JEM 2:19 - Bawm Common Language Bible Version

¹⁹ Pathian chu pakhat asi ti na lung mu? A ṭha, khuri tla khawm nih an lung le, lâu hen an thir tâwn,” a ti lai.

JEM 2:19 ပူးပေါင်းရင်းမြစ်များ

ISAI 43:10

“Israel mi tla, nannih chu keimah theihpitu nan si; ka to-aw siding hen kan thîm na le, nan ka theih hen nan ka lung hen keimah cho Pathian kasi ti nan theihthiam khonâk ding hen. Keimah lo chu pathian dang rêng a um lo; a lân khawm a um dahlo, hi nûn khawm ah a um rerêng lai lo rawh.

ISAI 44:6

LALPA, Israel lâirêltu leh humtu, LALPA Zeizawng tikho nih hi hi sim ding a nei: “Kei a masa chem leh a madung chem Pathian pakhat cho kasi; keimah lo chu pathian dang âukhawm a um lo.

ISAI 44:8

Ka mi tla, ṭih lah u! A lân thawk hen tutiang hen thil a hawng tlung ding hen ka simkan mi chu nan theih le, nannih chu hawng ka theihpitu tla nan si. Pathian dang rerêng a um ma? Ka theih dahlo mi pathian thiltikho tak a um ma?” a ti.

ISAI 45:6

Laikulh khatlei dawnghnâk thawk hen khatlei dawngh tiang mikip nih LALPA kasi ti leh pathian dang rerêng a um lo ti an theih khonâk ding hen hi hi ka ti mi asi.

ISAI 46:9

A lânah thil a hawng um mi chu theihkumza ule, keimah cho Pathian kasi zia theihtir u, Keimah hâwi midang âukhawm an um lo.

JONA 4:4

LALPA nih a sâng le, “Nang rangah thinthawk ding zei a um?” a ti.

JONA 4:9

Sikhawmsele Pathian nih a sinah, “Hi thil a hawng kho mi thu ah nang zei thinthawk ding a um?” a ti. Jona nih a sâng le, “Thinthawk lo chun ne? Thih tiang a thawk awt!” a ti.

ZEKARIA 14:9

Churawhchun, LALPA chu tual pumpi tlûnah lal asi lai le, mikip nih amah chu an sawnh lai le, a min an theih dân â bang rang lai.

MATHAI 8:29

Chun, annih nih chun, “Pathian Fapa, kannih leh nang zei kanna tlâinâk um? Tik tiamh tling lânah hawng kan rêp ding hen na hawng mi masi?” ti hen an âu.

MARK 1:24

“Nazaret Jisu, kannih leh nang zei me kanna tlâinâk um? Hawng kan veih ding hen na hawng mi masi? Nang ka nan theih, Pathian Mi Thenhlimh na si,” ti hen a âu sawm rawh.

MARK 12:29

Jisu nih, “Thupêk herh chem chu hi hi asi: ‘Israel tla, ngâi u, Lalpa kan Pathian chu Lalpa pakhat cho asi le;

MARK 5:7

Chun, aw-hâu fakpi a âu hen, “Jisu, Pathian Chungnung chem Fapa, kei leh nang zei me kanna tlâinâk um? Hawng ka rêp lo ding hen Pathian min hen ka nan ngiar chiam asi,” a ti.

MARK 7:9

Chun, amah nih an sinah, “Nanmah thurovuih chu nan tleih khonâk ding hen Pathian thupêk tla nan duh lo hi a ziazâng thungâi nan theih a!

LUK 4:34

“A! Nazaret Jisu, kannih leh nang zeime kanna tlâinâk um? Hawng kan veih ding hen na hawng mi masi? Nang ka nan theih asi, Pathian Mi Thenhlimh na si,” ti hen a âu.

JOHAN 17:3

Hi hi zungzâl nungnâk asi, nang Pathian tak cho leh na fial mi Jisu Krist theih hi.

THILTI 16:17

Chu minung nih chun Pawl leh kanmah a hawng kan zûl le, “Hi bang minung ruangsuahnâk lampi simtu tla hi Chungnungchem Pathian to-aw an si,” ti hen a âu.

THILTI 19:15

Sikhawmsele, khuri nih an sinah, “Jisu ka theih, Pawl khawm ka theih, nannih lam chu âu me nan si,” a ti na.

THILTI 24:25

Chun, Pawl nih chun repnâk thu tla, sûmnâk thu tla, lâirêlnâk hawng um ding mi thu tla chiamcheriam hen a sim liauah Felik chu thungâi a lâu le, “Kal ko rih, a dêngkhâwng tik zawng ah ka nan kawh lai,” a ti.

ROM 3:30

Juda tla chu an lung ruangah mawhtirlonâk ding leh Phundang tla chu an lungnâk ruangah mawhtirlotu ding thu Pathian pakhat cho asi chun Phundang tla Pathian khawm asi bâk lai ta a.

1 KORIN 8:4

Chun, ruk tla lakah bâwlnâk thil ei leikâng thu ah chun, ruk chu zeikhawm asi lo zia Pathian pakhat cho lo chu Pathian dang rerêng a um lo ti kan theih.

1 KORIN 8:6

Amah sin thawk hen zeizawng a suak le, kannih khawm amah rangah um kan si; Lalpa pakhat cho Jisu Krist chu a um, amah ruangah zeizawng a um, kannih khawm amah ruang ber ah um mi kan si.

GALATIA 3:20

Chun, rêl rerêng mi pakhat sinah asi dah loh, Pathian lam chu pakhat asi.

DEUTERONOMY 6:4

“Israel tla, hi hi theih u! LALPA, LALPA amah cho chu kan Pathian asi.

1 TIMOTHE 2:5

Pathian pakhat cho a um le Pathian leh minung karah thu lanhtu pakhat a um, chu chu Jisu Krist asi.

JEM 2:8

Pathian lasui thu nih, “Nangmah na dâwt hâwi hen na zâwlbâwm tla na dâwt ding asi,” ti mi Pathian Ram dân nan zawt chun nan ti dik asi.

JUD 1:4

Pathian thu lunglo tla a thup hen kan sinah an hawng lai le, Pathian zângfahnâk thu chu râwk hen anmah duhzia a um tum hen Jisu Krist kan Lal leh Hotu an duh lo, hi mawh hen an um ding mi tla hi a lân thawk hen Pathian lasui thu nih a sim ving rawh asi.

JUD 1:6

Vânmifial anmah thuneihnâk tâwk ri duh lo hen, an mun kaltâktu tla chu, mawhtir hen an umnâk ding Ni rokual tak rangah zungzâl chikchîn hen Pathian nih phuar hen mûi ah a siah na mi chu theihkumza u.

THUPHUANG 20:10

Chun, anmah perpettu Diabol chu, sarâng leh khuavâng telê umnâk mei leh kât zur ah an lawnh rawh, chun, zungzâl hen sûn leh zân hen rêp hen an um lai rawh.