JEM 1:17 - Bawm Common Language Bible Version

¹⁷ Thilpêk ṭha leh thilpêk rangtling chu vân lei chêu tla siamtu Pathian thawk hen suak mi ver an si, â dang lo le, mûi ah khawm â chang lo.

JEM 1:17 ပူးပေါင်းရင်းမြစ်များ

GENESIS 41:16

Josef nih a sâng le, “Pu, kei nih tikho mi asi loh, sikhawmsele Pathian nih sunhsak tak hen a simhfiang lai,” a ti.

1 CHRONICLES 22:12

Dân hâwitê hen Israel lakah lâi na rêl khonâk ding hen LALPA Pathian nih finghnâk leh muhnâk a nan pêk seh.

1 CHRONICLES 29:19

Ka fapa Solomon chu na dân thu zûl ding leh na Biakin sak ding hen ka timhtuah mi lakah hin thinlung pumpiluk duhnâk pêk rawh,” a ti.

SAM 102:27

Nang lam chu na mun kumza le, na san khawm dawng kho mi asi lo.

SAM 122:6

Jerusalem rangah remnâk um ding hen thlacham le: “Nangmah duhtu tla chu an sul-le-lam tluang kho ding hen.

SAM 136:7

Nî leh thlâ a siam le; a dâwtnâk chu zungzâl asi.

SAM 84:11

LALPA chu hawng kan vêngtu leh lal rokual asi, zahnâk leh vêlneihnâk hen mal hawng kan sâwm. Thil dik titu tla rangah zeikhawm thil ṭha sianglo a nei lo.

SAM 85:12

LALPA nih kan sul-le-lam a tluangtir lai le, kan ram nih neihnâk a suah lai.

THUFING LASUIBU 2:6

Finghnâk pêktu chu LALPA asi le, theihnâk leh theihthiamnâk chu amah thawk hen mi asi.

ISAI 28:26

Pathian nih a sîntir ruangah a rianṭuan ding dân chu a theih.

ISAI 45:7

Chêu leh mûi khawm ka siam vevê; malsâwmnâk leh siatnâk khawm ka tlungtir mi an si vevê. Kei LALPA nih chubang thil zawzawng ka ti mi asi.

ISAI 46:10

A bul thawk hen a hawng um nawlh ding mi tla ka simkan le; a lân thawk hen thil a hawng um ding mi khawm ka simkan. Ka thiltum tla chu ka tlawlh lai lo le, ti ding hen thil zeizawng ka tum mi tla chu ka ti nget lai ti ka sim.

ISAI 60:19

“Sûn ah Nî chu na rangah chêu asi lai lo rawh, Zân khawm ah thlâpa chu na rangah chêu asi lai lo rawh; Kei, LALPA chu na zungzâl chêu kasi lai le, Ka rokualnâk chêu chu na tlûnah a chêu lai.

MALAKI 3:6

“Kei, dang kho lo mi LALPA kasi. Churuangah nannih Jakob thlâk tla nan vei dep rîlmâl lai lo.

NUMBER 11:17

Chunah chun ka hawng lai le, kan sawnh lai, thlarau kan pêk mi kha annih khawm ka pêk na lai, chu tikah zapi lakah na mawhphurhnâk chu, chu tla nih an ṭangpi lai le, nangmah lâwng na si lai lo rawh.

NUMBER 11:25

Churawhchun, LALPA chu sûm lakah a hawng ṭum le, Mosi chu a sawnh. Mosi rangah a pêk mi thlarau chu a lâk le, ruitu sâwmsarih chu a pêk na. Chu thlarau chu an tlûnah a hawng tlung rawh chun khuavâng tla hâwi hen an hawng âu sawm, sikhawmsele hun sâwt tak rang ding chu asi lo.

NUMBER 23:19

Pathian chu minung hâwi hen âwkrâwl thusim mi asi lo; Minung hâwi hen thinlung dang lemang mi asi lo. Thu a tiamh rawh mi chu a ti vima; A sim mi chu a ti ngelchel.

MATHAI 7:11

Chuvachun, nannih misual men nih nan fa tla thil ṭha pêk ding dân nan theih chun, nan Pa vân ah mi nih chun a deihtu tla chu thil ṭha a pêk dauh khun lai lo mazei?

LUK 11:13

Chuvachun, nannih misual men nih nan fa tla thil ṭha pêk ding dân nan theih chun, nan Pa vân ah mi nih chun amah deihtu tla chu Thlarau Thenhlimh a pêk tam khun lai!” a ti.

JOHAN 1:9

Chêu dik tak mikip chêutirtu kha laikulh ah a hawng kal liau asi.

JOHAN 3:27

Johan nih a sâng le, “Minung nih zeikhawm a nei kho lo, vân ah mi pêk asi lo chun.

JOHAN 3:3

Chun, Jisu nih a sâng le, a sinah, “Thungâi tak hen ka nan simh, mi âukhawm a suaknawlh lo chun Pathian Ram a muh kho lai loh,” a ti.

JOHAN 8:12

Chun, Jisu nih an sinah thu a sim nawlh le, “Kei laikulh chêu kasi; âuzawng hawng ka zûltu chu mûi ah a kal lai lo, nungnâk chêu a nei dauh lai,” a ti.

THILTI 11:18

Chun, chubang thu chu an theih hen an dâisip rawh, “Chu hâwi asi chun Pathian nih Phundang tla nung ding hen rim a siang rawh ma chu!” ti hen, Pathian an sawr rawh.

THILTI 5:31

Amah ngelchel kha Pathian nih Ruitu leh Ruangsuahtu rangah um ding hen a vawrhlei ah a chawnglawmh rawh, Israel tla sual rimtir ding leh ngaihdam ding hen.

ROM 6:23

Sual man chu thihnâk asi; Pathian thilthawt pêk lam chu kan Lalpa Jisu Krist ruangah chun zungzâl nungnâk asi.

1 KORIN 4:7

Nang âunih me a nan ti bîk? Na ting lo mi chu zei me na nei? Na ting asi chun zei rangah ting lo hâwi hen na sawr phah?

2 KORIN 4:6

Jisu Krist mêl ah chun Pathian rokual zia chêu chu hawng kan pêk ding hen, “Mûi lakah mi chêu a hawng chêu lai,” titu Pathian nih chun kan thinlung tla hi a hawng cherh rawh ruangah.

EPHESI 1:18

Chun, nan thinlung mit tla deitir a um hen amah kawhnâk lungumnâk tla hen mi thenhlimh tla lakah chun a ro ting ding rokual chawng zia tla,

EPHESI 2:8

Lungnâk ruangah Pathian zângfahnâk hen ruangsuah nan si; chu khawm chu nanmah lakah suak asi lo le, Pathian thilpêk asi; thilti ruangah si lo, chu lo chun mi anna khâwng lebang lai.

DEUTERONOMY 4:19

Vân ah nan muh mi nî, thlâ leh ârfi tla sawnh ding hen khawm perpet hen um lah u. Chubang zawzawng tla chu LALPA nan Pathian nih midang tla rangah sawnh ding hen a pêk na mi asi.

PHILIPI 1:29

Krist ruangah amah nan lung cho si lo hen amah ruangah nan tuar khawm siang asi;

1 TIMOTHE 6:16

Amah cho nih thih kholonâk a nei, chêu naih kho lo rê ah a um le, amah chu âukhawm nih an muh dahlo, muh khawm an muh kho ber lo, amah sinah zungzâl chawnglawmhnâk leh thiltikhonâk um seh. Amen.

HEBRAI 13:8

Jisu Krist chu mazân khawm, tusûn khawm ah leh kumleza hen a mahmun hen a um kumza.

JEM 1:5

Sikhawmsele, nan lakah âuzawng nih finghnâk a samphâng chun mi zawzawng sinah siang tak leh zângfah tak hen pêk tâwntu Pathian chu deih seh, churawhchun a sinah pêk asi lai.

JEM 3:15

Chu hâwi mi finghnâk chu vân lei thawk hen a suak mi asi lo le, laikulh leh taksa leh khurî thawk hen mi asi dauh.

JEM 3:17

Sikhawmsele, tlûnlei thawk hen a hawng suak mi finghnâk lam chu, a masa chem hen a thenhlimh le, chu nûnah chun remnâk a duh, a nunnêm le, a kawmh a nuam le, zângfahnâk leh thil ṭha ti hen a khat le, thlei bîk a nei lo le, a perpê lo asi.

1 JOHAN 1:5

Chun, thuchah a Fapa sin thawk hen kan theih le, nan sinah kan simh na mi chu hi hi asi: Pathian chu chêu asi, amah lakah chun mûi rerêng a um lo.

1 JOHAN 4:10

Zângfahnâk ka ti mi hi, kanmah nih Pathian kan zângfah ka ti mi silo le, amah nih hawng kan zângfah le, kan sual tla ngaihdamnâk ding hen a Fapa a hawng fial ka ti dauh asi.

THUPHUANG 21:23

Chun, chu khua nih chun a cherhtu ding hen nî a herh lo, thlâ khawm a herh lo; Pathian rokualnâk nih a cherh le, an meichêu chu Dawrâ Fa asi.

THUPHUANG 22:5

Chun, zân a um lai lo le, khâwnvâr chêu leh nî chêu a herh lai lo le, Lalpa Pathian chu an chêu asi ruangah, zungzâl hen lâi a rêl lai rawh.

1 SAMUEL 15:29

Israel lakah thuneitu Pathian chu a âwkrâwl awtlo le, a thu khawm a lêt lai lo. Minung asi lo ruangah a thinlung a lêt ding asi lo,” a ti.