JEM 3:17 - Bawm Common Language Bible Version

¹⁷ Sikhawmsele, tlûnlei thawk hen a hawng suak mi finghnâk lam chu, a masa chem hen a thenhlimh le, chu nûnah chun remnâk a duh, a nunnêm le, a kawmh a nuam le, zângfahnâk leh thil ṭha ti hen a khat le, thlei bîk a nei lo le, a perpê lo asi.

JEM 3:17 ပူးပေါင်းရင်းမြစ်များ

1 Lal 3:12

na deih mi chu ka nan pêk lai. Mi âukhawm nih an nei dahlo mi finghnâk leh theihthiamnâk tam tak ka nan pêk lai.

1 Lal 3:28

Churawhchun, Israel mi tla nih Solomon nih thu a thlûk zia an theih le, thungâi an zah, êlnâk ding mi thu lakah ṭha tak hen thlûk ding hen finghnâk Pathian nih a pêk ti an theih ruangah.

1 Lal 3:9

Churuangah chun na mi tla chu dik tak hen lâi ka rêl kho ding hen leh a sia a ṭha lakah a dangnâk ka theih khonâk ding hen finghnâk ka herh mi hawng ka pêk rawh. Chu lo chun zeitin hi na mipi tla zeiliau zawng ah lâi ka rêl lai,” a ti.

1 CHRONICLES 22:12

Dân hâwitê hen Israel lakah lâi na rêl khonâk ding hen LALPA Pathian nih finghnâk leh muhnâk a nan pêk seh.

1 CHRONICLES 22:9

A thutiam zia hâwitê hen thil a ti rawh. LALPA nih, ‘Thlangam tak hen lâirêltu ding mi fapa na nei lai le, a mêlma lakah mi thlangamnâk ka pêk awt. A min chu Solomon asi lai, a lâirêl kar zawzawng chu Israel tla rangah thlangamnâk leh himnâk ka pêk na lai.

JOB LASUIBU 28:12

Sikhawmsele, finghnâk hi zeiah tawng kho asi lai? Theihthiam ding hen zeiah kanna sîn lai?

JOB LASUIBU 28:23

Pathian cho nih a lampi tla a theih hen, finghnâk tawngnâk ding mun a theih le;

JOB LASUIBU 28:28

Pathian nih minung sinah, “Fing ding hen LALPA rangah nan sawnh ding asi. Theihthiamnâk nei ding hen sual nan kaltâk ding asi,” a ti.

EXODUS 36:2

Mosi nih Bezalel, Oholiab leh mi zungthiam dang tla, LALPA nih tikhonâk a pêk na mi zawzawng leh ṭangpi ding hen duhtu tla chu rianṭuan dawmh rawh ding hen a simh na.

THUFING LASUIBU 2:6

Finghnâk pêktu chu LALPA asi le, theihnâk leh theihthiamnâk chu amah thawk hen mi asi.

ISAI 2:4

Phun rokual tak lakah remlonâk thu ah lâi a rêl lai. An nâmsâu tla chu phâisen ah an dêng lai le, an fei tla chu phâisen nâwnnâk thîr zum rangah an dêng lai. Phun tla chu râltuk ding hen an kal lai lo rawh, râltuk ding khawm timhtuahnâk an nei lai lo rawh.

ISAI 32:6

Mi â nih chun â tak hen thu a sim le, thilsual ti ding mi a dawn. A thilti leh a thusim chu LALPA siarlonâk hep asi le, mi sungvâng rangah buh a pêk dahlo, mi tîhâl rang khawm ah din ding a pêk dah loh.

ISAI 40:11

A ranrual tla chu dawrâpu hâwi hen a zauhkhenh na lai le, dawrâ fa tla chu a pumh na lai le, a bân hen a put na lai; an pinu tla chu thiamthih tê hen a rui na lai.

DANIAL 1:17

Pathian nih tlangvâl pali tla chu theihnâk leh lasui thiamnâk leh finghnâk tla a pêk na. Chu lâwng khawm silo hen Danial rangah mang leh muhnâk simhfiang khonâk a pêk sap rih.

MALAKI 2:9

Churuangah ka duh dân nan zûl lo ruangah leh ka mi tla nan sîntir na liauah mikip bang khap hen nan titir na lo ruangah Israel mi tla nanmah zauhnawmhtu ah ka siam rûl na bâk awt,” a ti.

MALAKI 3:3

Mi nih tangka a êr le, a thenhlimhtir mi hâwi hen lâirêl ding hen a hawng lai. LALPA sinah bâwlnâk dik tak an pêk khonâk ding hen LALPA mifial nih chun thîr siamtu nih tangka leh ngûn a êr mi hâwi hen bâwlpu tla chu a thiangtir na lai.

MATHAI 23:28

Nannih khawm chu hâwitê hen lênglei ah chun minung mitmuh hen rep tak hen nan lang tâwn le, nan sunglei ah lam chun perpetnâk leh sualnâk hen nan khat fâwn.

MATHAI 5:8

“Thinlung ah thenhlimh tla chu an thaw a suak, Pathian an muh awt ruangah!

MATHAI 5:9

“Remnâk siamtu tla chu an thaw a suak, Pathian fa ah sak hen an um awt ruangah!

LUK 21:15

nan mêlma zawzawng an kham na hen an êl kho lo na nâk ding hen thu leh finghnâk ka nan pêk na awt ruangah.

LUK 6:36

Nan pa nih mi a zângfah hâwi hen zângfah bâk u.”

JOHAN 1:14

Thu chu minung ah a hawng a chang le, kan lakah a um rawh. A rokual zia kan muh. Zângfahnâk leh thudik hen a khat. Hi hi rokualnâk chu asi, Pa, Fapa neihlem hâwi a sinâk chu.

JOHAN 1:47

Jisu nih Nathanael a sinah a hawng mi a muh le, a thâwngthâng a sim le, “Zauhnik u, Israel mi tak ngamlêmnâk rerêng nei lo hi,” a ti.

THILTI 11:24

Barnaba chu mi ṭha tak asi le, Thlarau Thenhlimh leh lungnâk hen khat mi asi. Chun, mi cherkhet chu Lalpa sinah anna sap rawh.

THILTI 9:36

Chun, Joppa khua ah a min Tabitha lungtu pakhat a um. (Greek hen a min chu Dorka asi, chu chu ‘Sakhi’ tinâk asi.) Chu nunau chu thil ṭha ti hen a hun zawzawng a mang tâwn le, chun, mipâm tla a ṭangpi tâwn.

ROM 12:18

Ti kho asi chun, nangmah lei tal mi zawzawng hen rem hen um u.

ROM 12:9

Dâwtnâk chu perpetnâk tel lo hen si seh. Sual lei chu hua ule, ṭhat lei chu tleih thlir u.

ROM 15:14

Chun ka unau le tla, nanmah tla thu chu nanmah ngelchel ṭhatnâk hen nan khat hen, finghnâk chi kip nan nei hen, nun nanna simh tawnh kho ti keimah ngelchel nih dik tak hen ka theih.

1 KORIN 12:8

Mi pakhat sinah Thlarau ah chun finghnâk thu pêk asi; midang sinah chu Thlarau ber nih chun theihnâk thu pêk asi.

2 KORIN 10:1

Chun, kei Pawl, nan lakah nan mitmuh ah dawnhkho tak a um hen nan sinah ka um lo kâ hen nanmah leikângah iam tâwn mi nih hin Krist ṭhatnâk leh nunnêmnâk hen kan ngiar na.

2 KORIN 6:6

thenhlimhnâk ah, theihnâk ah, dawnhkhonâk ah, vêlneihnâk ah, Thlarau Thenhlimh ah, dâwtnâk ah,

2 KORIN 7:11

Chun, ngâinik u, Pathian duhzia hâwi a ngaihsiattir hen nan umnâk takah chun thiamthihnâk tla, mah a sim thiamnâk tla, thinthawknâk tla, ṭihnâk tla, lunglêngnâk tla, ṭhanemsemse ngâinâk tla, lehrûl samnâk tla nanmah lakah a siam zia a fâk a! Zeizawng ah chubang thu ah chun nan thiang ti nanna langh rawh.

2 KORIN 9:10

Chun, thil siangnâk zeizawng, kanmah ruangah Pathian sinah lâwmthu simnâk siamtu chu nei ding hen, zeizawng ah neihtir a um hen,

EPHESI 5:9

Chêu nih chun ṭhatnâk, repnâk leh thudik rah kip a suah tâwn ruangah.

PHILIPI 4:8

A dawnghchem ah chun, unau le tla, a dik mi zawng, zah a kâi mi zawng, â rep mi zawng, a thenhlimh mi zawng, duh a kâi mi zawng, a thang dawh mi zawng, ṭhatnâk rerêng a um hen sawr tlâk rêng a um chun chubang chu dawnruat u.

KOLOSA 1:10

Chun rianṭuan kip ah rah hen Pathian theih rangtlingnâk ah mavua dadauh hen lâwm tak a felfênâk leh dawnhkhonâk kip nei kho ding hen a rokualnâk chak zia hâwi vima a chaknâk kip ah chak hen, Pa, chêu ah mi thenhlimh tla ro chu bâwm bâk tlâk a hawng kan siamtu sinah chun lâwmthu simh hen zeizawng lakah amah lungâwitir ding hen Lalpa zûl tlâk hen nan um kho lai.

1 THESALONIKA 2:7

Nu nih nau a pawm mi a dâwt hâwi hen nan lakah nunnêm tak hen kan um dauh kha.

1 TIMOTHE 5:21

Hi bang thu hi duh bîk nei lo hen thliar le dang nei lo hen Pathian leh Krist Jisu leh vânmifial thîm mi tla mitmuh ah zâwt ding hen semsêngâi tak hen ka nan theihtir.

2 TIMOTHE 2:24

Lalpa to-aw nih chun do ding asi lo le, mi zawzawng lakah vêlnei hen, sîntir thiam hen, sual lakah dawnhkho hen,

TITA 1:15

Mi thenhlimh tla rang chun zeizawng a thenhlimh tâwn; sikhawmsele mi nâwmtâm leh lunglo tla rang chun zeikhawm thenhlimh mi a um tâwn loh, an thinlung leh an sia leh ṭha theihnâk rêng khawm a nâwm rawh.

TITA 3:2

ṭhatlo rawt lo ding leh mi zawzawng lakah dawnhkhonâk kip langhtir hen nun ṭha ding hen anmah tla theihtir nawlh rawh.

HEBRAI 12:11

Chun, nunsimhnâk tla hi tuar liauah chun lawmhkâi hen a lang lo le, lungsiatkâi tak hen a lang dauh tâwn; tuar nûnah lam chun chu lakah nunsimh hen um rawh mi tla rangah chun nungnâk rep lungumnâk lâwmman a tawng tâwn.

HEBRAI 12:14

Mi zawzawng hen remnâk leh thenhlimhnâk nei ding hen a ṭang u, chubang thenhlimhnâk lo hen âukhawm nih Lalpa an muh lai loh.

JEM 1:17

Thilpêk ṭha leh thilpêk rangtling chu vân lei chêu tla siamtu Pathian thawk hen suak mi ver an si, â dang lo le, mûi ah khawm â chang lo.

JEM 1:5

Sikhawmsele, nan lakah âuzawng nih finghnâk a samphâng chun mi zawzawng sinah siang tak leh zângfah tak hen pêk tâwntu Pathian chu deih seh, churawhchun a sinah pêk asi lai.

JEM 2:13

Khua a ruat lo mi minung chu Pathian nih lâi a rêl tikah a tlûnah khua a ruat bâk awtlo, sikhawmsele, khuaruatnâk nih chun lâirêlnâk a neh.

JEM 2:4

nan thinlung ah thliarnâk nei hen, dawnruatnâk sual put hen, simsâwitu nan si awtlo ma?

JEM 3:15

Chu hâwi mi finghnâk chu vân lei thawk hen a suak mi asi lo le, laikulh leh taksa leh khurî thawk hen mi asi dauh.

JEM 4:8

Pathian naih u, chun anih nih a nan naih na lai. Misual tla, nan kut tla ṭâwl u, mi perpê tla, nan thinlung thenhlimhtir u,

1 PETER 1:22

Unau tla hen a zângfah tawnh tatak ding hen, thudik zâwt hen nanna thenhlimhtir ruangah thinlung ah semsêngâi tak hen a dâwt tawnh u.

1 PETER 2:1

Chuvachun, sualnâk zawzawng tla, ngamlêmnâk tla, perpetnâk tla, nahsuahnâk tla, simsiatnâk tla bângtâk u:

1 PETER 2:18

To-aw tla, ṭih tak bû hen nan hotu tla thu thu hen um u, mi ṭha leh mi nunnêm tla lakah cho si lo hen, mi ṭhalo tla lak khawm ah nan zah na zia langhtir u.

1 JOHAN 3:18

Fa le tla, thu cho hen a zângfah lah ule, kâ cho hen khawm a zângfah lah u, thilti leh thungâi tak hen si dauh seh.

1 JOHAN 3:3

Âuzawng Jisu Krist ah lungnâk nei mi vial nih amah â thenhlimh hâwi hen a thenhlimhtir tâwn.