JEM 1:18 - Bawm Common Language Bible Version

¹⁸ Amah duhzia hâwi hen thudik ah hawng kan ring le, a thilsiam zawzawngah mun masa chem kan luah khonâk ding hen.

JEM 1:18 ပူးပေါင်းရင်းမြစ်များ

JEREMIA 2:3

Israel, keimah tâ cho na si; keimah neih thenhlimh na si. Nangmah nganfâk an pêktu tlûn kip ah tuarnâk leh siatnâk ka tlungtir. Kei, LALPA nih ka sim mi asi,” a ti.

AMOS 6:1

Nannih Zion ah nuamchenhtu tla leh Samaria ah him tak a um ding hen ruattu Israel phun lakah mi rokual rangah ṭihnung a kâi awt chiam e, nannih chubang tla sinah ṭangpi deih hen kaltu tla!

JOHAN 1:13

Minung thlâknâk thawk hen ring mi ansi lo; taksa duhnâk thawk hen ring mi khawm ansi lo; mipa duhnâk thawk hen ring mi khawm ansi lo; Pathian thawk hen ring mi an si dauh.

1 KORIN 4:15

Krist lakah chun sîntirtu sîngkhat nei khawm ule, pa lam chu tam tak nan nei lo asi; kei nih Krist Jisu ah chun Thâwngthâng Ṭha hen ka nan ring na kha.

2 KORIN 6:7

thutak thu ah, Pathian thiltikhonâk ah, keh leh vawrh hen repnâk riamnâm tla hen,

EPHESI 1:12

kannih Krist lungum masa rawh tla hi a rokual sawrnâk langhtu kan sinâk ding hen.

EPHESI 1:13

Amah lakah nannih khawm thudik chu nan ruangsuahnâk Thâwngthâng Ṭha chu nan ngâi hen, lung khawm nan lung nûnah amah lakah Thlarau Thenhlimh tiamh hen chun singsiah hen nan um kha.

2 TIMOTHE 2:15

Rianṭuantu thu dik thu rep tak hen mangtu chu ningzak ding asi lo hâwi hen, Pathian ngaih hen ṭha hâwi a langhtir ding hen semsêngâi rawh.

HEBRAI 12:23

Vân ah an min rîn hen an um mi Pathian fa tîr tla pumhnâk lawmhkâi takah nan hawng tleng rawh. Mi zawzawng lâirêltu leh mirep thlarau tla rangtling hen siamtu Pathian sinah nan hawng tleng rawh.

JEM 1:15

Chun, duhnâk nih chun fa a pâwi le, sual a ring tâwn. Chun, chu sual chu a hawng ṭhang rawh chun thihnâk a ring tâwn.

JEM 1:21

Chîng dân nâwmtâm leh sual kip thawk hen a thlei u. Pathian sinah a pêk ule, chun nan thinlung ah tuh hen a um mi Pathian thu, ruang an suah kho natu chu pawm u.

JEM 3:14

Sikhawmsele, nan thinlung ah ṭhatlonâk leh nahsuahnâk leh mah kawngkâ cho ruat mi nan si chun a zûm lah u, thudik do hen âwkrâwl sim lah u.

1 PETER 1:23

Thikho mi nu leh pa fa hâwi silo hen, thikholo mi fa tla, Pathian zungzâl thu nung ah suak nawlh mi nan si ruangah.

1 PETER 1:3

Kan Lalpa Jisu Krist Pathian leh Pa chu sawr hen um seh: Anih nih chun a siherhnâk fâk tak hâwi hen, mithi lakah mi Jisu Krist thawknawlhnâk ruangah lungumnâk nung tawng ding hen nungnâk thar a hawng kan pêk.

1 JOHAN 3:9

Âuzawng Pathian fa nih chun, Pathian nunchan amah lakah a um kumza ruangah thilsual a ti tâwn lo, Pathian a Pa asi ruangah thilsual a ti kho lo.

THUPHUANG 14:4

Chubang tla chu nunau lakah â nawmh lo mi tla an si; nungâk thenhlimh hâwi an si, Dawrâ Fa kalnâk kip ah zûltu tla an si, Pathian rangah leh Dawrâ Fa rangah rah masa chem siding hen minung tla lakah mi tlanh an si.