JEM 3:2 - Bawm Common Language Bible Version

² Kan ektê hen kan sual tâwn. Mi, a thusim ah palh dahlo mi chu mi rangtling asi, a taksa pum khawm vêng kho mi asi.

JEM 3:2 ပူးပေါင်းရင်းမြစ်များ

1 Lal 8:46

“Na mi tla nih thilsual an ti hen pakhat khawm âk lo hen an sual chun, nangnih na thinthawk ruangah an mêlma nih neh hen, ram dang lât takah na tângtir na khawm ah,

2 CHRONICLES 6:36

“Na mi le tla, na lakah thilsual an ti hen, pakhat khawm sual lotu an um lo hen, na thinthawknâk ruangah an mêlma tla nih neh na hen ram dang lât takah sal ah an put na khawmsele, an thlachamnâk chu ngâi piak na.

JOB LASUIBU 15:13

Pathian tlûnah thinrun hen a sinah thu na sim.

SAM 34:13

Asi chun, thu sual sim leh âwkrâwl thu sim a sûm rawh.

SAM 39:1

“Ka thilti lakah ka thiamthih lai le, ka lei nih thilsual hawng ka titir lai loh; misual tla nih an ka naih liauah zei thu khawm ka sim awtlo,” ka ti.

THUFING LASUIBU 10:19

Na thusim a tam bilik leh na sual dadauh hâwi asi. Mifing na si chun na dâisip lai.

THUFING LASUIBU 13:3

Na thusim ah a thiamthih le, na nungnâk hum rawh. Nabeibâng hen hawlhtu chu amah râwknâk a siam.

THUFING LASUIBU 20:9

Mi âunih a sualnâk lakah mi ruangsuak hen a sia leh a ṭha a dik ti sim khotu um?

THUFING LASUIBU 21:23

Nawknâk lakah um na duh lo chun na thusim lakah a thiamthih.

THUSIMTU 7:20

Tual tlûnah thil dik ti kumzatu leh palh dahlotu pakhat khawm a um lo.

ISAI 64:6

Kan ektê hen misual kan si; kan thilti ṭha chem khawm a nâwm mi hep asi. Kan sual ruangah thingnah a uai mi thli nih a sêm ving mi hâwi kan si.

LEVITICUS 13:39

bâwlpu nih chu minung chu a nik ding asi. A mâ chu a dâng zâu chun vun lakah a tuah salam mi asi; chu minung chu a thiang asi.

MATHAI 12:34

Rûl thlâk tla, nannih sual ko bû hen zeitin me thu ṭha nan sim kho lai? Thinlung ah khat hen a liam mi chu kâ nih a sim tâwn asi.

MATHAI 12:37

Na thu tla chu lâi a nan rêl ding hen mang asi lai le, na thu lîlâ nih a nan mawhtir awt asi,” a ti.

ROM 3:10

Pathian lasui thu nih: ‘Âukhawm mirep tak rerêng an um lo, pakhat khawm an um lo;

ROM 7:21

Chun, hi dân hi ka hawng theih rawh; thil ṭha ti ka duh liauah sualnâk ka lakah a hawng um tâwn asi.

1 KORIN 9:27

Chu hâwi ber hen boruak eng lo hen ka sualpi tâwn, ka taksa ka êng chiam le, sal ah ka siam tâwn. Chu lo chun midang tla sinah ka phuang nûnah khawm zei zeimawh ti hen keimah ngelchel hi lawnh hen ka um lebang lai.

GALATIA 3:22

Sikhawmsele, Jisu Krist lungnâk ruangah thil tiam chu a lungtu tla sinah pêk asi khonâk ding hen Pathian lasui thu nih chun sual tangah zeizawng a khâr ver.

GALATIA 5:17

“Taksa nih hin Thlarau lei donâk a duh tâwn, Thlarau khawm nih taksa lei donâk a duh tâwn; thilti nan tum mi tla chu nan ti kho lonâk ding hen chubang tla chu â kalh asi.

KOLOSA 1:28

mikip Krist ah chun ṭha rangtling a kan dîr khonâk ding hen, mikip simhfâi hen, mikip finghnâk kip a sîntir hen a thâwngthâng kan sim tâwn mi hi,

KOLOSA 4:12

Epaphra nanmah lakah mi, Krist Jisu to-aw nih hin chibai a nan bûk na. Anih nih chun Pathian duhzia zawng upat leh lung thlirnâk nei hen nan dîr khonâk ding hen a thlachamnâk tla ah chun nanmah tla rangah â ṭang kumza tâwn asi.

HEBRAI 13:21

Jisu Krist zârah amah duhzia ti ding leh amah lawmhtirtu ah um ding hen thlangamhtu Pathian nih chun thil ṭha nan duh mi zawzawng an pêk na seh. Jisu Krist sinah rokualnak zungzâl hen um seh! Amen.

JEM 1:26

Âuzawng phung thu sunhsaktu ah â ruat hen, a lei a veng kho ṭung lo chun amah â perpet mi asi, chu hâwi minung nih phung thu ah a sawnh dân chu zeikhawm asi lo.

JEM 1:4

Chun, samphâng lo leh rangtling tak hen leh tlawlh lo hen nan um ding hen felfênâk nih chun thil zeizawng ah a nan siam na ti theih u.

JEM 2:10

Âuzawng nih dân pakhattê a buar chun dân zawzawng a buar asi.

1 PETER 3:10

Pathian lasui thu nih, “Âuzawng lâwm tak hen nung duhtu leh tik ṭha muh duhtu nih chun, thu ṭhalo leh âwkrâwl thusim bâng seh.

1 PETER 5:10

Chun, Pathian zângfahnâk zawzawng a zungzâl rokualnâk ting ding hen Krist, a nan kawh natu nih chun sâwtlotê nan tuar nûnah siam rangtling hen, birhtir hen, a nan chaktir na lai.