JEM 2:8 - Bawm Common Language Bible Version

⁸ Pathian lasui thu nih, “Nangmah na dâwt hâwi hen na zâwlbâwm tla na dâwt ding asi,” ti mi Pathian Ram dân nan zawt chun nan ti dik asi.

JEM 2:8 ပူးပေါင်းရင်းမြစ်များ

1 Lal 8:18

sikhawmsele, LALPA nih a sinah, ‘Ka rangah Biakin sak na duh mi hi na ti dik asi.’

2 Lal 7:9

Churawhchun, anmah leh anmah anna sâwn le, “Hi hâwi kan ti ding asi lo! Thâwngthâng ṭha tak kan nei mi hi pheh ding asi loh, thâizîng tiang kan um ko chun rêp kan tawng ngelchel lai, kan kal reh lai le, lal rianṭuantu tla kan simh na lai,” an ti.

LEVITICUS 19:18

Âukhawm lehrul sam hen hua kumza lah. Sikhawmsele nangmah na dâwt hâwi hen na zâwlbâwm dâwt rawh. Kei, LALPA chu kasi.

LEVITICUS 19:34

Nanmah Israel mi tla hâwi hen zauh na u, nanmah nanna dâwt mi hâwi hen dâwt na u. Aigupta ram ah nan um liauah ramdang mi nan si mi kha theihkumza u. Kei, LALPA nan Pathian kasi.

JONA 4:4

LALPA nih a sâng le, “Nang rangah thinthawk ding zei a um?” a ti.

JONA 4:9

Sikhawmsele Pathian nih a sinah, “Hi thil a hawng kho mi thu ah nang zei thinthawk ding a um?” a ti. Jona nih a sâng le, “Thinthawk lo chun ne? Thih tiang a thawk awt!” a ti.

MATHAI 22:39

Chun, a sangtu chu hi hi asi: ‘Nangmah na dâwt hâwi hen na zâwlbâwm tla khawm na dâwt ding asi,’ ti hi.

MATHAI 25:21

Anih nih chun a sinah, ‘To-aw ṭha leh zumhkâi, na ti zia a ṭha, tâwmtê tlûnah zumh na kâi le, tam tak tlûnah ka nan umtir lai; na pu lâwmnâk ah lût rawh,’ a ti.

MATHAI 25:23

A pu nih chun a sinah, ‘To-aw ṭha leh zumhkâi na ti zia a ṭha; tâwmtê tlûnah zumh na kâi le, tam tak tlûnah ka nan umtir lai; na pu lâwmnâk ah lût rawh,’ a ti.

MATHAI 7:12

“Chuvachun, thil zeizawng mi nih nan tlûnah ti sele, nan duh hâwi hen mi tlûn khawm ah ti bâk u; chu chu Dân leh khuavâng tla thu asi rêng asi.

ROM 13:10

Dâwtnâk nih zâwlbâwm tla a râwk dahlo; churuangah dâwtnâk hi Dân zawh rangtlingnâk asi.

GALATIA 5:14

“Nangmah na dâwt hâwi hen na zâwlbâwm tla na dâwt ding asi,” ti thu kâ khat nih hin Dân thu zawzawng chu a rangtlingtir rawh asi.

GALATIA 6:2

Nan thilrit phurh tla chu a sâwng tawnh u, chun Krist dân thu chu nan zâwt mi asi lai.

PHILIPI 4:14

Sikhawmsele, ka lawksawngnâk tla ah hin nan ka lawksawngpi hi a ṭha asi.

1 THESALONIKA 4:9

Khawmsele, unau tla, dâwt leikâng thu chu rîn piak nan herh lo, a dâwt tawnh ding hen nanmah ngelchel Pathian sîntir hen nan um ruangah.

JEM 1:25

Sikhawmsele, ruangsuahnâk dân rangtling minung tla suahtu chu zauh hen, zâwttu si hen, ngâi salam leh philhtu silo hen, zûltu chu a thilti Pathian nih mal a sâwm lai.

JEM 2:12

Churuangah, thawsuaknâk dân hen lâirêl piak a um ding mi tla hâwi hen thu sim ule, thil khawm ti tâwn u.

JEM 2:19

Pathian chu pakhat asi ti na lung mu? A ṭha, khuri tla khawm nih an lung le, lâu hen an thir tâwn,” a ti lai.

JEM 4:11

Ka unau tla, pakhat leh pakhat a sâwi tawnh lah u. Âuzawng a unau sâwitu mawh, simsiattu chu Dân a simsiat hen a sâwi asi. Dân na simsiat chun Dân zâwttu na si lo le, a sâwitu na si dauh asi.

1 PETER 2:9

Sikhawmsele, mûi ah mi suak hen, a chêu chê tak ah lût ding hen a nan kawh natu Pathian thilchê ti tla nan langhtir khonâk ding hen, nannih chu phun thîm, Lalchem bâwlpu tla, phun thenhlimh, Pathian mi tak nan si.