JEM 1:19 - Bawm Common Language Bible Version

¹⁹ Unau duhtak tla, hi hi theih u, mikip nih thu ngâi ding a chuh sele, thusim chu a chuh lah sele, thin sâu seh.

JEM 1:19 ပူးပေါင်းရင်းမြစ်များ

NEHEMIAH 8:18

Chu kût ni, ni khat thawk hen a dawngh tiang hen Pathian Dân nisiar rêlnâk a bîk hen an nei. Ni sarih an mang, a ni riat ni ah chun Dân ah um mi hâwi hen a hun chu khâr asi rawh.

NEHEMIAH 9:17

Thu an ngâilo le; na thilti tla khawm an philh ver; anna zûmnâk ruangah Aigupta ram lîlâ ah sal tângpitu ding ah ruitu an thîm. Sikhawmsele, nang chu ngaihdamtu Pathian na si le; an lakah vêl na nei hen, na dâwt na, na thinthawk duh loh, Na khuaruatnâk a rokual le, na kaltâk na lo.

NEHEMIAH 9:3

Dâr kâr thum ding chu LALPA an Pathian Dân an rêl le, dârkar thum dang chu an sual tla phuang hen LALPA an Pathian an sawnh.

JOB LASUIBU 32:16

Dâisip hen an um mi, kei rangah ngâk châwk ding mazei? Thu dang zeikhawm simlo hen an dîr ko rawh.

THUFING LASUIBU 10:19

Na thusim a tam bilik leh na sual dadauh hâwi asi. Mifing na si chun na dâisip lai.

THUFING LASUIBU 13:3

Na thusim ah a thiamthih le, na nungnâk hum rawh. Nabeibâng hen hawlhtu chu amah râwknâk a siam.

THUFING LASUIBU 14:17

Mi thintâwi nih â tak hen thil an ti tâwn le, mifing tla lam chu dâisip hen an um.

THUFING LASUIBU 14:29

Dâisip hen na um mi asi chun na fing mi asi. Sikhawmsele na thin a tâwi chun na mâwl zia a lang.

THUFING LASUIBU 15:18

Mi thintâwi nih chun êlnâk a suah tâwn. Sikhawmsele dawnhkhonâk nih remnâk a suah.

THUFING LASUIBU 15:2

Mifing tla nih thu an sim chun mi thinlung a purh. Sikhawmsele mi mâwl nih chun thu salam an sim.

THUFING LASUIBU 16:32

Thiltikhonâk ngâk hen dawnhkhonâk a ṭha dauh. Khuapi na neh mi ngâk hen nangmah na sûm kho mi a ṭha dauh.

THUFING LASUIBU 17:14

Thu êlnâk dawmh chu a masa hen tidil sah hâwi asi. Mun dangah a thang lânah bâng rawh.

THUFING LASUIBU 17:27

Mah lakah theihthiamnâk nei mi chu a hawlh salam lo. Mi a dâisip mi chu muhnâk tak an nei.

THUFING LASUIBU 18:13

Na sâng lânah thu ngâi tâ rih. Chu hâwi na ti lo chun na mâwl hen zauhnawmh kâi na si.

THUFING LASUIBU 18:21

Na thusim chu nangmah nunhtu khawm asi kho, nangmah veihtu khawm asi kho. Churuang chun na thusim zia zia hen na tawng ding asi.

THUFING LASUIBU 19:11

Theihthiamnâk nei mi na si chun, na thinthawknâk ah na sûm kho lai. Mi âunih mawh diklo hen an ngaih liauah ngaihlo lêm thlâk piak chu mi fâifîm umdân asi.

THUFING LASUIBU 19:19

Mi a thintâwi mi chu amah nih tuar ko seh. Veikhat nawknâk ah mi na suah kho chun na ti nawlh ding asi lai.

THUFING LASUIBU 21:23

Nawknâk lakah um na duh lo chun na thusim lakah a thiamthih.

THUFING LASUIBU 25:28

Thinthawknâk sûm kho lo mi na si chun, khuapi kulhnei lo, awng hung hen vêngtu nei lo hâwi asi.

THUFING LASUIBU 29:20

Nabeibâng hen thusimtu ngâk chun, mi mâwl lakah lungumnâk a um dauh.

NUMBER 22:27

Chu liauah sanatung nih vânmifial a muh rawh chun a bawk thlo. Balaam nih a ti ding dân a theih lo rawh le, sanatung chu a ṭhianṭhunh hen a vuak fâwn.

MATHAI 5:22

Kei lam nih chun, ‘Âuzawng a unau tlûnah thinruntu vial chu lâirêlnâk ah dîr ṭihnungkâi tak hen a um lai le, âuzawng a unau sinah, ‘Nang, mido-tla-lo,’ titu vial chu lâirêltu tla rêl piak ding ṭihnungkâi tak hen a um lai; chun, âuzawng ‘Nang mi â’ titu vial chu Gehena mei ah lawnh ṭihnungkâi tak hen a um lai ti ka nan simh na.

MARK 12:37

David tak nih chun anih chu, ‘Lalpa,’ a ti dangâiah, zeitin a fapa asi lai?” a ti. Chun, mi zapi vântlâng nih chun lâwm tak hen a thu an ngâi.

MARK 2:2

Chun, kawtkari khawm ah umnâk umlo rê hen mi cherkhet an hawng a pûm rawh; chun an sinah thu a sim rawh.

LUK 15:1

Chun, siah khawlhtu tla leh misual tla zawzawng nih a thu theih ding hen a kiangah an hawng fûk.

LUK 19:48

Sikhawmsele, mi le tla nih semsê ngâi tak hen a thu an ngâi ruangah a ti ding dân an theih lo.

THILTI 1:15

Chun, chubang ni tla ah chun unau tla lakah Peter chu a dîr le, an ektê hen zâ leh kul ding an si.

THILTI 10:33

Churuangah na sinah mi ka hawng fial sawm asi; na hawng kal hi a ṭha. Chun Lalpa nih thu a nan pêk mi vial chu theih ding hen tuah Pathiân mitmuh hen kan ektê hen hinah kan um asi hi,” a ti

THILTI 13:48

Chun, Phundang tla nih chun chubang thu chu an theih hen anna lâwm le, Pathian thu an chawnglawmh. Chun, zungzâl nung ding a ruat mi vial chu an lung rawh.

THILTI 17:11

Chunah mi tla chu Thesalonika khua tla ngâk chun an ṭha dauh le, chun thinlung lâwm tak hen thu chu an pawm le, an thu chu a dik leh diklo theih ding hen nisiar hen Pathian lasui thu ah an hâwl tâwn.

THILTI 2:42

Chun, mifial tla sîntir hen, kawmhnâk hen, munkhat buhkhêng dûm hen leh thlacham hen ṭhanemngâi tak hen an um vima.

EPHESI 4:26

Thinrun khawm ule, sual lam chu sual lah u; nan thinthawknâk chu nî nih tlâkpi lah seh.

EPHESI 4:31

Khânâk thinthawknâk, sirleihnâk, rângnak, simsiatnâk zawzawng chu bângtâk hen um seh.

KOLOSA 3:15

Chun, Krist remnâk nih chun nan thinlung ah lâirêl seh, chubang hâwi siding hen taksa pumkhat ah kawh nan si rerêng asi; lâwm ding dan theih u.

KOLOSA 3:8

Tu lam chun nannih khawm nih hi bang zawzawng sîrleihnâk, thinthawknâk, huatnâk, simsiatnâk nan kâ lakah suak kangal thu tla hi thlah u, âwkrâwl a simhtawnh lah u; minung li chu a thilti hen nan lît rawh le,

1 THESALONIKA 2:13

Hi ruang hin bâng lo hen Pathian sinah lâwmthu kan sim tâwn, Pathian thu kanmah thawk hen nan theih mi, nan zûl liau khan minung thu zûl hen nan zûl lo le, Pathian thu zûl hen nan zûl dauh ruang khan; chu chu Pathian thu asi rêng, nanmah a lungtu sungah ṭuan tâwntu ber chu asi.

JEM 1:16

Ka unau duhtak tla, perpet hen um lah u.

JEM 1:2

Ka unau le tla, nan lakah niknâk zeital hawng um khawmsele, vânṭhatnâk ah ruat u.

JEM 1:26

Âuzawng phung thu sunhsaktu ah â ruat hen, a lei a veng kho ṭung lo chun amah â perpet mi asi, chu hâwi minung nih phung thu ah a sawnh dân chu zeikhawm asi lo.

JEM 2:1

Ka unau tla, kan Lalpa Jisu Krist rokualnâk Lalpa chu lungtu nan si ruangah mi thliar bîk nei lah u.

JEM 2:5

Unau tla, ngâinik u, Pathian nih chun hi laikulh ah mipâm tla chu lungnâk nei tam ding leh amah dâwttu tla sinah Ram a tiamh mi luahtu ding hen a thîm na asi.

JEM 3:10

chu lîlâ thawk hen sawrnâk leh hawlhsiat barhnâk a suak tâwn. Ka unau tla, chu hâwi ding asi lo.

JEM 4:11

Ka unau tla, pakhat leh pakhat a sâwi tawnh lah u. Âuzawng a unau sâwitu mawh, simsiattu chu Dân a simsiat hen a sâwi asi. Dân na simsiat chun Dân zâwttu na si lo le, a sâwitu na si dauh asi.

JEM 5:12

Sikhawmsele, ka unau tla, thil zeizawng ah thu nanna tiam liauah siat tham lah u. Tual leh vân min sim hen mawh, thil dang min rerêng sim hen khawm siat tham lah u. Asi mi chu si ko seh, asi lo mi chu si lo ko seh, chu lo chun Pathian lâirêl hen nan um lai.

JEM 5:19

Ka unau tla, nan lakah âumawh, thudik thawk hen vâi sele, chun âunih mawh hawng kîrtir nawlh sele,

1 JOHAN 2:21

Thutak chu nan theih lo mi asi lo ruangah ka rîn asi, nan theih ruangah leh thutak lakah âwkrâwl zeikhawm a suak dahlo ti nan theih ruangah ka rîn dauh asi.