JEM 1:21 - Bawm Common Language Bible Version

²¹ Chîng dân nâwmtâm leh sual kip thawk hen a thlei u. Pathian sinah a pêk ule, chun nan thinlung ah tuh hen a um mi Pathian thu, ruang an suah kho natu chu pawm u.

JEM 1:21 ပူးပေါင်းရင်းမြစ်များ

SAM 25:9

Mi â nâutir mi chu lampi dik ah a ruai na le, a duhzia a sîntir na.

ISAI 2:20

Chu ni a hawng tlung tik chun, an siam mi ngûn leh tangka milem tla chu an lawnh ving lai le, zabui leh balâk tla sinah an mâk lai.

ISAI 29:19

Mipâm leh mi nâutâ tla chu LALPA Israel Pathian thenhlimh nih lâwmnâk a pêk na mi an tawng nawlh lai.

ISAI 30:22

Nan milem tla tangka hen nan luanh mi leh ngûn hen nan luanh mi chu nâwmtâm hâwi hen nan lawnh ving lai le, “Ka mitmuh ah um lah!” nan ti lai.

ISAI 61:1

LALPA zahkâi nih a thlarau hen hawng ka khattir. Mipâm tla sinah thâwngthâng ṭha sim ding, Thinlung fâk mi tla damh ding, Sal tang tla sinah suahnâk thu sim ding, Rêngtlâ sinah suaknâk thu sim ding hen Hawng ka thîm le, hawng ka fial.

EZEKIEL 18:31

Thilsual nan ti mi zawzawng lêt hep ule, dawnnâk leh thinlung thar a neih u. Israe1 mi tla, zei rangah thi ding nan duh êu?

EZEKIEL 36:25

Tî thiang ka nan theh na lai le, nan milem zawzawng leh thil dang a nan nawmhtir natu zawzawng lakah mi ka nan thiangtir na awt.

ZEPHANIAH 2:3

Nannih LALPA thupêk ngâi hen nâu tak hen ram lakah um mi zawzawng tla, LALPA leiah a hawi u. LALPA lakah nâu tak hen um ule, thil dik ti u. LALPA nih a thinrunhnâk a hawng langh ni ah rêp nan âwl kekkawk lai mawh.

MATHAI 5:5

“Â dawnh kho mi tla chu an thaw a suak, tual hi an luah awt ruangah!

JOHAN 6:63

Nungtirtu chu thlarau asi, taksa chu zeirang khawm ah a tlâklo; nan sinah thu ka sim mi tla hi thlarau asi, nungnâk khawm asi.

JOHAN 6:68

Chun, Simon Peter nih a sinah, “Lalpa, âu sinah me kan kal lai? Nangnih zungzâl nungnâk thu na nei asi.

THILTI 10:33

Churuangah na sinah mi ka hawng fial sawm asi; na hawng kal hi a ṭha. Chun Lalpa nih thu a nan pêk mi vial chu theih ding hen tuah Pathiân mitmuh hen kan ektê hen hinah kan um asi hi,” a ti

THILTI 13:26

“Unau le tla, Abraham thlâk tla, nan lakah Pathian ṭihtu tla, kanmah tla sinah hin hi bang ruangsuaknak thu hi hawng kan kuat rawh asi hi.

ROM 1:16

Thâwngthâng Ṭha ah zumhnâk rangtling ka nei: âuzawng a lungtu zawng rangah ruangsuah ding hen Pathian thiltikhonâk asi, a tîrah Juda tla rangah asi le, chun Phundang tla rangah khawm asi.

ROM 11:17

Chun a ṭeng zeimaw mi chu khiak hen a um chun nang, Phundang, oliv suak si hen, Juda lakah peh hen na um le, oliv thing ah ṭhatnâk ram va a bâwm bâk mi na si chun ṭeng dang lakah chun a zûm lah.

ROM 6:17

Khawmsele, sual to-aw tla si khawm ule, sîntir dân a sinah nanna pêknâk chu thinlung tatak hen nan zâwt hen, chun sual lakah mi suak hen nan um le, repnâk to-aw tla nan hawng si rawh; churuang chun, Pathian sinah lâwmthu um seh; nan taksa chak lo ruangah minung dân hen thu ka sim asi.

1 KORIN 15:2

Chu Thâwngthâng Ṭha chu nan lawmh hen, chu lak ber chun nan dîr hen, thu ka nan simh na mi kha nan lung salam lo hen, nan tleih thlir chun chu lak tak chun ruangsuah hen nan um lai.

2 KORIN 7:1

Chun, duhtak le tla, chubang thutiam chu kan nei ruangah taksa leh thlarau nâwmnâk zawzawng lakah kanna thiangtir lai, Pathian ṭih bû hen thenhlimhnâk rangtlingtir hen.

EPHESI 1:13

Amah lakah nannih khawm thudik chu nan ruangsuahnâk Thâwngthâng Ṭha chu nan ngâi hen, lung khawm nan lung nûnah amah lakah Thlarau Thenhlimh tiamh hen chun singsiah hen nan um kha.

EPHESI 4:22

“A lânah nan umdân leikângah minung li bumnâk duhnâk hâwi a râwk dadauh kha lît ule,

EPHESI 4:25

Chun, âwkrâwl sim mâk hen, mah zâwlbâwm sinah thudik sim chiau u, a ṭeng tawnh chiau kan si ruangah.

EPHESI 5:4

kangal thu, thu-do-tla-lo, chapo thu khawm, chubang chu â dawh lo asi; chubang ti ngâk chun lâwmthu sim dauh u.

1 THESALONIKA 1:5

kha hâwi hen kan Thâwngthâng Ṭha chu thu cho hen nan sinah a tlung lo le, thiltikhonâk leh Thlarau Thenhlimh leh thungâi tak a theihfiangnâk hen a hawng tlung dauh kha; nanmah kawngkâ ruat hen zei hâwi mi me kan si ti nan theih asi.

1 THESALONIKA 2:13

Hi ruang hin bâng lo hen Pathian sinah lâwmthu kan sim tâwn, Pathian thu kanmah thawk hen nan theih mi, nan zûl liau khan minung thu zûl hen nan zûl lo le, Pathian thu zûl hen nan zûl dauh ruang khan; chu chu Pathian thu asi rêng, nanmah a lungtu sungah ṭuan tâwntu ber chu asi.

TITA 2:11

Mi zawzawng rangah Ruangsuahnâk ding hen Pathian nih a zângfahnâk a hawng langh rawh ruangah.

HEBRAI 12:1

Hawng kan theihpitu mi zapi tam tak kan kiangkam ah um mi ruangah hawng kan nawktirtu zawng leh sual kanmah lakah um mi chu kan lawnh lai. Chun, Jisu kan lungnâk ngauhnâk ah rangtlingtirtu lei chu zauh hen, kan mâilei ah tekzuamnâk ding a um mi lakah felfê tak hen kan tek vima lai.

HEBRAI 2:3

Chu tluk rak ruangsuahnâk rokual chu siarlo sele zeitin kan âwl kho zia lai? Chu ruangsuahnâk thu chu a tîrah amah Lalpa nih a phuang rawh le, a theihtu tla nih chun a dik asi ti hawng kan langhtir piak asi.

HEBRAI 4:2

Thâwngthâng Ṭha an sinah sim asi hâwi hen kan sin khawm ah sim asi. Sikhawmsele, an thu theih nih chun anmah tla a ṭhatvaktir lêm lo, an thu theih chu an lung tak lo ruangah.

JEM 4:8

Pathian naih u, chun anih nih a nan naih na lai. Misual tla, nan kut tla ṭâwl u, mi perpê tla, nan thinlung thenhlimhtir u,

JEM 5:20

âuzawng misual lampi a vâinâk thawk hen kîrtir nawlhtu chu thihnâk ah thawk hen a thlarau ruang a suah lai le, sual tam tak ngaihdamnâk a siam piak asi ti a theih seh.

1 PETER 1:22

Unau tla hen a zângfah tawnh tatak ding hen, thudik zâwt hen nanna thenhlimhtir ruangah thinlung ah semsêngâi tak hen a dâwt tawnh u.

1 PETER 1:9

Nan lungnâk thiltum, nan thlarau tla ruangsuahnâk chu nan tawng ruangah.

1 PETER 2:1

Chuvachun, sualnâk zawzawng tla, ngamlêmnâk tla, perpetnâk tla, nahsuahnâk tla, simsiatnâk tla bângtâk u:

1 PETER 2:11

Duhtak le tla, khual leh khualtlâwng mi nan si ruangah thlarau do tâwntu taksa duhnâk tla bângtâk ding hen ka nan ngiar na asi.