JEM 3:15 - Bawm Common Language Bible Version

¹⁵ Chu hâwi mi finghnâk chu vân lei thawk hen a suak mi asi lo le, laikulh leh taksa leh khurî thawk hen mi asi dauh.

JEM 3:15 ပူးပေါင်းရင်းမြစ်များ

2 SAMUEL 13:3

Sikhawmsele David unaupa Shamah fapa a min Jonadab mi perpê tak hâwipa pakhat a nei.

2 SAMUEL 15:31

Ahithophel chu Absalom helnâk ah â tel rawh ti David rangah theihtir asi rawh chun, “Zângfahtê hen LALPA, Ahithophel krai hi zeikhawm silo ding hen ka nan ngiar asi,” ti hen thla a cham.

2 SAMUEL 16:23

Chubang hun liauah Ahithophel nih krai a pêk na mi zawng chu Pathian nih a pêk na mi hâwitê hen an pawm tâwn. David leh Absalom khawm nih an zûl tâwn asi.

JEREMIA 4:22

LALPA nih, “Ka mi tla chu an mâwl tuk le; an hawng ka theih loh. Ngâksia â hâwi an si le; zeikhawm theihthiamnâk an nei lo. Thilsual ti chu an thiam thlo le, sikhawmsele thil ṭha ti ding an tumh loh,” a ti.

LUK 16:8

“Chun, a pu nih chun sum kiltu replo chu ti dân a thiam ruangah a sawr rawh le, chêu fa tla ngâk hen hi laikulh fa tla hi anmah san chun an fing dauh asi.

JOHAN 3:17

Laikulh mawhtir ding hen Pathian nih a Fapa laikulh ah a fial lo, laikulh amah ruangah ruangsuah hen an um khonâk ding hen a fial dauh asi.

JOHAN 8:44

Nannih chu nan pa diabol sin thawk hen suak nan si le, nan pa duhzia ti nan duh. Anih chu a tîr thawk hen mi thahtu asi, thutak ah a um lo, a sung ah thutak a um lo ruangah. Âwkrâwl thu a sim chun amah lakah mi a sim tâwn; mi âwkrâwl asi, âwkrâwlpa khawm asi.

THILTI 13:10

“Nang diabol fapa, nang repnâk zawzawng huatupa Lalpa lampi rep tak tla hi siattir na bâng lo mu?

ROM 1:22

Mifing ah anna ruat le, sikhawmsele, mi â ah an hawng a chang;

1 KORIN 1:27

Sikhawmsele, Pathian nih laikulh thil â tla chu a thîm dauh le, mi fing tla chu a mualphoh khonâk ding hen.

1 KORIN 2:14

Laikulh mi nih chun Thlarau lei thil tla chu a lawmh tâwn lo, anih ngaih chun âtkâi an si; Thlarau ah cho theih kho mi a si ruangah a theih kho lo rerêng asi.

1 KORIN 3:19

Hi laikulh finghnâk hi Pathian ngaih hen âtnâk asi, “Pathian nih mi fing tla chu an fing perpetnâk lakah a awhtir na tâwn,” ti hen Pathian lasui thu nih a sim hâwi khan.

1 KORIN 3:3

taksa mi nan si kumza rih ruangah. Nan lakah nahsuahnâk leh êlnâk a um tâwn ruangah hin taksa mi si hen minung hâwi hen nan um asi lo mazei?

2 KORIN 1:12

Kan putso mi chu hi hi asi: Kan sia leh ṭha theihnâk thu theihtir chu thenhlimhnâk leh Pathian diknâk nei hen, taksa finghnâk ah silo hen, Pathian zângfahnâk dauh hen laikulh ah hin kan changhdân kha nanmah leikângah kan changh dân a ṭha khun.

2 KORIN 11:3

Sikhawmsele, rûl nih chun ngamlêmnâk hen Evi chu a bum hâwi khan, Krist leiah taknâk leh thenhlimhnâk lakah mi chu zeitin hen mawh nan thinlung chu an râwk na lebang lai ti ka lâu asi.

PHILIPI 3:19

chubang tla dawnghnâk chu veihnâk asi, an pathian chu taksa duhnâk asi, anna khâwngnâk chu an mualphonâk asi, laikulh thil tla an duh tâwn asi.

2 THESALONIKA 2:9

Chu Dân Buartu hawng kalnâk chu Setan ṭuan zia hâwi vima hen, thiltikhonâk zawzawng, singsiahnâk zawzawng,

1 TIMOTHE 4:1

Sikhawmsele, hi nûnah chun mi zeimaw mi tla chu mi âwkrâwl tla perpetnâk ruangah veihnâk thlarau tla leh khuri tla sîntirnâk thu sunhsak hen lungnâk chu an bângtâk mi hi Thlarau nih chun fiang tak a sim.

JEM 1:17

Thilpêk ṭha leh thilpêk rangtling chu vân lei chêu tla siamtu Pathian thawk hen suak mi ver an si, â dang lo le, mûi ah khawm â chang lo.

JEM 1:5

Sikhawmsele, nan lakah âuzawng nih finghnâk a samphâng chun mi zawzawng sinah siang tak leh zângfah tak hen pêk tâwntu Pathian chu deih seh, churawhchun a sinah pêk asi lai.

JEM 3:17

Sikhawmsele, tlûnlei thawk hen a hawng suak mi finghnâk lam chu, a masa chem hen a thenhlimh le, chu nûnah chun remnâk a duh, a nunnêm le, a kawmh a nuam le, zângfahnâk leh thil ṭha ti hen a khat le, thlei bîk a nei lo le, a perpê lo asi.

JUD 1:19

Chu tla chu, taksa mi, Thlarau ah um lo mi, murui dang siamtu tla an si.

THUPHUANG 12:9

Chun, rûlrêu lianpi, Diabol mawh, Setan an ti mi, laikulh zawzawng perpettu chu tual ah an lawnh rawh, a mifial tla khawm an lawnh sih.

THUPHUANG 2:24

“Sikhawmsele nannih Thiatira ah mi zeimaw mi chu Setan thilthup thûk an ti mi tla leh sîntirnâk diklo thu pawm lotu tla tlûnah chun thilrit dang kan phurhtir na awtlo ti ka sim asi.

THUPHUANG 9:11

Khurtawdawnglo lakah thuneitu vânmifial chu lal ah an nei le, Hebrai hawlh hen a min chu, “Abadon” asi le, Greek hawlh hen chun, “Apollion” asi (a umzia chu, “Râwktu” tinâk asi.)