JEM 1:12 - Bawm Common Language Bible Version

¹² Niknâk lakah zumhkâi tak hen um kumzatu chu a thaw a suak! Niknak chu a tuar kho tikah chun, nungnâk lallukhuh pêk asi lai; chu chu Pathian nih amah dâwttu tla rangah pêk ding hen a tiamh na mi lâwmman chu asi.

JEM 1:12 ပူးပေါင်းရင်းမြစ်များ

GENESIS 22:1

A nehnûnah chun Abraham chu Pathian nih a nik le, a sinah a kawh, “Abraham,” a ti. Abraham nih “Uai hinah ka um” ti hen a sâng.

NEHEMIAH 1:5

“LALPA, vân ah mi Pathian! Nang chu na rokual le, kannih chu nangmah ṭih hen kan um ko. Nangmah dâwttu leh na thupêk hâwi hen thil titu sinah chun na Thudântuk lakah rinhsanh tlâk na si.

JOB LASUIBU 2:10

Job nih a sâng le, “Nang hi zeikhawm theihlo pet hen thu na sim,” a ti. Pathian nih zei thil ṭha mawh hawng kan pêk chun kan a lâwm, thil sia a hawng tlung liauah kan simsiat kho lai mazei? Hi bang zawng tuar khawmsele Job nih Pathian a simsiat lo thlo.

JOB LASUIBU 5:17

Pathian nih a zauhfiang mi minung chu a thaw a suak. Nun an simh liauah lungsilo lah.

SAM 11:5

Misual leh miṭha chu a nik vevê na le, dân nei lo mi chu a thinlung zawzawng hen a hua na.

SAM 119:67

Na ka rêp lânah, thil diklo leiah ka kal le, tu lam chun na thu ka ngâi.

SAM 119:71

Rêp hen ka um mi kei rangah chun a ṭha, na dân thu zûl ding hen lungfiang a ka suah ruangah.

SAM 119:75

LALPA, na lâirêlnâk chu a rep ti ka theih le, zumh na kâi ruangah na ka rêp mi asi.

SAM 5:11

Sikhawmsele, nangmah lakah himnâk tawngtu tla chu anna lâwm lai le, lâwm hen la an sak kumza lai. Nangmah dâwttu tla chu kilkâwi na le, nangmah ruangah lâwm tatak hen anna lâwm ruangah.

SAM 94:12

LALPA, na sîntir na mi chu an thaw a suak hen na dân na sîntir mi chu an thaw a suak!

EXODUS 20:6

Sikhawmsele, hawng ka duhtu leh ka dân zûltu tla chu, an thlâk tla, san sâng tiang hen ka dâwtnâk an sinah ka langh lai.

THUFING LASUIBU 17:3

Tangka leh ngûn chu mei hen nik asi le, minung thinlung lam chu LALPA nih a nik.

ISAI 64:4

A lakah an lungumnâk siahtu tla rangah chubang hâwi thil titu nangmah hâwi mi Pathian khawm nih an muh hen an theih lo.

ZEKARIA 13:9

Churawhchun, a mun thumnâk a thibang chu mei nih tangka a thiangtir mi hâwi hen ka thiangtir lai. Ngûn nik mi hâwi hen ka nik na lai. Churawhchun, ka sinah thla an cham lai le, ka sâng na lai rawh. Ka mi le an si ti ka simh na lai le, annih khawm nih kan Pathian na si an hawng ka ti bâk lai rawh,” a ti.

MATHAI 10:22

Keimah min ruangah mi zawzawng huat nan si lai; sikhawmsele, a dawngh tiang hen tuar huamtu zawng chu, chu tak chu ruangsuah hen a um lai.

MATHAI 25:34

Chu tikah chun Lalchem nih chun a vawrhlei ah mi tla sinah, ‘Ka Pa malsâwm mi tla, hawng ule, laikulh siam tîr thawk hen nan rangah Ram timhtuah mi chu a ting u.

LUK 6:22

“Minung Fapa ruangah mi nih an hua na hen, an nawng na hen, an fâi na hen, nan min a ṭhalo ti hen an lawnh tlak na tikah nan thaw a suak teh lai!

ROM 5:4

felfênâk nih chun Pathian remtinâk a siam, Pathian remtinâk nih chun lungumnâk a siam ti kan theih asi.

ROM 8:28

Chun, Pathian dâwttu amah ruat hâwi hen a kawh mi tla rangah chun ṭhatnâk ding hen zeizawng hen a ṭuan piak na tâwn ti kan theih.

1 KORIN 2:9

Pathian lasui thu nih, “Mit nih muh dahlo, nâ nih theih dah loh, minung thinlung a lût dah loh, Pathian nih a dâwt mi rangah a timhtuah mi vial tla chu,” ti hen, a sim hâwi khan.

1 KORIN 8:3

Sikhawmsele, âuzawng nih Pathian a dâwt chun, chu tak chu amah theih asi.

1 KORIN 9:25

Chun, tekzuamnâk tla lakah chun â ṭang rarâm mi chu zeizawng ah anna sûm tâwn asi. Annih lam nih chun lallukhuh râwk kho tawng ding hen anna ṭang, kannih lam nih chun lallukhuh râwk kho lo tawng ding hen.

DEUTERONOMY 13:3

an thu tla ngâi piak na lah u. LALPA, nan Pathian nih nan thinlung zawzawng hen, amah chu nan dâwt ma dâwtlo ti muh ding duh hen a nan nik na mi asi.

DEUTERONOMY 7:9

LALPA nan Pathian amah cho chu Pathian asi hen zumh a kâi ti theihkumza u. A thudântuk leh a dâwtnâk dawnglo chu, amah dâwttu leh a thupêk zûltu tla sinah thlâk san sâng khat tiang hen a langhtir lai le,

DEUTERONOMY 8:2

LALPA nan Pathian nih ramkaro pal hen lam lât tak kum sâwmli kar a nan rui na mi kha theihkumza u, a thupêk nan ngâi ma ngâilo, zei hâwi hen nan thinlung a um ti a theih kho ding hen nan lakah harsatnâk tlungtir hen a nan nik na mi kha.

2 TIMOTHE 2:15

Rianṭuantu thu dik thu rep tak hen mangtu chu ningzak ding asi lo hâwi hen, Pathian ngaih hen ṭha hâwi a langhtir ding hen semsêngâi rawh.

2 TIMOTHE 4:8

tuah lam chun repnâk lallukhuh chu ka rangah siah hen a um rawh; chu chu Lalpa lâirêltu rep tak nih chun chu ni ah a hawng ka pêk lai. Ka sinah cho silo hen, a langhnâk awrhtu kip tla sinah khawm.

HEBRAI 10:32

Sikhawmsele, a lânah Pathian chêunâk hen chêutir a nan um nûnah tuarnâk fâk tak nan tuar liauah donâk nih a nan neh na lo mi kha theihkumza u.

HEBRAI 11:17

Lungnâk hen Abraham chu thutiam tla ting hen, “Isak lakah hin na thlâk tla an hawng suak lai,” ti hen simh si menza khawmsele,

HEBRAI 12:5

Fawrhnâk thu fa tla nunsimh hâwi hen Pathian nih a nan simh na mi kha nan philh rawh na maw? “Ka fa, Lalpa nunsimhnâk chu siarlo lah, amah simhfâi hen na um chun a dâithlanh lah.

HEBRAI 6:15

Chun, felfê tak hen a tuar ver nûnah thutiam chu Abraham nih a tawng taktê.

JEM 2:5

Unau tla, ngâinik u, Pathian nih chun hi laikulh ah mipâm tla chu lungnâk nei tam ding leh amah dâwttu tla sinah Ram a tiamh mi luahtu ding hen a thîm na asi.

JEM 5:11

Tuar khotu tla chu mi thawsuak kan ti na. Job felfê zia chu nan theih, Lalpa nih a dawnghnâk ah a ti zia khawm kha nan theih, Lalpa chu siherhnâk leh khuaruatnâk hen a khat zia khawm kha.

1 PETER 3:14

Thil dik ti ruangah tuartu ding nan si chun nan thaw a suak. Minung tla khawm ṭih lah ule, lungdawng lah u.

1 PETER 4:13

A rokualnâk langh hen a um tikah lâwmnâk rangtling hen nan um khonâk ding hen Krist tuarpitu nan si ti theih hen a lâwm dauh lehlam u.

1 PETER 4:14

Krist lungtu nan si ruangah fâi nan si chun nan thaw a suak, rokualnâk Thlarau leh Pathian Thlarau chu nan lakah a um ruangah.

1 PETER 5:10

Chun, Pathian zângfahnâk zawzawng a zungzâl rokualnâk ting ding hen Krist, a nan kawh natu nih chun sâwtlotê nan tuar nûnah siam rangtling hen, birhtir hen, a nan chaktir na lai.

1 PETER 5:4

Chun, Dawrâpu Lian a hawng a langh tikah a rokualnâk lallukhuh nawh kho lo mi chu nan tawng lai.

1 JOHAN 4:19

Pathian nih a hawng kan zângfah masa ruangah kan zângfah asi.

THUPHUANG 2:10

Nâ tuar ding tla hi ṭih lah, ngâinik, Diabol nih niknâk ah a nan siah lai le, nan lakah mi zeimaw mi rêngin ah a nan khumh na awt asi, chun, ni râ hamh nan tuar lai. Thih tiang hen zumhkâi hen um rawh, chuvachun nungnâk lallukhuh ka nan pêk lai.

THUPHUANG 3:19

Ka dâwt hen ka zângfah mi tla chu ka fâi hen nun ka simh na tâwn, semsêngâi le, rim rawh.

THUPHUANG 3:21

A nehtu vial chu ka laltophah ah ka sinah ka totir lai le, kei khawm nih ka neh le, ka Pa sinah a laltophah ah ka to hâwi hen.