JEM 3:13 - Bawm Common Language Bible Version

¹³ Nan lakah âu me fing hen thil a theihthiam kho mi um? Dawnhkhonâk leh finghnâk hen, a thil ṭha ti hen a umdân ṭha hen zauhtir seh.

JEM 3:13 ပူးပေါင်းရင်းမြစ်များ

JOB LASUIBU 28:28

Pathian nih minung sinah, “Fing ding hen LALPA rangah nan sawnh ding asi. Theihthiamnâk nei ding hen sual nan kaltâk ding asi,” a ti.

SAM 107:43

Mi fing tla nih chun hi bang thil tla hi dawn na seh; LALPA dâwtnâk chu theihtir nawlh na seh.

SAM 122:8

Ka unau leh ka hâwi tla ruangah Jerusalem sinah chun, “Na lakah thlangamnâk um seh!” ka ti.

SAM 149:4

LALPA nih a mi tla chu a lawmh na le; nâu tak hen um mi chu nehtu si hen a chungnungtir na.

SAM 25:9

Mi â nâutir mi chu lampi dik ah a ruai na le, a duhzia a sîntir na.

SAM 45:4

Repnâk leh thudik hum ding hen na nehnâk leh rokualnâk mang rawh; na chaknâk nih nehnâk rokual â ting lai.

THUSIMTU 8:1

Mifing cho nih thil umdân dik tak chu a theih. Finghnâk nih chun a nihtir le, a thinthawknâk mêl a langhtir lo.

THUSIMTU 8:5

A thupêk na ngâi kar vial chu na him asi, mifing nih chun zei hâwi ti ding leh zei tikah ti ding a theih.

ISAI 29:19

Mipâm leh mi nâutâ tla chu LALPA Israel Pathian thenhlimh nih lâwmnâk a pêk na mi an tawng nawlh lai.

ISAI 60:6

Sangâwngsâu hen khualtlâwngtu murui tla tam tak, Midian leh Ephah thawk hen an hawng lai. Seba thawk hen ngûn leh rimthâw tla put hen an hawng lai. Mi tla nih LALPA thilti thâwngthâng ṭha an sim lai!

ISAI 61:1

LALPA zahkâi nih a thlarau hen hawng ka khattir. Mipâm tla sinah thâwngthâng ṭha sim ding, Thinlung fâk mi tla damh ding, Sal tang tla sinah suahnâk thu sim ding, Rêngtlâ sinah suaknâk thu sim ding hen Hawng ka thîm le, hawng ka fial.

JEREMIA 9:12

Kei nih, “LALPA, zei rangah ram chu râwk hen ramkaro hâwi hen a châr le, âukhawm mi velvâ an um lo zia? Hi hi theihthiam ding hen âu a fing tâwk lai? Midang a simh kho ding hen âu na simhfiang?” ka ti.

JEREMIA 9:23

LALPA nih, “Mifing khawm an finghnâk zumh lah seh, mi chak tla khawm nih an chaknâk zumh lah seh, minei khawm nih an neihnâk zumh lah seh.

DANIAL 2:21

Tik-le-rî tla a duh duh hen a siam le; lal tla a thu thu hen a siam hen a lawnh, finghnâk leh theihthiamnâk pêktu chu asi.

ZEPHANIAH 2:3

Nannih LALPA thupêk ngâi hen nâu tak hen ram lakah um mi zawzawng tla, LALPA leiah a hawi u. LALPA lakah nâu tak hen um ule, thil dik ti u. LALPA nih a thinrunhnâk a hawng langh ni ah rêp nan âwl kekkawk lai mawh.

NUMBER 12:3

(Mosi chu tual tlûnah mi zawzawng ngâk hen nâu tak hen um mi asi.)

MATHAI 11:29

Ka liangbat a bat ule, ka sinah a sîn u; dawnh kho mi leh thinlung ah â nâutir mi tak kasi; chun, nan thlarau rangah dinhnâk nan tawng lai.

MATHAI 21:5

na sinah a hawng kal awt ti hen, Zion fanu chu simh rawh,” ti hen, khuavâng kâ ah a sim mi kha a hawng tlung khonâk ding hen chubang chu a hawng um rawh asi.

MATHAI 5:5

“Â dawnh kho mi tla chu an thaw a suak, tual hi an luah awt ruangah!

MATHAI 7:24

“Chuvachun, mikip hi bang ka thu theih hen zâwttu zawng chu, mi fing lungpi tlûnah in saktu hen tahṭhimh ding asi.

1 KORIN 6:5

Nan ningzaknâk ding hen ka sim asi. A unau tla kar lakah thu thlûk kho mi mi fing pakhat tal nan lakah nan tawng kho lo menmaw!

2 KORIN 10:1

Chun, kei Pawl, nan lakah nan mitmuh ah dawnhkho tak a um hen nan sinah ka um lo kâ hen nanmah leikângah iam tâwn mi nih hin Krist ṭhatnâk leh nunnêmnâk hen kan ngiar na.

2 KORIN 8:24

Churuang chun, nan zângfah ti theihnâk leh kan putso na mi theihnâk chu kawhmi murui mâika ah chun an sinah langhtir u.

GALATIA 5:23

zumhkainâk, mi tangah dawnhkhonâk, sûmkhonâk tla asi dauh; chu hawi kalh kâng hen Dân thupêk rerêng a um lo.

GALATIA 6:1

Unau tla, mi nih sual zeital a ti liauah tanh sut hen um sele, nannih Thlarau mi le tla, “Lêmnâk ka tawng sual bâk lai,” ti a vêng bû hen chu hâwi mi chu dawnhkho tak hen dirh nawlh u.

GALATIA 6:4

Mikip mah thilti a nik chiau seh, chu nûn chun midang tlûn silo hen mah lak cho ah putso ding a nei lai.

EPHESI 4:2

dawnhkhonâk nei hen, remnâk phuarnâk ah chun Thlarau ah a pumkhatnâk chu kil ding a ti hen,

PHILIPI 1:27

Zeikhawm si sele, nan umdân chu Krist Thâwngthâng Ṭha hen a êp ta seh, chun, nanmah tla an veh na khawmsele, nan sinah um lo khawmsele thlarau munkhat ah dîr thlir hen thinlung munkhat ah Thâwngthâng Ṭha lungnâk thu chu ṭanh leh ṭuan dut hen,

KOLOSA 3:12

Chun, Pathian mi thîm, mi thenhlimh leh duhtak tla hâwi hen siherhnâk thinlung tla, vêlneihnâk thinlung tla, ngâiniamnâk tla,

1 TIMOTHE 4:12

Na ngâksianâk âukhawm nih zauhnawmh lah seh, thusim leikâng tla, changh dân tla lakah, na dâwtnâk, zumhnâk leh thenhlimhnâk lakah lungtu tla zauhtawnh ding hawng si rawh.

1 TIMOTHE 6:11

Sikhawmsele, nang, Pathian mi chubang thu chu tektâk le, repnâk, Pathian sunhsaknâk, lungnâk, dâwtnâk, dawnhkhonâk leh nunnêmnâk tla chu zûl rawh.

2 TIMOTHE 2:25

do ding a tuah mi tla chu dawnhkho tak bû hen sîntir lehlam ding asi; chuvachun Pathian nih thudik chu an theih rangtlingnâk ding hen a rimtir ving hen,

TITA 3:2

ṭhatlo rawt lo ding leh mi zawzawng lakah dawnhkhonâk kip langhtir hen nun ṭha ding hen anmah tla theihtir nawlh rawh.

HEBRAI 13:5

Nan thinlung put zia chu tangka sunhsaknâk tel lo si seh, nan thil neihlem tla tlûnah chun lungâwi u. Pathian nih, “Zeitik khawm ah ka nan thlahthlamh rîlmâl lai lo le, ka nan kaltâk rîlmâl lai loh,” a ti ruangah.

JEM 1:21

Chîng dân nâwmtâm leh sual kip thawk hen a thlei u. Pathian sinah a pêk ule, chun nan thinlung ah tuh hen a um mi Pathian thu, ruang an suah kho natu chu pawm u.

JEM 2:18

Sikhawinsele, mi âunih mawh, “Nangnih lungnâk na nei le, kei nih thilti ka nei asi, na lungnâk chu na thilti tello hen, hawng ka zauhtir rawh, chun kei nih ka thilti hen ka lungnâk chu ka nan zauhtir lai.

JEM 3:1

Ka unau tla, nan lakah mi tam tak hi, sîntirtu ah um lah u, kannih sîntirtu tla nih lâirêlnâk fâk khun midang ngâk hen fâk kan tawng lai ti nan theih.

JEM 3:17

Sikhawmsele, tlûnlei thawk hen a hawng suak mi finghnâk lam chu, a masa chem hen a thenhlimh le, chu nûnah chun remnâk a duh, a nunnêm le, a kawmh a nuam le, zângfahnâk leh thil ṭha ti hen a khat le, thlei bîk a nei lo le, a perpê lo asi.

1 PETER 1:15

An kawh natu Pathian chu a thenhlimh hâwi hen, nan thilti zawzawngah a thenhlimh u.

1 PETER 2:12

Lunglotu tla lakah nan changh zia chu ṭha tak si seh; chun thilsual titu tla hâwi hen an simsiat na mi lakah chun nan thil ṭha ti tla an theihthiam tikah a hawng kalnâk Ni ah Pathian an chawnglawmh kho lai.

1 PETER 2:9

Sikhawmsele, mûi ah mi suak hen, a chêu chê tak ah lût ding hen a nan kawh natu Pathian thilchê ti tla nan langhtir khonâk ding hen, nannih chu phun thîm, Lalchem bâwlpu tla, phun thenhlimh, Pathian mi tak nan si.

1 PETER 3:4

Chu ngâk hen chun nan sunglei diknâk tel sih hen, Pathian mitmuh ah sung tak, thlarau nunnêmnâk leh lungngamnâk dawhnâk hen thuam si dauh seh.