JEM 1:22 - Bawm Common Language Bible Version

²² A thu ngâi salam hen â lah ule, chu ngâk chun ti ding hen a tum dauh u.

JEM 1:22 ပူးပေါင်းရင်းမြစ်များ

ISAI 44:20

Vachâm ei mi hen a finghnâk â bang cho. A thinlung âtnâk nih amah chu ṭangpi kho lo rê hen diklonâk leiah a kalpi. A kut ah a tleih mi milem chu pathian asi lo thlo ti a theih lo.

JEREMIA 11:6

Churawhchun, LALPA nih ka sinah, “Juda khuapi tla leh Jerusalem khua lâi ah va kal rawh. Chunah mi tla sinah ka thuchah phuang le, ka thudântuk ngâi ding leh zûl ding hen simh na.

OBADIAH 1:3

Na zûmnâk nih an âttir rawh. Na khuapi lian tla chu lungpi hen kulh asi le, na in chu tlâng sâng hâwi a sâng le, churuangah na thinlung ah, ‘Âunih hawng ka niamtir kho lai?’ na ti.

MATHAI 12:50

Âuzawng ka Pa vân ah mi duhzia titu zawng chu ka unau tla, ka farnu tla, ka nu tla an si,” a ti,

MATHAI 28:20

Chun, ngâinik u, kei zungzâl hen, laikulh dawngh tiang hen nan sinah ka um vima lai,” a ti.

LUK 11:28

Sikhawmsele, anih lam nih chun, “Pathian thu theih hen zâwttu tla hi mi vânṭha an si dauh, ti sim a ṭha dauh,” a ti.

JOHAN 13:17

Chubang thil chu nan theih chun, ti u le nan thaw a suak lai!

ROM 2:13

Chun, mi nih Dân a theih mi ko asi chun Pathian lakah mirep asi lo, Dân nih a herh a ti mi tla a ti chun Pathian lakah mirep asi lai.

1 KORIN 15:33

Perpet hen um lah u; hâwi sual tla nih chun nunchan ṭha an râwk tâwn.

1 KORIN 3:18

Âukhawm mah a â tir lah seh. Nan lakah âuzawng hi laikulh ah hin fing hen â ruat chun a fing khonâk ding hen mi â ah a chang seh.

1 KORIN 6:9

Asi chun, mirep lo tla nih chun Pathian Ram an luah lai loh ti nan theih lo masi? Perpet hen um lah u; pung-le-lêng mang tla mawh, ruk sawnh tla mawh, ṭângdang pawmtâktu tla mawh, mi hur tla mawh, tawkua hur tla mawh,

GALATIA 6:3

Mi zei silo pet hen mi lian dauh ah â ruat chun mah â perpet mi asi.

GALATIA 6:7

Perpet hen um lah u; Pathian chu zauhnawmh kho mi asi lo; mi nih a tuh mi vial chu lîlâ chu a ât awt ruangah.

PHILIPI 4:8

A dawnghchem ah chun, unau le tla, a dik mi zawng, zah a kâi mi zawng, â rep mi zawng, a thenhlimh mi zawng, duh a kâi mi zawng, a thang dawh mi zawng, ṭhatnâk rerêng a um hen sawr tlâk rêng a um chun chubang chu dawnruat u.

KOLOSA 3:17

Chun nan ti mi zawng chu thusim lakah mawh, thilti lakah mawh amah zârah Pa Pathian sinah lâwmthu sim bû hen Lalpa Jisu min hen ti ver u.

2 TIMOTHE 3:13

Misual leh perpettu tla lam chu mi perpet leh mah khawm mi perpet a um hen an sual dadauh lai.

TITA 3:3

Kannih khawm a lânah â tak leh ê-aw ngâilo leh perpet mi leh, duhnâk leh lawmhnâk kip leikângah pial mi leh sual leh nahsuah mang hen um mi leh fihnungkâi leh a huat tawnh mi tla kan si ruangah.

JEM 1:26

Âuzawng phung thu sunhsaktu ah â ruat hen, a lei a veng kho ṭung lo chun amah â perpet mi asi, chu hâwi minung nih phung thu ah a sawnh dân chu zeikhawm asi lo.

JEM 4:11

Ka unau tla, pakhat leh pakhat a sâwi tawnh lah u. Âuzawng a unau sâwitu mawh, simsiattu chu Dân a simsiat hen a sâwi asi. Dân na simsiat chun Dân zâwttu na si lo le, a sâwitu na si dauh asi.

JEM 4:17

Churuangah, âuzawng thil ṭha ti ding theih ko hen tilo chu sual asi.

2 PETER 2:13

Tuarnâk siamtu tla chu tuarnâk ber hen rulh an si lai, an rangah din leh ei nuamchên chu sûn nî tangah asi le, nan sinah an ei bâk khawm ah, bumnâk ah um hen anna lâwm kar vial chu an rangah ningzaknâk leh mualphonâk cho asi.

1 JOHAN 1:8

“Sual kan nei lo” kan ti chun mah le mah kanna perpet le, thutak chu kanmah lakah a um lo asi.

1 JOHAN 2:3

Chun, a thupêk tla kan zâwt chun, chu lakah chun amah kan theih ti kanna theih asi.

1 JOHAN 3:7

Fa le tla, âu perpet hen khawm um lah u, Jisu Krist â rep hâwi hen thil dik titu chu â rep asi.

3 JOHAN 1:11

Duhtak, thil ṭhalo chu châwng lah le, a ṭha mi chu châwng dauh rawh. Thil ṭha titu chu Pathian lakah mi asi, thilsual titu nih chun Pathian a muh dahlo.

THUPHUANG 12:9

Chun, rûlrêu lianpi, Diabol mawh, Setan an ti mi, laikulh zawzawng perpettu chu tual ah an lawnh rawh, a mifial tla khawm an lawnh sih.

THUPHUANG 22:7

Chun, Jisu nih, “Ngâinik, ka hawng kal tuan awt hi, hi lasuibu ah khuavâng tla thusim zûltu vial chu an thaw a suak,” a ti.