JEM 1:15 - Bawm Common Language Bible Version

¹⁵ Chun, duhnâk nih chun fa a pâwi le, sual a ring tâwn. Chun, chu sual chu a hawng ṭhang rawh chun thihnâk a ring tâwn.

JEM 1:15 ပူးပေါင်းရင်းမြစ်များ

GENESIS 3:6

Nunau nih thing ṭha tak leh rah dawh tak chu a muh le, ei hen hawng fing ding mi chu a chê awt chiam e! ti hen a ruat. Churawhchun, a rah zeimaw mi chu a kawih le, a ei rawh. Chun, a pasal khawm zeimaw mi chu a pêk le, anih khawm a ei rawh.

2 SAMUEL 11:4

David nih a sinah hawngpi ding hen mi a fial le, a sinah an hawng put le, a ihpi, (a nunau râitâ a lîm kâtê asi) churawhchun a in leiah a lâwi nawlh.

JOB LASUIBU 15:35

Hi bang minung tla hi sualtirtu leh nawktirtu an si le, an thinlung tla chu perpetnâk hen a khat kumza.

SAM 7:14

Misual nih sualnâk a dawn mi leh nawknâk leh perpetnâk an tum mi chu zauh.

SAM 9:17

Thihnâk hi misual zawzawng leh Pathian duhlotu zawzawng dawnghnâk asi.

THUFING LASUIBU 11:19

Âuzawng thil dik ti tumtu chu a nung lai le, sikhawmsele thilsual titu lam chu a thi lai.

ISAI 33:11

Thil ṭangkâilo thilti ding na tum le, na thilti zawzawng zeikhawm asi lo. Ka thlarau mei hâwi mi nih a nan râwk lai.

ISAI 59:4

Lâirêlnâk in ah nan va kal le, sikhawmsele nanmah leiah diknâk nan nei lo. Nan thunawk lakah âwkrâwl thusim hen neh ding nan tum. Nan thiltum chu midang rangah nganfâk pêk ding nan awt.

MATHAI 26:14

Chu nûnah chun leinih tla lakah pakhat Juda Iskariot an ti mi chu bâwlpu lal tla sinah a kal le,

MATHAI 5:28

Kei lam nih chun, âuzawng nunau duhnâk nei hen zauhtu vial chu a thinlung ah ṭângdang a pawmtâk ving rawh ti ka nan simh na.

JEM 1:14

Mi kip mah duhnâk sual ah kuaih leh khih hen an um chun, lêmnâk an tawng mi asi dauh.

JEM 1:18

Amah duhzia hâwi hen thudik ah hawng kan ring le, a thilsiam zawzawngah mun masa chem kan luah khonâk ding hen.