2

Lalchem nih chun, “Israel fa tla suaktir na ding hen a thu ka ngâi ding mi chu zei LALPA me si? Chu LALPA chu ka theih loh, Israel tla khawm ka kaltir na awt loh,” a ti na.

THUFING LASUIBU 12:18

Dawnruatnâk nei lo mi thusim chu nâmsâu hen thûk tak liamh mi hâwi asi. Sikhawmsele fing tak hen thusim nih a damh kho.

THUFING LASUIBU 15:2

Mifing tla nih thu an sim chun mi thinlung a purh. Sikhawmsele mi mâwl nih chun thu salam an sim.

THUFING LASUIBU 18:21

Na thusim chu nangmah nunhtu khawm asi kho, nangmah veihtu khawm asi kho. Churuang chun na thusim zia zia hen na tawng ding asi.

THUFING LASUIBU 26:20

Thing tih ding a um lo chun mei a mit. Chawngawihnâk a um lo chun thu êlnâk a um lo.

JEREMIA 18:18

Churawhchun, mi tla nih, “Jeremia thu ah hin zei thil mawh kan ti lai! Bâwlpu tla nih hawng kan sîntir kumza lai le, mifing tla nih ti dân hawng kan simh lai, khuavâng tla nih Pathian thuchah an sim lai. Amah rang ah hêk hen a thusim kan ngâi piak lai lo rawh,” an ti.

EZEKIEL 28:2

“Thikho mi minung, kei, LALPA Zahkâi nih thu ka sim mi hi Tura lâirêltu rangah simh: Zûm tak hen Pathian ah na ruat. Tipi lâi ah Pathian hâwi hen laltophah ah to hen na sim. Pathian hâwi hen na siam le, sikhawmsele na si lo zia chu Pathian silo hen thikho mi minung na si.

EZEKIEL 29:3

Hi hi LALPA Zahkâi nih Aigupta lalchem sinah thu a sim mi chu asi: Kei chu na mêlma kasi le, nang chu tiva ah bawk mi tisârtâm lian tak na si. Nile va chu nang mah siam mi leh na tâ hen na sim.

DANIAL 3:15

Tuah, thil tumphung, theikhang, rirâwt, ṭingṭang, harmoniam hâu leh tumphung dang rihâu theih asi kâ hen milem mâimûk ule, sawnh u, nan tilo mi asi chun meihum lakah lawnh sawm nan si lai, nanmah sanhtu pathian um hen ma nan ruat?” a ti.

DANIAL 4:30

“Babulon hi a rokual châwk a! Ka thiltikhonâk leh ka chaknâk, ka rokualnâk leh ka lalnâk a langnâk ding hen ka khuapi rangah ka siam mi asi,” a ti.

JEM 3:4

Asi lo leh, lawng khi ruat nik u, lawng hi a lian thlo le, thli fâk tak nih ranh hen a um tâwn narêng hen a hertu nih chun a kaltir duhnâk lei zawng ah a hernâk mêtê hen a her tâwn.

2 PETER 2:18

Diklonâk ah an um mi tla thawk hen an suak rawh mi tla chu tlûktir na ding hen taksa duhnâk sual leh hurnâk an mang tâwn.

JUD 1:16

Chubang tla chu chipchiartu leh mi simsâwitu tla an si le, anmah duhnâk hâwi vima hen an um le, an kâ hen khâwngnâk thu dawh lo tak an sim le, anmah siremnâk cho tawng ding hen mi an sunhsak na tâwn.