JEM 2:5 - Bawm Common Language Bible Version

⁵ Unau tla, ngâinik u, Pathian nih chun hi laikulh ah mipâm tla chu lungnâk nei tam ding leh amah dâwttu tla sinah Ram a tiamh mi luahtu ding hen a thîm na asi.

JEM 2:5 ပူးပေါင်းရင်းမြစ်များ

1 Lal 22:28

Mikaiah nih, “Him tak hen na hawng kîr chun LALPA nih keimah mang hen thu a sim lo mi asi lai!” a ti. “Thu ka sim mi kha mikip nih ngâi chiau u!” ti hen a sap.

JOB LASUIBU 34:10

Nannih theihthiamtu tla, ka thu ngâi u! Pathian zeizawng tikho nih thilsual a ti lai ma?

JOB LASUIBU 34:19

Lâirêltu lei khawm â ṭângṭawm lo, mipâm hua hen minei a sunhsak lêm lo le, mikip chu amah siam mi an si ruangah.

JOB LASUIBU 38:14

Sûn nî chêu nih tlâng leh tivakuam tla chu nipuan thlep mi hâwi hen a langhtir le, nêng lakah dehnâk an deh mi hâwi hen a fiang.

EXODUS 20:6

Sikhawmsele, hawng ka duhtu leh ka dân zûltu tla chu, an thlâk tla, san sâng tiang hen ka dâwtnâk an sinah ka langh lai.

THUFING LASUIBU 13:7

Zeimaw mi chu minei hâwi hen anna tuah le, sikhawmsele zeikhawm an nei lo. Midang nih mipâm hâwi anna tuah le, sikhawmsele vânṭhatnâk anna ting.

THUFING LASUIBU 7:24

Ka fapa tla, tuah ka thu ngâi u. Ka thusim lakah nan nâ dawnh u.

THUFING LASUIBU 8:32

“Tuah, tlangvâl tla, ka thu ngâi u. Thu ka sim mi hâwi hen ti ule, lâwptlo tak hen nan um lai.

ISAI 14:32

Philistia ram thawk hen mifial a hawng mi chu zeitin kan sâng na lai? LALPA nih Zion chu a birhtir le, tuartu a mi le tla nih chun chunah chun himnâk an tawng lai ti hen kan simh na lai.

ISAI 29:19

Mipâm leh mi nâutâ tla chu LALPA Israel Pathian thenhlimh nih lâwmnâk a pêk na mi an tawng nawlh lai.

ZEPHANIAH 3:12

Mi thinlung nâu leh niam tak, ka sinah ṭangpi duh hen hawngtu cho chunah ka siah na awt.

ZEKARIA 11:11

Chu ni ah chun thudântuk chu râwk asi rawh. Hi bang dawrâ rual châwktu leh zuartu nih hin an ka zauh thlingthlâk le, ka thilti lakah LALPA nih thu a sim mi asi ti an theih.

ZEKARIA 11:7

Dawrâ tla châwktu leh zuartu nih an hawng ka mang le, thahnâk ah put ding mi dawrâ rual vêngtu ah ka chang ving. Ṭhianṭhunh panih ka lâk le, pakhat chu “Sunhsak mi” a dang pakhat chu “Thurualnâk” ka ti. Churawhchun, ranrual chu ka zauhkhenh.

MATHAI 11:5

mitchâw tla an mit a dei rawh, ke khêng tla kê hen an kal rawh, phâr tla an thiang rawh, nasêt tla khawm an nâ a fîm rawh, mithi tla khawm thawh hen an um rawh, mipâm tla sinah Thâwngthâng Ṭha sim asi rawh.

MATHAI 25:34

Chu tikah chun Lalchem nih chun a vawrhlei ah mi tla sinah, ‘Ka Pa malsâwm mi tla, hawng ule, laikulh siam tîr thawk hen nan rangah Ram timhtuah mi chu a ting u.

MATHAI 5:3

“Thlarau leikâng ah thinlung hamh mi tla chu an thaw a suak; Vân Ram an tâ asi ruangah!

MARK 7:14

Chun, mi zapi tla chu a kawh nawlh le, an sinah, “Nan ektê hen ka thu hi ngâi chiau ule, theihthiam u:

LUK 12:21

“Mah rangah neih khawng hen, Pathian leiah khawng lo mi chu, chu hâwi chu asi tâwn,” a ti.

LUK 12:32

“Murui tâwm tla, lâu lah u; ram an pêk na mi hi nan Pa lawmhkâng tak asi.

LUK 16:22

“Chun, kutdawnh chu a thi le, vânmifial tla nih an put le, Abraham ṭângkâ ah an siah. Minei khawm chu a thi le, phûm hen a um rawh.

LUK 16:25

“Sikhawmsele, Abraham nih, ‘Ka fapa, nangnih na dam liau khan thil ṭha na ting le, chu hâwi ber hen Lazar nih thil ṭhalo â ting mi kha theih rawh; sikhawmsele, tuah anih chu hinah lungngam tak hen a um le, nang lam chu na hamh makha.

LUK 22:29

chun ka ram ah ka dawhkân ah nan din hen nan ei khonâk ding hen ka Pa nih Ram hawng ka ruat piak mi hâwi hen Ram ka nan ruat piak na asi; chun, Israel phun leinih lâirêl piak hen laltophah ah nan to lai.

LUK 6:20

Chun, a vân a tâu le, a ṭhiruai tla chu a zauh na le, “Nannih ngâkṭah tla, nan thaw a suak, Pathian Ram nan tâ asi ruangah!

JOHAN 7:48

Lâirêltu tla leh Farisai tla lakah mi rerêng amah zumhtu an um mazei?

THILTI 7:2

Chun, Stephen nih, “Unau tla, pa tla, ngâinik u! Kan thlâktu Abraham, Haran khua ah a um lânah Mesopotamia ram ah a um liau khan rokualnâk Pathian chu a sinah a hawng a langh le,

ROM 8:17

Chun, fa tla kan si chun ro tingtu tla kan si le, Pathian ro tingtu, Krist tingpitu tla kan si. Jisu kan tuarpi tatak chun a sinah chawnglawmh hen kan um bâk lai.

1 KORIN 2:9

Pathian lasui thu nih, “Mit nih muh dahlo, nâ nih theih dah loh, minung thinlung a lût dah loh, Pathian nih a dâwt mi rangah a timhtuah mi vial tla chu,” ti hen, a sim hâwi khan.

2 KORIN 4:15

Zeizawng nanmah ṭhatnâk ding asi, zângfahnâk chu mi tam dauh rangah pungtir hen a um, Pathian rokualnâk ding hen lâwmthu cherkhet a simtir khonâk ding hen.

2 KORIN 6:10

ngaihsia hâwi hen, sikhawmsele lâwm kumza ṭung hen, mipâm hâwi hen, sikawmsele mi tam tak neitir ṭung hen; zeikhawm nei lo hâwi hen, sikhawmsele zeizawng nei ṭung hen.

2 KORIN 8:9

Kan Lalpa Jisu Krist zângfahnâk chu a pâmnâk ruangah nan hawng nei khonâk ding hen, nei khawmsele nanmah ruang takah a hawng pâm mi kha nan theih asi.

EPHESI 1:18

Chun, nan thinlung mit tla deitir a um hen amah kawhnâk lungumnâk tla hen mi thenhlimh tla lakah chun a ro ting ding rokual chawng zia tla,

EPHESI 3:8

Phundang tla sinah Krist neihsiahnâk sût châwklo rê thâwngthâng sim ding leh thuthup zungzâl thawk hen Pathian zeizawng siamtu lakah thuh hen a um mi zauhkhenhnâk chu zeise asi ti, mi mêchem ngâk a mê dauh sinah chu zângfahnâk chu pêk asi.

2 THESALONIKA 1:5

Pathian lâirêlnâk rep tak singsiahnâk fiang tak asi, chu ram ruangah tuar nan si hi.

1 TIMOTHE 6:18

Thil ṭha ti ding hen, thil ṭha ti tam ding hen, hawk hen, midang tla vauh bâk ding hen simh na.

2 TIMOTHE 4:18

Lalpa nih chun sualnâk zawzawng lakah mi a ka suah lai le, a vân ram ah him tak hen hawng ka tlunh lai, amah chu zungzâl hen rokual hen um seh. Amen.

2 TIMOTHE 4:8

tuah lam chun repnâk lallukhuh chu ka rangah siah hen a um rawh; chu chu Lalpa lâirêltu rep tak nih chun chu ni ah a hawng ka pêk lai. Ka sinah cho silo hen, a langhnâk awrhtu kip tla sinah khawm.

HEBRAI 11:26

Mesia ruangah tuarnâk chu Aigupta ram rothil tla ngâk hen sum rokual dauh ah a ruat le, mâilei ah lâwmman pêk ding mi chu a chuanh ruangah.

JEM 1:12

Niknâk lakah zumhkâi tak hen um kumzatu chu a thaw a suak! Niknak chu a tuar kho tikah chun, nungnâk lallukhuh pêk asi lai; chu chu Pathian nih amah dâwttu tla rangah pêk ding hen a tiamh na mi lâwmman chu asi.

JEM 1:16

Ka unau duhtak tla, perpet hen um lah u.

JEM 1:19

Unau duhtak tla, hi hi theih u, mikip nih thu ngâi ding a chuh sele, thusim chu a chuh lah sele, thin sâu seh.

JEM 1:9

Unau mipâm chu Pathian nih a sângtir tikah a lâwm seh,

1 PETER 1:4

Churuangah, a mi tla rangah Pathian nih a siah mi malsâwmnâk rokual tak tla ting ding hen kan chuanh asi. Chu tla chu râwkkholo leh, nâwmtâm kâi lo leh nawh kholonâk mun vân ah nan rangah a nan kil piak na asi.

2 PETER 1:11

Hi hâwi hen, Jisu Krist kan Lalpa leh ruangsuahtu zungzâl ram ah lût khonâk chu pêk nan si lai.

THUPHUANG 2:9

Nâ hamh zia tla, na pâm zia tla ka theih le, sikhawmsele, na nei ṭung fâwn! Juda tak silo hen, Juda kan si titu, Setan murui lakah mi tla nih a nan simsâwi mi chu ka theih.

THUPHUANG 21:7

A nehtu vial nih chubang tla chu ka sinah mi a tawng lai le, anih chu ka fa asi lai.

THUPHUANG 3:18

Minei na si khonâk ding hen ka sinah mi, ngûn thenhlimh châwk ding hen ka nan simh asi. Puanvâr na aih ding hen leh na takkaro ningzakkâi tak chu khuh ding leh na mit ah buaih ding hen mit fâk turpâng tla châwk ding ka nan simh asi, na muh khonâk ding hen.

LÂIRÊL 9:7

Chu thu chu Jotham nih a theih le, Gerizim tlâng tlûnah a kal le, a va dîr le, a auh na, “Nannih Sekem mi tla, ka thu ngâi ule, Pathian nih nannih thu khawm ngâi seh!

1 SAMUEL 2:30

Kei, LALPA, Israel Pathian nih a lân thawk hen na dâwngsung tla leh na thlâk tla nih chun zeiliau zawng ah bâwlpu rian ka lakah an ṭuan lai ti hen kan tiamh rawh mi asi. Sikhawmsele, tuah chu chu ka ti awtlo rawh ti ka sim asi! Chu hâwi ngangâk hen keimah zahtu chu ka zah bâk lai le, keimah zauhnawmhtu chu ka zauhnawmh bâk awt.

1 SAMUEL 2:8

Mipâm tla chu valeidip ah mi a châwi le, ṭangpi herh tla chu anna hamhnâk lakah mi a thawh na. Lal fa tla chu hawikawmh ah a siam na le, mi zahkâi dîrmun ah a umtir na. Tual hi Lalpa tâ asi; chunahchun laikulh hi a dirh.