JEM 3:14 - Bawm Common Language Bible Version

¹⁴ Sikhawmsele, nan thinlung ah ṭhatlonâk leh nahsuahnâk leh mah kawngkâ cho ruat mi nan si chun a zûm lah u, thudik do hen âwkrâwl sim lah u.

JEM 3:14 ပူးပေါင်းရင်းမြစ်များ

GENESIS 37:11

Josef chu a unau tla nih thungâi an nahsuah le, a pa lam nih chun zei zia me asi aw ti hen a thinlung ah a kil ziar.

GENESIS 38:9

Sikhawmsele, Onan nih chun fa nei khawmsele kei fa ding asi lêm lo a ti le, a ihpi kip ah anna pâwl mi thisen chu lênglei ah a zut tir vima, a unaupa rangah chi a thlâk kho lonâk ding hen.

2 Lal 10:16

“Ka sinah hawng le, LALPA sinah ka pêk zia hi nangmah ngelchel nih hawng zauh,” a ti. Churawhchun, Samaria leiah an panih hen munkhat hen an kal rawh.

2 Lal 10:31

Sikhawmsele, Jehu nih LALPA Israel Pathian dân chu a thinlung zawzawng hen a zûl lo le, Jeroboam Israel tla sualtirtu zia a châwng dauh.

JOB LASUIBU 5:2

Vûirâmnâk ruangah lungsilo bû hen thihnâk chu mi â zeikhawm theihlo mi ti dân asi.

THUFING LASUIBU 14:30

Thinlung ah thlangamnâk nih taksa ṭhiselnâk a siam le, sikhawmsele mi nahsuah mang chu mâ dam kho lo vei hâwi asi.

THUFING LASUIBU 27:4

Thinthawk hi a ṭhalo le, râwknâk asi. Nahsuahnâk chu chu ngâk hen a fâk.

ISAI 11:13

Israel lalram chu Juda nih a nahsuah lai lo rawh le, Juda khawm Israel mêlma asi lai lo rawh.

HABAKUK 1:3

Hi hâwi lawksawngnâk muh ding hen zei rangah na hawng ka siam, hi bang hâwi thil diklo ti hi zeitin na zauh kho zia? Siatnâk leh râwknâk nih hawng ka kulh dak le, mun kip ah a sualnâk leh donâk a um.

MATHAI 27:18

Nahsuahnâk ruangah anih chu an tleihtir ti a theih ruangah.

JOHAN 16:2

Pumhnâk in ah mi an nar na lai le; asi, âuzawng an thah natu vial nih Pathian tlûnah thil ṭha ti hen anna ruat lai, chu tik chu a hawng tlung awt.

THILTI 13:45

Sikhawmsele, Juda tla nih mi zapi an muh kâ hen thungâi an nahsuah na; Pawl thusim chu an êl le, an râp.

THILTI 26:9

“Kei khawm nih Nazaret Jisu min kalhkâng hen thil cherkhet ti sele ṭha hen ka theih tâwn.

THILTI 5:17

Chun, Bâwlpu Lalchem leh a hâwi tla zawzawng an hawng a thawh le, (chubang a hâwi tla chu Sadukai murui an si le,) thungâi an nahsuah na;

THILTI 7:9

“Chun, chi thlâktu tla nih khan Josef an nahsuah le, Aigupta ram leiah an zuar. Sikhawmsele, Pathian chu a sinah a um.

ROM 1:29

Chun, replonâk zawzawng, sualnâk zawzawng tla, hamkahnâk zawzawng tla, ṭhatlonâk zawzawng hen an khat le, nahsuahnâk tla, mi thahnâk tla, tawhnâk tla, perpetnâk tla, nunchan ṭhalonâk tla hen an khat.

ROM 13:13

Sûn ah um hâwi hen dawh tak hen kan um lai, zû din nawk leh zû rî a um lo hen, hur leh a duh a um lo hen, sual leh a nahsuah a um lo hen.

ROM 2:17

zei hâwi na si rawh ne? Juda kasi na ti le, Dân chu na rinhsan le, Pathian na putso;

ROM 2:8

Midang tla chu mah kawngkâ lâwng ruat mi an si le, a dik mi chu an duh lo, a diklo mi chu an zûl dauh tâwn; an tlûnah chun Pathian thinthawknâk leh thinrunhnâk tla a um lai.

1 KORIN 13:4

Dâwtnâk nih â dawnh kho, vêl a nei tâwn; dâwtnâk nih a nahsuah lo;

1 KORIN 3:3

taksa mi nan si kumza rih ruangah. Nan lakah nahsuahnâk leh êlnâk a um tâwn ruangah hin taksa mi si hen minung hâwi hen nan um asi lo mazei?

1 KORIN 5:2

Chun, chu thil titu chu nan lakah mi suah ding mi lawksawngpi ngâk hen zumhnâk ah lam nan mang.

1 KORIN 5:6

Nanna zûmnâk hi a ṭhalo. Thilnu tâwmtê nih sang tlang chu a pum hen a zunh hep tâwn ti nan theih lo masi?

2 KORIN 12:20

Ka hawng kal tikah zeitin mawh ka duh hâwi hen ka nan muh na lo hen, kei khawm nan duh hâwi hen nan ka muh lo sual lai ti leh zeitin mawh fâinâk tla, nahsuahnâk tla, thinrunhnâk tla, tawhnâk tla, thu khuar mang tla, sung-û tir tuknâk tla, nawknâk tla a hawng um lebang lai ti leh

GALATIA 5:15

Sikhawmsele, nanna seh hen nanna ei tawnh chun nanna veih tawnh lonâk ding hen a thiamthih u.

GALATIA 5:20

Duhnâk, nâwmtâmnâk, hurnâk, ruk sawnhnâk, dâwi thiamnâk, huatnâk, tawhnâk, thîknâk, thinthawknâk, mah kawngkâ ruatnâk, a dang hen umnâk, a dang hen lungnâk,

GALATIA 5:21

nahsuahnâk, zû rîtnâk, zû mun ah lâwmnâk tla, hi bang tla hi: Chubang tla chu a lânah, chu hâwi thil ti mang tla nih chun Pathian Ram anna ting lai loh ti ka nan simhkan na hâwi khan ka nan simhkan na hi.

GALATIA 5:26

A do tawnh hen, a nahsuah tawnh hen, kanna sung-û tir ding asi loh.

GALATIA 6:13

Fêmtan men nih Dân thu an zâwt lêm lo, nan taksa ah putso ding an nei khonâk ding hen fêm an tantir na ding an duh mi cho asi.

PHILIPI 1:15

Zeimaw mi nih chun nahsuah leh elnâk ruang khawm ah Krist thu an phuang tâwn; zeimaw mi nih chun lâwm ruangah an phuang tâwn;

PHILIPI 2:3

Zuamchawh leh sung-û tirnâk ruangah zeikhawm ti lo hen, mikip nih nâu tak hen mah ngâk a midang ṭha dauh ah ruat chiau seh.

1 TIMOTHE 2:4

anih nih chun mi zawzawng ruangsuah ding leh thudik theih ding hen a duh asi.

1 TIMOTHE 6:4

anih chu â putso le, zeikhawm a theih lo le, theih ngâk hen êl leh thukalh leikâng ah chun a â lehlam asi, chubang thawk chun ngarhnâk, sualnâk simsiatnâk, ṭhalo leikâng ah lungnâk, êlratnâk tla a suak tâwn le;

TITA 3:3

Kannih khawm a lânah â tak leh ê-aw ngâilo leh perpet mi leh, duhnâk leh lawmhnâk kip leikângah pial mi leh sual leh nahsuah mang hen um mi leh fihnungkâi leh a huat tawnh mi tla kan si ruangah.

JEM 1:18

Amah duhzia hâwi hen thudik ah hawng kan ring le, a thilsiam zawzawngah mun masa chem kan luah khonâk ding hen.

JEM 3:16

Nahsuahnâk leh mah kawngkâ cho ruatnâk a umnâk ah chun nawknâk leh sualnâk chi kip a um tâwn.

JEM 5:19

Ka unau tla, nan lakah âumawh, thudik thawk hen vâi sele, chun âunih mawh hawng kîrtir nawlh sele,