JEM 1:25 - Bawm Common Language Bible Version

²⁵ Sikhawmsele, ruangsuahnâk dân rangtling minung tla suahtu chu zauh hen, zâwttu si hen, ngâi salam leh philhtu silo hen, zûltu chu a thilti Pathian nih mal a sâwm lai.

JEM 1:25 ပူးပေါင်းရင်းမြစ်များ

SAM 106:3

Thil dik a ti kumza mi thupêk zûltu tla chu an thaw a suak.

SAM 119:32

Theihthiamnâk tam dauh na ka pêk awt ruangah lâwm tak hen na dân thu ka zûl lai.

SAM 119:45

Na sîntirnâk chu zûl ka tum ruangah thawsuaknâk rangtling hen ka um lai.

THUFING LASUIBU 14:15

Mi â nih zei thil zawng a lung le, mi theihthiamnâk nei mi nih thiamthih hen a kê a kâr.

ISAI 8:20

Nannih nih, “LALPA nih a nan sîntir na mi hi ngâi u! Mithi sawnh thiam thu ngâi lah, a nan simh na mi thu chu nan rangah zeikhawm a ṭhatnâk a um lai loh,” ti hen nan sâng ding asi.

LUK 11:28

Sikhawmsele, anih lam nih chun, “Pathian thu theih hen zâwttu tla hi mi vânṭha an si dauh, ti sim a ṭha dauh,” a ti.

JOHAN 13:17

Chubang thil chu nan theih chun, ti u le nan thaw a suak lai!

JOHAN 8:36

Chuvachun, Fapa nih sal a nan suah na chun, nan suak tatak lai.

THILTI 13:43

Chun, anna pûm mi tla chu an ṭiak kâ hen, Juda leh phun lût tla cherkhet nih Pawl leh Barnaba chu an zûl vima na le; mifial tla nih an sinah thu an sim le; chun Pathian zângfahnâk ah um kumza ding hen an fawrh na.

THILTI 2:42

Chun, mifial tla sîntir hen, kawmhnâk hen, munkhat buhkhêng dûm hen leh thlacham hen ṭhanemngâi tak hen an um vima.

THILTI 26:22

Sikhawmsele, Pathian sinah thawk hen ṭangpinâk ka tawng ruangah tusûn tiang hen nâuta leh mi lian tla sinah thu theihtir hen ka um ko rih le, khuavâng tla leh Mosi nih thil hawng tlung ding mi an sim mi thu cho lo chu thudang ka sim lo.

ROM 11:22

Chun, Pathian ṭhat zia leh ṭihnung a kâi zia chu ruat nik; a tlû mi tla rangah chun ṭihnung a kâi le, nang rangah lam chun a ṭha asi, a ṭhatnâk ah na um ko chun; chu lo chun nang khawm sah hen na um lai.

ROM 2:13

Chun, mi nih Dân a theih mi ko asi chun Pathian lakah mirep asi lo, Dân nih a herh a ti mi tla a ti chun Pathian lakah mirep asi lai.

ROM 7:12

Chun, Dân chu a thenhlimh asi, thupêk khawm a thenhlimh le, â rep le, a ṭha asi.

ROM 8:15

Lâu ah um nawlh ding hen to-aw sinâk thlarau nan tawng asi lo le, fa sinâk thlarau nan tawng asi dauh, chu thlarau ruangah chun ‘Abba, ka Pa’ ti hen kan âu tâwn hi.

ROM 8:2

Krist Jisu ah nungnâk thlarau Dân nih chun sualnâk leh thihnâk Dân ah mi chu hawng kan suah rawh asi.

1 KORIN 15:58

Churuangah, ka unau duhtak le tla, bir tak hen, changh kho lo rê hen, Lalpa rian ṭhanemngâi tak a ṭuan kumza hen um u, nan ṭuan hamhnâk chu Lalpa ah chun a thawt dahlo ti nan theih asi.

2 KORIN 13:5

Lungnâk ah chun nan um mawh nanmah ngelchel a nik tâwn u; nanmah ngelchel a zauhfiang u. Asi lo leh, nanmah lakah Jisu Krist chu a um ti nanmah tak nih nan theihfiang lo mazei? Duh lo mi nan si lêm lo chun.

GALATIA 2:4

chu chu unau telê a thup hen an hawng lûtpi na mi ruangah asi; chubang tla chu to-aw ah hawng kan siam khonâk ding hen Krist Jisu ah chun thawsuaknâk kan nei mi hi thlingthlâk ding hen a thup hen an lût.

GALATIA 5:1

Sal si lo ding hen Krist nih hawng kan suah kha, chun bir tak hen dîr ule, sal liangbat lakah chun tâng nawlh lah u.

GALATIA 6:2

Nan thilrit phurh tla chu a sâwng tawnh u, chun Krist dân thu chu nan zâwt mi asi lai.

KOLOSA 1:23

ngauhsan nei hen bir tak a um hen, Thâwngthâng Ṭha nan theih mi lungumnâk thawk hen a ṭhial lo hen, lungnâk lakah hin nan um thlir chun chu Thâwngthâng Ṭha chu vânrâng tangah thilsiam zawzawng tla lakah phuang asi kha; kei Pawl hi chu rianṭuantu ah siam kasi.

1 TIMOTHE 2:15

Sikhawmsele lungnâk leh dâwtnâk leh thenhlimhnâk nei hen thinlung rep tak hen nunau chu a um kumza chun fa tla a ring ruangah ruangsuah hen a um lai.

1 TIMOTHE 4:16

Nangmah leh na sîntirnâk ah chun a thiamthih rawh, chubang tla thil chu ti hen nangmah leh na thusim ngâitu tla chu ruang na suah awt asi.

HEBRAI 12:15

Âukhawm Pathian zângfahnâk lakah mi nan tlû lonâk ding hen leh thil khâ chu a hawng ṭhang le, mi tam tak a nawktir na mi hâwi hen nan si lonâk ding hen a thiamthih u.

JEM 2:12

Churuangah, thawsuaknâk dân hen lâirêl piak a um ding mi tla hâwi hen thu sim ule, thil khawm ti tâwn u.

1 PETER 2:16

Thawsuak tak hen um u, nan thawsuaknâk chu zei sual tal phenhtu ah mang lah u, Pathian to-aw hâwi hen um dauh u.

1 JOHAN 2:24

Thuchah a tîr thawk hen nan theih rawh mi kha nan thinlung ah kil thlir u. Chu hâwi hen nan thinlung ah nan kil thlir chun Pa leh Fapa hen nanna tlâi kumza lai.

THUPHUANG 14:13

Chun, vân thawk hen aw-hâu nih, “Hi hâwi hen rîn rawh, Lalpa rianṭuannâk ah an thi mi tla chu tu thawk hen an thaw a suak,” a ti. Thlarau nih chun, “Chu hâwi chu asi,” ti hen a sâng. Chun, “An rianṭuan hamhnâk chu an dinhtâk rawh le, an thilti nih chun a zûl na lai rawh,” a ti mi ka theih.

THUPHUANG 22:14

An nipuan thiang tak hen suktu leh nungnâk thing rah ei hen khuapi kawtkâ ah a lût khotu tla chu an thaw a suak.

1 SAMUEL 12:14

Nan lalchem leh nanmah nih LALPA, Pathian chu nan zûl hen nan zah hen a duhzia nan ti hen a thu nan ngâi hen a thupêk tla nan zûl chun zeizawng tluang tak hen a kal lai.