JEM 2:23 - Bawm Common Language Bible Version

²³ Pathian lasui thu nih, “Abraham nih chun Pathian a lung le, chu a lungnâk ruangah Pathian nih mirep ah a ruat,” ti mi kha a dik asi. Abraham chu Pathian hawipa ah siam hen a um asi.

JEM 2:23 ပူးပေါင်းရင်းမြစ်များ

GENESIS 15:6

Abram nih LALPA a rinhsanh, churuang chun LALPA nih a lawmh le, a thinlung a tawng.

1 Lal 4:5

Ram ṭhen mi bial khat lakah hotu tla chu: Azariah fapa Nathan Lal krai pêktu lian chu: Nathan fapa Zabud bâwlpu

2 CHRONICLES 20:7

Nang chu kan Pathian na si. Na mi Israel tla hi ram ah na hawng ṭhial na liauah hi ram ah um mi minung tla chu na nar na le, na hâwipa Abraham thlâk tla rangah ram chu na tâ si kumza ding hen na pêk na.

JOB LASUIBU 16:21

Âunih mawh Pathian sinah mi nih a hâwi rangah a ngiar piak mi hâwi hen, hawng ka ngiar piak sele ka duh.

EXODUS 33:11

LALPA leh Mosi chu mah minung hâwi anna sâwn mi bang hen mâitawnh hen LALPA nih Mosi chu a sawnh lai. Churawhchun, Mosi chu riakmun leiah a lâwi lai rawh. Sikhawmsele amah ṭângpitu tlangvâl, Nun fapa Josua chu Puanin ah a um ko ding asi.

ISAI 41:8

“Sikhawmsele, nannih Israel ka to-aw tla, ka hâwipa Abraham thlâk ka nan thîm na mi nan si.

MARK 12:10

Hi Pathian lasui thu hi nan rêl lo mazei? “ ‘In saktu tla duh lo mi lung kha, chu tak chu a kil ah lung herh chem a hawng si rawh.

MARK 15:27

Chun, amah rual hen chun rawkmang panih an khenhbêk na bâk; a vawrhlei ah pakhat, a kehlei ah pakhat.

LUK 4:21

Chun, an sinah, “Hi Pathian lasui thu hi tusûn ah hin nan nâ theih ah a hawng tlung rawh,” ti hen sim a dawmh rawh.

THILTI 1:16

“Unau le tla, Thlarau Thenhlimh nih, David kâ ah, Jisu tleihtu tla ruitu Juda thu a simhkan mi kha, kha Pathian lasui thu kha a hawng tlung ding rêng asi.

ROM 11:2

Pathian nih a theihkan mi tla chu a lawnh lo. Pathian lasui thu nih Elija thu a sim mi hi nan theih lo ma? Anih nih chun Israel mi tla thu Pathian sinah a tlunh le,

ROM 9:17

Pathian lasui thu nih Pharoa sinah chun, “Hi ruang hin ka nan dirh le, nangmah lakah chun ka thiltikhonâk ka zauhtir khonâk ding hen leh laikulh zawzawngah ka min a thang khonâk ding hen,” a ti asi.

GALATIA 3:22

Sikhawmsele, Jisu Krist lungnâk ruangah thil tiam chu a lungtu tla sinah pêk asi khonâk ding hen Pathian lasui thu nih chun sual tangah zeizawng a khâr ver.

GALATIA 3:6

Abraham nih Pathian a lung le, chun chu lungnâk chu repnâk ah ruat asi hâwi khan.

2 TIMOTHE 3:16

Pathian lasui thu kip, Pathian thaw khumh hen pêk rawh mi chu sîntir leikâng tla ah, mawhtir leikâng tla ah, nunsimh leikâng tla ah, repnâk sîntir leikâng tla ah a ṭhavak ber asi.

JEM 2:24

Mi nih Pathian sinah mawhlonâk â ting tâwn mi chu lungnâk ruang lâwng silo hen, thilti ruang khawm ah asi ti nan theih asi.

1 PETER 2:6

Churuangah, Pathian lasui thu nih, “Lung sung tak chu ka thîm le, Zion ah a ki ah ka siah; chun, âuzawng amah zumhtu chu an lungdawng lai loh,” ti hen a sim hâwi khan.