JEM 1:2 - Bawm Common Language Bible Version

² Ka unau le tla, nan lakah niknâk zeital hawng um khawmsele, vânṭhatnâk ah ruat u.

JEM 1:2 ပူးပေါင်းရင်းမြစ်များ

THILTI 5:41

Chun, lâirêltu tla lakah thawk hen an suak le, chu min ruangah chun mualpho tuar tlâk ah ruat an si ruangah chun thungâi anna lâwm.

ROM 5:3

Chun, chu ko chu silo hen kanna hamhnâk khawm ah lâwm hen kan um, hamhnâk nih chun felfênâk a siam le,

PHILIPI 1:29

Krist ruangah amah nan lung cho si lo hen amah ruangah nan tuar khawm siang asi;

PHILIPI 2:17

Asi, nan lungnâk hâwlnâk leh rianṭuannâk lakah chun tawih hen um menza khawmsele ka lâwm asi, nan ektê hen ka nan lawmhpi ber na.

PHILIPI 2:18

Chu hâwi ber hen nannih khawm a lâwm ule, hawng ka lawmhpi bâk u.

KOLOSA 1:24

Tuah ka nan tuar piak na mi lakah hin ka lâwm, Krist hamh tuar mabân chu ka taksa ruangah ka tîttak ah hin ka zulhpeh vima asi;

HEBRAI 10:34

Rêng a tlâ mi tla tuarnâk chu nanna ting bâk rawh; thil ṭha dauh um kumza ding mi chu nan nei ti theih hen nan thil an lâk piak na mi tla khawm lâwm tak hen nan tuar kho asi.

JEM 1:12

Niknâk lakah zumhkâi tak hen um kumzatu chu a thaw a suak! Niknak chu a tuar kho tikah chun, nungnâk lallukhuh pêk asi lai; chu chu Pathian nih amah dâwttu tla rangah pêk ding hen a tiamh na mi lâwmman chu asi.

JEM 1:16

Ka unau duhtak tla, perpet hen um lah u.

JEM 1:19

Unau duhtak tla, hi hi theih u, mikip nih thu ngâi ding a chuh sele, thusim chu a chuh lah sele, thin sâu seh.

JEM 5:11

Tuar khotu tla chu mi thawsuak kan ti na. Job felfê zia chu nan theih, Lalpa nih a dawnghnâk ah a ti zia khawm kha nan theih, Lalpa chu siherhnâk leh khuaruatnâk hen a khat zia khawm kha.

2 PETER 2:9

Lalpa nih chun amah sunhsaktu tla chu lêmnâk thawk hen suah na ding leh misual tla chu Lâirêl Ni rang ding ah siah rih ding dân a theih.

THUPHUANG 2:10

Nâ tuar ding tla hi ṭih lah, ngâinik, Diabol nih niknâk ah a nan siah lai le, nan lakah mi zeimaw mi rêngin ah a nan khumh na awt asi, chun, ni râ hamh nan tuar lai. Thih tiang hen zumhkâi hen um rawh, chuvachun nungnâk lallukhuh ka nan pêk lai.