JEM 2:13 - Bawm Common Language Bible Version

¹³ Khua a ruat lo mi minung chu Pathian nih lâi a rêl tikah a tlûnah khua a ruat bâk awtlo, sikhawmsele, khuaruatnâk nih chun lâirêlnâk a neh.

JEM 2:13 ပူးပေါင်းရင်းမြစ်များ

GENESIS 42:21

“Tuhin hi bang kan tuar mi tla hi kan nau tlûnah kan thilti diklo tla kan lakah a hawng tlung mi asi hi, anih nih a lawksawng liauah hawng kan ngiar ṭualmâl liau khawm ah ngaih-lo-lêm kan thlâk piak thlo. Churuang tak ma hi tuah nawknâk leh lawksawngnâk kan tawng mi hi,” ti hen anna ruah.

2 CHRONICLES 28:11

Ka thusim ngâi u! Hi bang sal ah nan tleih na mi hi nan unau leh nan far tla an si. Tuah thlah na u, chu hâwi asi lo chun LALPA a thinrun lai le, a nan rêp na lai,” a ti na.

SAM 18:25

LALPA, mi zumhkâi sinah chun zumh na kâi le; mi ṭha rangtling sinah chun na ṭha rangtling.

SAM 85:10

Dâwtnâk leh zumhkâinâk anna tawng lai; repnâk leh thlangamnâk anna tlâi.

THUFING LASUIBU 21:13

Mipâm tla ṭap hâu ngâi ding na duh lo mi asi chun, na âu hâu mi âukhawm nih an ngâi piak lai lo.

THUFING LASUIBU 22:16

Minei tla rangah thil na pêk hen, nei ding na duh ruangah a pâm mi tla na nâuneh chun nangmah ngelchel na pâm lai.

ISAI 27:11

Thing ṭeng tla chu a uai hen a kiak le, nunau tla nih tih ding ah an khawmh. Mi le tla nih theihthiamnâk zeikhawm an nei lo ruangah, Pathian an siamtu nih an lakah siherhnâk leh khuaruatnâk zeikhawm a langh lo.

JEREMIA 9:24

Mi nih putso ding mi a duh chun, keimah hawng ka theih mi leh hawng ka theihthiamnâk putso seh, ka dâwtnâk chu a dawnglo hen repnâk leh diknâk ka ti ruangah. Chubang tla nih hawng ka lawmhtir. Kei, LALPA nih ka sim asi,” a ti.

EZEKIEL 33:11

Kei, LALPA Zahkâi Pathian nung kasi sung zawng chu ka mitmuh hen misual a thi mi lakah lâwmnâk ka nei kho lo ti simh na. An sual rim hen an nung mi muh ka duh dauh asi. Israel, na thilsual ti bâng rawh. Zei rangah thi ding na duh eu?

MIKAH 7:18

LALPA, nang hâwi mi pathian dang âukhawm an um lo; a thibang um rih mi sualnâk tla na ngaihdam na, nang chu na thin a thawk kumza lo le, sikhawmsele chu hâwi ngâk hen na lâwm hen zângfah dawnglo na kan muhtir.

MATHAI 5:7

“Mi khuaruat kho tak tla chu an thaw a suak, Pathian khuaruatnâk anna ting awt ruangah!

MATHAI 6:15

Sikhawmsele, mi buarnâk tla nan ngaihdam lo chun, nan Pa nih nan buarnâk tla a nan ngaihdam na bâk lai lo.

LUK 16:25

“Sikhawmsele, Abraham nih, ‘Ka fapa, nangnih na dam liau khan thil ṭha na ting le, chu hâwi ber hen Lazar nih thil ṭhalo â ting mi kha theih rawh; sikhawmsele, tuah anih chu hinah lungngam tak hen a um le, nang lam chu na hamh makha.

LUK 6:37

“Simsâwi lah u, simsâwi hen nan um lai loh; mawhtir lah u, chun mawh hen nan um lai loh; ngaihdam u, chun ngaihdam hen nan um lai.

JEM 3:17

Sikhawmsele, tlûnlei thawk hen a hawng suak mi finghnâk lam chu, a masa chem hen a thenhlimh le, chu nûnah chun remnâk a duh, a nunnêm le, a kawmh a nuam le, zângfahnâk leh thil ṭha ti hen a khat le, thlei bîk a nei lo le, a perpê lo asi.

JEM 5:4

Nan lo ah lawh nan lâk mi a man nan pêk lo mi tla vûirâmnâk leh fang pumhtu tla âu hâu chu Zeizawng tikho, Lalpa Pathian nâ nih a theih.

LÂIRÊL 1:7

Adonibezek nih, “Lalchem sâwmsarih kutpî leh kepî tan piak hen um mi tla nih ka dawhkân tangah eiphung neknâwi a tlâ mi an sar. Kei khawm an tlûnah ka ti na mi hâwitê hen ka lakah Pathian nih a ti bâk rawh mahi,” a ti. Jerusalem leiah an kalpi le, chunah chun a thi rawh.

LÂIRÊL 5:27

A khûp a tum rep le, a tlû ro, a kê kiangah a rîl thlo, A kê phûr ah a khûp a tum le, a tlû thlo. Tual ah a tlû le, a thi rawh.