JEM 2:25 - Bawm Common Language Bible Version

²⁵ Chu hâwi ber hen, Rahab â zuar mi nunau khawm nih khan, Israel mifial tla a lawmh na le, lampi dang lei hen a tlungtir na liau khan thilti ruangah mawh lo hen a um asi lo mazei?

JEM 2:25 ပူးပေါင်းရင်းမြစ်များ

MATHAI 21:31

Chu minung panih nih chun zei mi dauh nih me an pa duhzia an ti?” a ti. Annih nih chun, “A masa dauh mi nih,” an ti. Jisu nih an sinah, “Thungâi tak hen ka nan simh na, siah khawlhtu tla leh nunau â zuar mi tla nih chun Pathian Ram an lût khalh na awt ma hi!

THILTI 17:7

Hi tla zawzawng hi, ‘A min Jisu, lal dang a um,’ ti hen, Kaisar thu kalh hen an um tâwn asi,” an ti.

HEBRAI 11:31

Lungnâk hen Rahab â zuar mi nu kha lunglo tla lakah thah bâk asi lo le, thlingthlâktu tla a lawmh na ruangah.

JEM 2:18

Sikhawinsele, mi âunih mawh, “Nangnih lungnâk na nei le, kei nih thilti ka nei asi, na lungnâk chu na thilti tello hen, hawng ka zauhtir rawh, chun kei nih ka thilti hen ka lungnâk chu ka nan zauhtir lai.

JEM 2:22

A lungnâk leh a thilti hen munkhat hen a ṭuan le, chun, thilti ruangah a lungnâk chu a rangtling rawh ti na theih.

JEM 2:24

Mi nih Pathian sinah mawhlonâk â ting tâwn mi chu lungnâk ruang lâwng silo hen, thilti ruang khawm ah asi ti nan theih asi.

JOSUA 2:1

Josua nih thlingthlâktu panih Akasia ah mi riakmun thawk hen a thup hen Kanaan ram ah mi Jeriko khua zauh ding hen a fial na. Khuapi ah an va lût le, nunau â zuar mi Rahab in ah, zân ah an riak.

JOSUA 2:15

Rahab in chu khuapi kulh sungah asi le, churawhchun thlingthlâktu tla rî hen langawtkawt ah a thlâk na.

JOSUA 2:16

An sinah, “Tlâng ram ah kal ule, lalchem minung tla nih an hâwl na awt asi, an hawng kîr lânlo chu chunah ni thum va a thup u, chu tikah nan kalnâk ding mi leiah nan kal kho lai,” a ti na.

JOSUA 2:4

“Ka in ah mi zeimaw mi chu an hawng le, a zei lei mi minung me an si ti lam chu ka theih loh. Nî tlâk lânah kulh an khâr lântê ah an suak ving rawh, an kalnâk khawm ka theih loh. Sikhawmsele, an dunglei ah nan ṭhâwl sawm chun nan tleih kho lai dahmawh,” ti hen a sâng. (Rahab nih thlingthlâktu chu in tlûnah a kalpi na le, lapawng a siah mi tlûnah a thuh na.)

JOSUA 6:17

Khuapi leh a sungah mi thil zeizawng LALPA rangah bâwlnâk ding hen veih hep ding asi. Rahab â zuar mi nunau leh a dâwngsungkhur tla cho zuah ding asi, anih nih kan lakah thlingthlâktu tla a thuh na ruangah.