JEM 1:27 - Bawm Common Language Bible Version

²⁷ Hi hi Pa Pathian nih phung thu ah sawnh dân thenhlimh leh sawnh dân dik ding ah a ngaih mi chu asi; ngâkṭah leh numei tla nih hamh an tuar liauah zauhkhenh leh laikulh nâwmtâm buaih lo hen um hi.

JEM 1:27 ပူးပေါင်းရင်းမြစ်များ

SAM 119:1

An nungnâk sual tel lo mi chu an thaw a suak, LALPA dân hâwi hen um mi chu.

SAM 146:9

Kan ram ah ramdang mi um mi tla chu a zauhkhenh na le, numei leh ngâkṭah tla a ṭangpi na. Mi ṭhalo thiltum tla lam chu a râwk.

SAM 68:5

Biakin thenhlimh ah um mi Pathian nih chun, mi ngâkṭah leh numei tla a zauhkhenh na.

ISAI 1:23

Na ruitu tla chu hel hen mifîr tla hâwikawmh an si rawh; thilpêk leh nawhnâk duhtu an si kumza. Mi ngâkṭah tla khawm lâirêlnâk ah an hum na lo, numei tla thunawk sim mi khawm an ngâi piak duh na lo.

MATHAI 12:32

Chun, âuzawng Minung Fapa simsâwitu zawng chu an simsiatnâk chu ngaihdam piak asi lai; âuzawng Thlarau Thenhlimh ngâi simsâwitu zawng lam chu an simsâwinâk chu tu dam sung khawm ah, tik hawng tlung ding mi khawm ah chun ngaihdam piak asi lai lo.

MATHAI 5:8

“Thinlung ah thenhlimh tla chu an thaw a suak, Pathian an muh awt ruangah!

LUK 1:6

An panih hen Pathian mitmuh ah rep tak hen an um le, simsâwi kawplo hen Lalpa thupêk leh dân zâwzawng zâwt hen an um tâwn.

ROM 12:2

Hi laikulh dân hâwi hen um lah ule, Pathian duhzia a ṭha leh lawmh tlâk leh ṭhat rangtling chu nan theihfiang khonâk ding hen nan thinlung a thar a um hen hawng a dang dauh u.

ROM 2:13

Chun, mi nih Dân a theih mi ko asi chun Pathian lakah mirep asi lo, Dân nih a herh a ti mi tla a ti chun Pathian lakah mirep asi lai.

GALATIA 1:4

Anih nih chun kan Pathian leh Pa rem ti kâng hen tuliau laikulh sual tak lakah hin hawng kan suah khonâk ding hen kan sual tla ruangrûl ah amah a pêk rawh.

GALATIA 3:11

Chun, Pathian mitmuh ah âukhawm Dân ruangah mawhtir lo hen an um lo ti a lang asi. “Mi rep tla chu lungnâk hen an nung lai,” ti hen Pathian lasui thu nih a sim ruangah.

GALATIA 5:6

Krist Jisu ah chun fêmtan hi zeikhawm a ṭhatnâk a um lo, fêmtan lo khawm zeikhawm a ṭhatnâk a um lo; lungnâk, zângfahnâk ah ṭuan tam chu a ṭhavak asi.

GALATIA 6:14

Kei lam nih chun kan Lalpa Jisu Krist kraws lo chu ka putso lo ding zia chu, chu zârah chun laikulh hi ka rangah khenh hen a um rawh, kei khawm laikulh rangah khenh hen ka um asi.

EPHESI 2:2

Chubang lakah chun a lân khan hi laikulh dân hâwi hen nan um kha, boruak ah thuneihnâk lal tuah lunglo fa tla rangah ṭuan chirtu thlarau dân hâwi hen.

DEUTERONOMY 14:29

Hi bang ei ding tla hi Levi murui rangah asi, thil zeikhawm an tâ a umlo ruangah, ramdang mi, mi ngâkṭah, numei tla nan khua ah um mi tla rang khawm asi. An hawng lai le, an herh zia zawng hen anna ting bâk ding asi. Hi hâwi hen ti ule, LALPA nan Pathian nih mal an sâwm na lai.

1 TIMOTHE 1:5

Nunsimhnâk san chu thinlung thenhlimh leh sia leh ṭha theihnâk thiang leh lungnâk tak thawk hen a hawng suak mi dâwtnâk chu an nei khonâk ding hen asi.

1 TIMOTHE 5:4

Sikhawmsele, numei âuzawng nih fa mawh tu tla mawh nei sele, chubang tla nih chun anmah insung lei Pathian sunhsak hen um leh anmah ringtu tla tlûnah ṭha bâk na seh; chu chu Pathian lawmhkâng asi.

TITA 2:12

Lungumnâk lawmhkâi kan Pathian rokual tak Ruangsuahtu Jisu Krist rokualnâk langhnâk chu ngâk hen, Pathian sunhsak lonâk leh laikulh duhnâk tla bângtâk hen, tuliau laikulh ah a sûm hen leh rep tak hen leh Pathian sunhsak hen kan um ding asi ti hawng kan sîntir.

JEM 3:17

Sikhawmsele, tlûnlei thawk hen a hawng suak mi finghnâk lam chu, a masa chem hen a thenhlimh le, chu nûnah chun remnâk a duh, a nunnêm le, a kawmh a nuam le, zângfahnâk leh thil ṭha ti hen a khat le, thlei bîk a nei lo le, a perpê lo asi.

JEM 3:9

chu hen chun kan Lalpa leh Pa chu kan sawr tâwn, chu ber hen chun Pathian hâwi hen siam mi minung tla chu hawlhsiat kan barh tâwn,

JEM 4:4

Nannih mi zumhkâilo tla, laikulh hâwikawmh sinâk hi Pathian mêlma asi ti nan theih lo ma? Âuzawng laikulh hâwikawmh si a duh mi vial chu Pathian mêlma ah â siam tâwn asi.

2 PETER 1:4

Churuang chun, a thutiam sung tak leh rokual tak chu hawng kan pêk asi; chun, duhnâk ruangah laikulh ah râwknâk a hawng um mi hi tektâk rawh hen, chubang thutiam sung tak leh rokual tak tla ruang chun, Pathian umzia nan bâwmpi kho bâk lai.

2 PETER 2:20

Lalpa leh Ruangsuahtu, Jisu Krist an theih ruangah, laikulh nâwmtâm tla tektâk nun khawm ah, chu lak ber ah an tâng nawlh hen, neh hen an um nawlh chun, an umdân madung chu a li mi ngâk hen â râwk dauh lai.

2 PETER 3:14

Churuangah, duhtak le tla, chu Ni nan ngâk ruangah Pathian mitmuh ah thenhlimh leh sual lo hen a sinah lungngam tak hen nan um khonâk ding hen a ṭang u.

1 JOHAN 5:18

Âuzawng Pathian fa nih chun thilsual a ti lo ti kan theih, Pathian Fapa nih chun a vêng kumza le, Misual nih a râwk kho lo asi.