JEM 2:1 - Bawm Common Language Bible Version

¹ Ka unau tla, kan Lalpa Jisu Krist rokualnâk Lalpa chu lungtu nan si ruangah mi thliar bîk nei lah u.

JEM 2:1 ပူးပေါင်းရင်းမြစ်များ

2 CHRONICLES 19:7

LALPA chu ṭih ule, thiamthih tak hen thilti u, LALPA kan Pathian chu perpetnâk mawh, thliar leh dangnâk mawh, nawhnâk lâk mawh sâithiam lo mi asi,” a ti.

THUFING LASUIBU 24:23

Mifing tla nih chun hi bang thil tla khawm hi an sim: Lâirêltu nih thil a fiang lânah ruatnâk nei chu a diklo.

THUFING LASUIBU 28:21

Nabeibâng hen thilti chu a diklo, sikhawmsele lâirêltu nih chun nawhnâk tâwmtê tawng duh ruangah thilsual a ti kho.

LEVITICUS 19:15

“Dân lakah thu na thlûk mi lakah zumhkâi rawh. Mi pâm rang khawm ah sunhsak khun lah le, minei khawm ṭih khun lêm lah.

MATHAI 22:16

Chun, an ṭhiruai tla, Herod murui sinah mi tla hen, a sinah an fial le, chubang tla nih chun, “Sîntirtu, mi dik tak na si le, dik tak hen Pathian leikâng thu na sîntir na tâwn le, sunhsak khun mi khawm na nei lo ti kan theih le; âukhawm thliar leh dangnâk na nei lo.

THILTI 10:34

Chun, Peter nih a sim le: “Pathian nih mi duh bîk a nei lo ti diktak hen ka theih,

THILTI 20:21

Juda tla leh Greek tla sinah khawm Pathian leiah thinlung lêttirnâk thu leh kan Lalpa Jisu Krist leiah lungnâk thu ka theihtir tâwn kha.

THILTI 24:24

Chun, ni zeimaw zat nûnah Felik chu a nupi Drusila, Juda nunau hen an hawng. Pawl chu a kawhtir le, Krist Jisu lungnâk thu chu a ngâi.

THILTI 7:2

Chun, Stephen nih, “Unau tla, pa tla, ngâinik u! Kan thlâktu Abraham, Haran khua ah a um lânah Mesopotamia ram ah a um liau khan rokualnâk Pathian chu a sinah a hawng a langh le,

ROM 1:11

Nan birhnâk ding ah thlarau lei thilpêk zeimaw tal ka nan pêk kho na ding hen an muh na ding thungâi ka duh.

1 KORIN 2:8

Chu finghnâk chu hi laikulh lâirêltu tla rerêng nih an theih lo; theih sele chu rokualnâk Lalpa chu an khenhbêk lai loh.

DEUTERONOMY 1:17

Nan thu thlûk chu âu lei khawm ṭângṭawm lo hen langhtir ule, mikip rangah bang khap hen lâirêl ule, anih rang ê tilo hen. Âukhawm ṭih na lah ule, nan thu thlûk chu Pathian thawk hen mi asi ruangah. Zei thu tal nan rangah a har tuktarâi chun ka sinah hawng put ule, keimah nih ka thlûk lai.’

DEUTERONOMY 16:19

An lâirêlnâk lakah khat leikâng ṭângṭawmnâk nei hen diklo tak hen lâi an rêl ding asi lo; nawhnâk khawm an ei ding asi lo, thilpêk nih mifing leh mi zumhkâi mit a châwttir le, diklo tak hen thu thlûknâk a siam tâwn.

1 TIMOTHE 1:19

lungnâk leh sia leh ṭha theihnâk thiang tak tleih thlir hen, mi zeimaw mi nih chubang chu lawnh hen lungnâk leikângah lawng kuai hâwi hen anna râwk rawh.

1 TIMOTHE 5:21

Hi bang thu hi duh bîk nei lo hen thliar le dang nei lo hen Pathian leh Krist Jisu leh vânmifial thîm mi tla mitmuh ah zâwt ding hen semsêngâi tak hen ka nan theihtir.

TITA 1:1

Pawl, Pathian to-aw, zungzâl nungnâk lungum hen, Pathian thîm mi tla lungnâk leikângah leh Pathian sunhsak leikâng thudik theihnâk leikângah, Jisu Krist mifial ber nih chun,

HEBRAI 1:3

Amah chu Pathian rokualnâk hen a chêu le, amah chu Pathian tak banghnâk neitu asi, a thiltikhonâk hen laikulh chu dirh asi. Minung tla sual a thenhlimhtir nûnah Chungnungchem Thiltikhonâk Pathian vawrhlei ah vân ah a to rawh.

HEBRAI 12:2

Anih nih chun a mâilei ah lâwptlonâk um mi ruangah kraws ah thihnâk chu zei siarlo hen, tu ah Pathian laltophah vawrhlei ah a va to rawh.

JEM 1:16

Ka unau duhtak tla, perpet hen um lah u.

JEM 1:19

Unau duhtak tla, hi hi theih u, mikip nih thu ngâi ding a chuh sele, thusim chu a chuh lah sele, thin sâu seh.

JEM 2:3

puan dawh tak â aih mi chu nan sunhsak le, a sinah, “Nang, hi mun ṭha ah hin to rawh,” nan ti, chun mi ngâkṭah sinah chun, “Nang, chu khin ah dîr le,” asi lo chun, Ka tonâk kiangah ṭuang ah to rawh,” nan ti asi chun,

JEM 2:9

sikhawmsele, mi thliar bîk nan nei chun nan sual asi, dân râwktu hâwi hen dân nih an mawhtir na asi.

JEM 3:17

Sikhawmsele, tlûnlei thawk hen a hawng suak mi finghnâk lam chu, a masa chem hen a thenhlimh le, chu nûnah chun remnâk a duh, a nunnêm le, a kawmh a nuam le, zângfahnâk leh thil ṭha ti hen a khat le, thlei bîk a nei lo le, a perpê lo asi.

2 PETER 1:1

Simon Peter, Jisu Krist to-aw leh mifial thawk hen chun Jisu Krist kan Pathian leh ruangsuahtu repnâk ruangah zumhnâk sung tak kanna ting mi hâwi ting bâk mi tla sinah,

JUD 1:16

Chubang tla chu chipchiartu leh mi simsâwitu tla an si le, anmah duhnâk hâwi vima hen an um le, an kâ hen khâwngnâk thu dawh lo tak an sim le, anmah siremnâk cho tawng ding hen mi an sunhsak na tâwn.

THUPHUANG 14:12

Hinah hin mi thenhlimh Pathian thupêk tla leh Jisu lungnâk thu zâwttu tla felfênâk chu a lang asi.